ಮಾನಸ ಸರೋವರ ಯಾತ್ರೆಗೆ ಈ ಬಾರಿ ನಾಥು ಲಾ ಪಾಸ್ ಮುಕ್ತ: ಸುಶ್ಮಾ
Team Udayavani, May 8, 2018, 3:36 PM IST
ಹೊಸದಿಲ್ಲಿ : ಕೈಲಾಸ ಮಾನಸ ಸರೋವರ ಯಾತ್ರೆಗಾಗಿ ಈ ಬಾರಿ ನಾಥು ಲಾ ಪಾಸ್ ಮಾರ್ಗವನ್ನು ತೆರೆಯಲಾಗಿದೆ ಎಂದು ಕೇಂದ್ರ ವಿದೇಶ ವ್ಯವಹಾರಗಳ ಸಚಿವೆ ಸುಶ್ಮಾ ಸ್ವರಾಜ್ ಇಂದು ಮಂಗಳವಾರ ಪ್ರಕಟಿಸಿದ್ದಾರೆ.
ಮಾಧ್ಯಮವನ್ನು ಉದ್ದೇಶಿಸಿ ಮಾತನಾಡಿದ ಸಚಿವೆ ಸುಶ್ಮಾ ಸ್ವರಾಜ್ ಅವರು, “ಕಳೆದ ವರ್ಷ ನಾಥು ಲಾ ಪಾಸ್ ಮಾರ್ಗವನ್ನು ಮುಚ್ಚಲಾಗಿದ್ದಾಗ ನಾನು ಚೀನದ ವಿದೇಶ ಸಚಿವಾಲಯಕ್ಕೆ ಹೇಳಿದ್ದೆ : ಉಭಯ ದೇಶಗಳ ಜನರ ನಡುವೆ ಸಂಪರ್ಕ ಸಂವಹನದ ಮಾರ್ಗವನ್ನು ಮುಕ್ತಗೊಳಿಸದೆ ಸರಕಾರಗಳ ನಡುವಿನ ಸಂಬಂಧ ಸುಧಾರಿಸದು; ನಾಥು ಲಾ ಪಾಸ್ ಮಾರ್ಗವನ್ನು ಮುಚ್ಚಲಾಗಿರುವುದು ಜನರಿಗೆ ದೊಡ್ಡ ಹೊಡೆತವಾಗಿದೆ ಎಂದು. ಈ ಬಾರಿ ಕೈಲಾಶ್ ಮಾನಸ ಸರೋವರ ಯಾತ್ರೆಗಾಗಿ ನಾಥು ಲಾ ಪಾಸ್ ಮಾರ್ಗವನ್ನು ತೆರೆಯಲಾಗಿರುವುದು ನನಗೆ ಅತೀವ ಸಂತಸವನ್ನು ಉಂಟು ಮಾಡಿದೆ’.
ಈ ಬಾರಿ ನಾವು ಲಿಪುಲೇಖ್ ಪಾಸ್ ಮೂಲಕ 60 ಯಾತ್ರಿಕರನ್ನು ಒಳಗೊಂಡ 18 ತಂಡಗಳನ್ನು ಕಳುಹಿಸುವೆವು; 50 ಯಾತ್ರಿಕರನ್ನು ಒಳಗೊಂಡ 10 ತಂಡಗಳನ್ನು ನಾಥು ಲಾ ಪಾಸ್ ಮಾರ್ಗದ ಮೂಲಕ ಕಳುಹಿಸುವೆವು; ಅಂದರೆ ಒಟ್ಟು 1,580 ಯಾತ್ರಿಕರು ಈ ಬಾರಿ ಕೈಲಾಶ್ ಮಾನಸ ಸರೋವರ ಯಾತ್ರೆಯನ್ನು ಕೈಗೊಳ್ಳುವರು’ ಎಂದು ಸುಶ್ಮಾ ಹೇಳಿದರು.
ಕಳೆದ ವರ್ಷ 72 ದಿನಗಳ ಕಾಲ ಭಾರತ – ಚೀನ ಸೇನೆ ವಿವಾದಿತ ಡೋಕ್ಲಾಂ ನಲ್ಲಿ ಮುಖಾಮುಖೀಯಾಗಿ ಸಮರ ಸದೃಶ ಉದ್ವಿಗ್ನತೆ ಗಡಿಯಲ್ಲಿ ಉಂಟಾದುದನ್ನು ಅನುಸರಸಿ ಚೀನ, ಭಾರತೀಯ ಯಾತ್ರಿಕರಿಗೆ ನಾಥು ಲಾ ಪಾಸ್ ಮಾರ್ಗವನ್ನು ಮುಚ್ಚಿತ್ತು.
ಅನಂತರದಲ್ಲಿ ಈಚೆಗೆ ಚೀನದಲ್ಲಿ ನಡೆದಿದ್ದ ಶಾಂಘೈ ಸಹಕಾರ ಸಂಘಟನೆಯ ವಿದೇಶ ಸಚಿವರ ಶೃಂಗಕ್ಕೆ ತೆರಳಿದ್ದಾಗ ಸುಶ್ಮಾ ಸ್ವರಾಜ್ ಅವರು ನಾಥು ಲಾ ಪಾಸ್ ಮಾರ್ಗವನ್ನು ಕೈಲಾಶ್ ಮಾನಸ ಸರೋವರ ಯಾತ್ರಿಕರಿಗಾಗಿ ತೆರೆಯುವಂತೆ ಒತ್ತಾಯಿಸಿದ್ದರು. ಆ ಪ್ರಕಾರ ಚೀನ ಈ ಬಾರಿ ನಾಥು ಲಾ ಪಾಸ್ ಮಾರ್ಗವನ್ನು ತೆರೆದಿದ್ದು ಭಾರತೀಯ ಕೈಲಾಶ್ ಮಾನಸ ಸರೋವರ ಯಾತ್ರೆಗೆ ಅನುಕೂಲವಾಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Rajveer Diler: ಹೃದಯಾಘಾತದಿಂದ ಬಿಜೆಪಿ ಸಂಸದ ರಾಜ್ವೀರ್ ದಿಲೇರ್ ನಿಧನ
Scam: 25,000 ಕೋಟಿ ಬ್ಯಾಂಕ್ ಹಗರಣ ಪ್ರಕರಣ: ಅಜಿತ್ ಪವಾರ್ ಪತ್ನಿ ಸುನೇತ್ರಾಗೆ ಕ್ಲೀನ್ ಚಿಟ್
LS Polls: ವೇದಿಕೆಯಲ್ಲಿ ಭಾಷಣ ಮಾಡುತ್ತಲೇ ಅಸ್ವಸ್ಥಗೊಂಡ ಕೇಂದ್ರ ಸಚಿವ ನಿತಿನ್ ಗಡ್ಕರಿ
Lok Sabha Election: ಗೋವಾದ ಎರಡೂ ಕ್ಷೇತ್ರದಲ್ಲಿ 16 ಅಭ್ಯರ್ಥಿಗಳು ಕಣಕ್ಕೆ, ಇಲ್ಲಿದೆ ವಿವರ
ಹಳದಿ ಶಾಸ್ತ್ರದ ವೇಳೆ ವಿದ್ಯುತ್ ಸ್ಪರ್ಶ… ಆಸ್ಪತ್ರೆ ದಾರಿ ಮಧ್ಯೆ ಕೊನೆಯುಸಿರೆಳೆದ ವರ
MUST WATCH
ಹೊಸ ಸೇರ್ಪಡೆ
Sagara: ಮಹಿಳೆಯ ಗರ್ಭಕೋಶದಲ್ಲಿದ್ದ 7 ಕೆಜಿ ಗಡ್ಡೆ ಹೊರತೆಗೆದ ವೈದ್ಯರು
Sirsi: ಏ. 28ಕ್ಕೆ ಶಿರಸಿಗೆ ಪ್ರಧಾನಿ ಮೋದಿ… ಸಿದ್ಧತೆ ಆರಂಭ: ಕಾಗೇರಿ
ಮೂಲಭೂತ ಸೌಕರ್ಯ ಕೊಡಿ ಎಂದಿದ್ದೇನೆ ಹೊರತು, ಒಕ್ಕಲೆಬ್ಬಿಸಿ ಎಂದಿಲ್ಲ; ಬೇಳೂರು ಸ್ಪಷ್ಟನೆ
Jamie Dimon: ಮೋದಿ ಆರ್ಥಿಕ ನೀತಿ ಅದ್ಭುತ, ಅಮೆರಿಕದಲ್ಲೂ ಜಾರಿ ಮಾಡಿ: ಜೇಮಿ
Sunita Williams: ಮೇ 6ರಂದು 3ನೇ ಬಾರಿಗೆ ಸುನಿತಾ ವಿಲಿಯಮ್ಸ್ ಗಗನ ಯಾತ್ರೆ