ಪ.ಬಂಗಾಳ : ಸಿಪಿಎಂ ಅಭ್ಯರ್ಥಿಯಾಗಿ JNU ವಿದ್ಯಾರ್ಥಿ ಸಂಘದ ಹಾಲಿ ನಾಯಕಿ ಆಯಿಷಾ ಘೋಷ್..!

Team Udayavani, Mar 11, 2021, 6:44 PM IST

ನವ ದೆಹಲಿ : ಪಶ್ಚಿಮ ಬಂಗಾಳದ ಚುನಾವಣೆ ಕ್ಷಣ ಕ್ಷಣಕ್ಕೂ ಕುತೂಹಲವನ್ನು ಹೆಚ್ಚಿಸುತ್ತಿದೆ. ಈಗ, ಜವಾಹರಲಾಲ್ ನೆಹರು ವಿಶ್ವವಿದ್ಯಾಲಯದ (ಜೆಎನ್‌ಯು) ವಿದ್ಯಾರ್ಥಿ ಸಂಘದ ನಾಯಕಿ ಆಯಿಷಾ ಘೋಷ್ ಪಶ್ಚಿಮ ಬಂಗಾಳದ ವಿಧಾನಸಭಾ ಚುನಾವಣೆಯಲ್ಲಿ ಸಿಪಿಐ (ಎಂ) ಅಭ್ಯರ್ಥಿಯಾಗಿ ಕಣಕ್ಕಿಳಿಯಲಿದ್ದಾರೆ ಎಂದು ಸಿಪಿಐ ಘೋಷಿಸಿದೆ.

ಈ ಮೂಲಕ ಚುನಾವಣೆಯಲ್ಲಿ ಸ್ಪರ್ಧಿಸಿದ ಜೆಎನ್‌ಯು ವಿದ್ಯಾರ್ಥಿ ಸಂಘದ ಮೊದಲ ಹಾಲಿ ನಾಯಕಿ ಎನ್ನುವ ಖ್ಯಾತಿಗೆ ಆಯಿಷಾ ಪಾತ್ರರಾಗಿಲಿದ್ದಾರೆ.

ಓದಿ : ಪಾಕ್ ನಿಂದ ಬಂದು ಕಳೆಯಿತು ಐದು ವರ್ಷ, ಇನ್ನಾದರೂ ಈಕೆಗೆ ತಾಯಿ ಯಾರೆಂದು ತಿಳಿಯುವುದೆ..?

ಆಯಿಷಾ ಘೋಷ್ ಅವರು ಪಶ್ಚಿಮ ಬಂಗಾಳದ ಜಮುರಿಯಾ ಕ್ಷೇತ್ರದಿಂದ ಸಿಪಿಎಂ ಅಭ್ಯರ್ಥಿಯಾಗಿ ವಿಧಾನಸಭಾ ಚುನಾವಣಾ ಅಖಾಡದಲ್ಲಿ ಸ್ಪರ್ಧಿಸಲಿದ್ದಾರೆ.

ಇನ್ನು, ಜೆ ಎನ್ ಯು ವಿದ್ಯಾರ್ಥಿ ಆಯಿಷಾ ಗೆ ಸಂಯುಕ್ತ ಮೋರ್ಚಾ ಬೆಂಬಲವನ್ನು ಸೂಚಿಸಿದೆ.

ಕಳೆದ ವರ್ಷ ಜನವರಿಯಲ್ಲಿ ಜೆಎನ್‌ಯು ಕ್ಯಾಂಪಸ್‌ನಲ್ಲಿ ವಿದ್ಯಾರ್ಥಿಗಳು ಮತ್ತು ಶಿಕ್ಷಕರ ಮೇಲೆ ನಡೆದ ಕ್ರೂರ ದಾಳಿಯಲ್ಲಿ ಆಯಿಷಾ ಘೋಷ್ ತೀವ್ರವಾಗಿ ಗಾಯಗೊಂಡಿದ್ದರು.

ಮಾಜಿ ಜೆಎನ್‌ ಯು ವಿದ್ಯಾರ್ಥಿ ಸಂಘದ ನಾಯಕ ಕನ್ಹಯ್ಯ ಕುಮಾರ್ ಕೂಡ 2019 ರ ಲೋಕಸಭಾ ಚುನಾವಣೆಯಲ್ಲಿ ಬಿಹಾರದ ಬೆಗುಸರಾಯ್‌ ನಿಂದ ಎಡ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದರು.

ಓದಿ : ಕಸಾಪದಲ್ಲಿ ಬದಲಾವಣೆಗೆ ಯತ್ನ: ಡಾ|ಜೋಶಿ