ನಾಯಿಯಿಂದ ಕಾಪಾಡೋಕೆ ಗನ್ಮ್ಯಾನ್! ವಿಡಿಯೋ ವೈರಲ್
Team Udayavani, Sep 16, 2022, 7:15 PM IST
ಕೇರಳದಲ್ಲಿ ಬೀದಿ ನಾಯಿಗಳ ಕಾಟ ಹೆಚ್ಚಿದ್ದು, ಅನೇಕರು ಅವುಗಳಿಂದ ಕಚ್ಚಿಸಿಕೊಂಡು ಆಸ್ಪತ್ರೆ ಸೇರಿದ್ದಾರೆ. ಇದರ ಬೆನ್ನಲ್ಲೇ ಶಾಲೆಗೆ ಹೋಗುವ ಮಕ್ಕಳನ್ನು ನಾಯಿಗಳಿಂದ ಕಾಪಾಡಲು ವ್ಯಕ್ತಿಯೊಬ್ಬರು ಗನ್ ಹಿಡಿದುಕೊಂಡು ಶಾಲೆಯವರೆಗೆ ಬಿಟ್ಟು ಬಂದಿರುವ ವಿಡಿಯೋ ಈಗ ಎಲ್ಲೆಡೆ ಹರಿದಾಡಿದೆ.
ಕಾಸರಗೋಡಿನ ಮದರಸಾದಲ್ಲಿ ವಿದ್ಯಾಭ್ಯಾಸ ಮಾಡುವ ವಿದ್ಯಾರ್ಥಿಗೆ ಇತ್ತೀಚೆಗೆ ಬೀದಿ ನಾಯಿ ಕಚ್ಚಿದೆ. ಅದರಿಂದಾಗಿ ಆ ಪ್ರದೇಶದ ಮಕ್ಕಳು ಹೆದರಿ ಮನೆಯಲ್ಲೇ ಉಳಿದಿದ್ದಾರೆ.
Watch | Man carrying airgun escorts school children to protect them from stray dogs in #Kerala #KeralaStrayDogMenace pic.twitter.com/F2QObkqX5P
— TOI Trivandrum (@TOI_Trivandrum) September 16, 2022
ವಿದ್ಯಾರ್ಥಿಯೊಬ್ಬರ ತಂದೆಯ ಬಳಿ ಏರ್ಗನ್ ಇದ್ದು, ಅದನ್ನು ಹಿಡಿದು ಅವರು ಊರಿನ ಮಕ್ಕಳನ್ನು ಶಾಲೆಗೆ ಬಿಟ್ಟುಬರುತ್ತಿದ್ದಾರೆ. ಪ್ರಾಣ ರಕ್ಷಣೆಗಾಗಿ ಹೀಗೆ ಮಾಡಬೇಕಾಗಿದೆ ಎಂದು ಅವರು ಹೇಳಿದ್ದಾರೆ.