ಭಗತ್‌ಸಿಂಗ್‌ ಉಗ್ರ ಎಂದ ಪ್ರೊಫೆಸರ್‌

Team Udayavani, Dec 1, 2018, 6:00 AM IST

ಜಮ್ಮು: ಭಗತ್‌ ಸಿಂಗ್‌ ಉಗ್ರಗಾಮಿ ಎಂದು ಜಮ್ಮು ವಿಶ್ವವಿದ್ಯಾಲಯದ ಉಪನ್ಯಾಸಕ ಪ್ರೊ. ಮೊಹಮ್ಮದ್‌ ತಾಜುದ್ದೀನ್‌ ಹೇಳಿರುವುದು ಈಗ ವಿವಾದಕ್ಕೀಡಾಗಿದೆ. ಈ ಸಂಬಂಧ ತನಿಖೆಗೆ ವಿವಿ ಆದೇಶಿಸಿದೆ. ಗುರುವಾರ ರಾಜ್ಯ ಶಾಸ್ತ್ರದ ಬಗ್ಗೆ ಉಪನ್ಯಾಸ ನೀಡು ತ್ತಿದ್ದ ವೇಳೆ ತಾಜುದ್ದೀನ್‌ ಈ ರೀತಿ ಹೇಳಿದ್ದಾರೆ ಎಂದು ವಿದ್ಯಾರ್ಥಿಗಳು ದೂರಿದ್ದಾರೆ.

ಈ ಬಗ್ಗೆ ದಾಖಲೆಯಾಗಿ ಸಿಡಿಯನ್ನು ಕುಲಪತಿ ಡಾ. ವಿನಯ್‌ ಥುಸೂ ಅವರಿಗೆ ಸಲ್ಲಿಸಲಾಗಿದೆ. ತಕ್ಷಣ ಈ ಬಗ್ಗೆ ಕ್ರಮ ಕೈಗೊಂಡ ಕುಲಪತಿ ಡಾ. ವಿನಯ್‌ ಸಮಿತಿ ರಚಿಸಿ ತನಿಖೆಗೆ ಆದೇಶಿಸಿದ್ದು, 7 ದಿನಗಳೊಳಗೆ ವರದಿ ಸಲ್ಲಿಸುವಂತೆ ಸೂಚಿಸಿದ್ದಾರೆ. ಅಷ್ಟೇ ಅಲ್ಲ,  ತಾಜುದ್ದೀನ್‌ ತರಗತಿಗೆ ಹಾಜರಾಗದಂತೆ ಸೂಚಿಸಲಾಗಿದೆ. ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ತಾಜುದ್ದೀನ್‌, ನನ್ನ 2 ಗಂಟೆ ಉಪನ್ಯಾಸದಲ್ಲಿ ಕೇವಲ 25 ಸೆಕೆಂಡುಗಳ ವಿಡಿಯೋ ತೆಗೆದು ಕೊಂಡು ವಿವಾದ ಮಾಡಿದ್ದಾರೆ. ಆ 25 ಸೆಕೆಂಡಲ್ಲಿ ಉಗ್ರ ಎಂಬ ಪದ ಬಳಕೆಯಾಗಿದೆ. ಯಾರಿಗಾದರೂ ಇದರಿಂದ ನೋವಾಗಿದ್ದರೆ ನಾನು ಕ್ಷಮೆ ಕೇಳುತ್ತಿದ್ದೇನೆ ಎಂದಿದ್ದಾರೆ.