ಜೈಪುರದಲ್ಲಿ ಕೋವಿಡ್-19 ಸೋಂಕಿತ ಇಟಲಿ ನಾಗರಿಕ ಸಾವು:ಭಾರತದಲ್ಲಿ ಸಾವಿನ ಸಂಖ್ಯೆ 5ಕ್ಕೆ ಏರಿಕೆ

Team Udayavani, Mar 20, 2020, 11:32 AM IST

Representative Image

ನವದೆಹಲಿ/ಜೈಪುರ್:ಕೋವಿಡ್ -19 ಮಹಾಮಾರಿ ವೇಗವಾಗಿ ಹರಡುತ್ತಿದ್ದು, ರಾಜಸ್ಥಾನದ ಜೈಪುರದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಕೋವಿಡ್-19 ಸೋಂಕಿತ ಇಟಲಿ ವ್ಯಕ್ತಿ ಸಾವನ್ನಪ್ಪಿದ್ದು, ಇದರೊಂದಿಗೆ ಭಾರತದಲ್ಲಿ ಕೋವಿಡ್-19 ವೈರಸ್ ಗೆ ಸಾವನ್ನಪ್ಪಿದವರ ಸಂಖ್ಯೆ 5ಕ್ಕೆ ಏರಿದಂತಾಗಿದೆ.

ಭಾರತದಲ್ಲಿ ಕೋವಿಡ್-19 ವೈರಸ್ ಸೋಂಕಿತರ ಸಂಖ್ಯೆ 200ಕ್ಕೆ ಏರಿದೆ. ಜಾಗತಿಕವಾಗಿ 2,22,642ಕ್ಕೆ ಏರಿಕೆ ಕಂಡಿದೆ. ಭಾರತದಲ್ಲಿ ಒಟ್ಟು 20 ಮಂದಿ ಚೇತರಿಸಿಕೊಂಡಿದ್ದಾರೆ ಎಂದು ವರದಿ ತಿಳಿಸಿದೆ.

ದುಬೈನಿಂದ 114 ಮಂದಿ ಪುಣೆಗೆ:

ಖಾಸಗಿ ವಿಮಾನದ ಮೂಲಕ ದುಬೈನಿಂದ ಪುಣೆಗೆ 114 ಮಂದಿ ವಾಪಸ್ ಆಗಿದ್ದಾರೆ. ಇವರನ್ನೆಲ್ಲಾ ಮುಂದಿನ 15 ದಿನಗಳ ಕಾಲ ನಿಗಾ ವಹಿಸಲು ಕ್ವಾರ್ಟೈನ್ (ಪ್ರತ್ಯೇಕ)ವಾರ್ಡ್ ಗೆ ಕಳುಹಿಸಲಾಗಿದೆ. ತಮಗೆ ಕೆಮ್ಮ ಇದ್ದಿರುವುದಾಗಿ ಮಾಹಿತಿ ನೀಡಿದ್ದರಿಂದ ಇವರನ್ನೆಲ್ಲಾ ನಾಯ್ಡು ಸರ್ಕಾರಿ ಆಸ್ಪತ್ರೆಯ ಪ್ರತ್ಯೇಕ ವಾರ್ಡ್ ನಲ್ಲಿ ಇರಿಸಲಾಗಿದೆ ಎಂದು ವರದಿ ತಿಳಿಸಿದೆ.