ಗೋವಾ ಮನೋರಂಜನಾ ಸಂಸ್ಥೆಗೆ ಮಾಹಿತಿಯ ಕೊರತೆ: ದುಃಖಕರ ಎಂದ ಕಾಮತ್

Team Udayavani, Nov 4, 2021, 3:24 PM IST

ಪಣಜಿ: ‘2020 ರಲ್ಲಿ ಗೋವಾದಲ್ಲಿ ನಿರ್ಮಾಗೊಂಡಿರುವ ಸ್ಥಳೀಯ ಚಲನಚಿತ್ರಗಳ ಬಗ್ಗೆ ಮಾಹಿತಿಯಿಲ್ಲ ಎಂದು ಗೋವಾ ಮನೋರಂಜನಾ ಸಂಸ್ಥೆ ಹೇಳಿದೆ. ಇದು ಅತ್ಯಂತ ದುಃಖಕರ ಸಂಗತಿಯಾಗಿದೆ.ಈ ವಿಷಯದಲ್ಲಿ ಮುಖ್ಯಮಂತ್ರಿ ಪ್ರಮೋದ ಸಾವಂತ್ ರವರು ಹಸ್ತಕ್ಷೇಪ ಮಾಡಿ 2021 ರ ಅಂತರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಗೋವಾದ ಜನಲಚಿತ್ರಗಳಿಗೆ ವಿಶೇಷ ವಿಭಾಗ ಆರಂಭಿಸಬೇಕು’ ಎಂದು ರಾಜ್ಯ ಪ್ರತಿಪಕ್ಷದ ನಾಯಕ ದಿಗಂಬರ್ ಕಾಮತ್ ಆಗ್ರಹಿಸಿದ್ದಾರೆ.

ಮಡಗಾಂವನಲ್ಲಿ ಕರೆದಿದ್ದ ಸುದ್ಧಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ‘ರಾಜ್ಯದಲ್ಲಿ ಕಾಂಗ್ರೇಸ್ ಅಧಿಕಾರಾವಧಿಯಲ್ಲಿ 2005 ರಿಂದ 2011 ರ ವರೆಗೆ ಅಂತರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಗೋವಾದಲ್ಲಿ ನಿರ್ಮಾಣಗೊಂಡ ಹೆಚ್ಚಿನ ಚಲನಚಿತ್ರಗಳನ್ನು ಪ್ರದರ್ಶಿಸಲಾಗಿತ್ತು.ಆದರೆ 2012 ರಿಂದ ರಾಜ್ಯದಲ್ಲಿ ಅಧಿಕಾರಕ್ಕೆ ಬಂದ ಬಿಜೆಪಿ ಸರ್ಕಾರ ಗೋವಾದ ಜಲನಚಿತ್ರಗಳಿಗೆ ಚಲನಚಿತ್ರೋತ್ಸವದಲ್ಲಿ ವಿಶೇಷ ವಿಭಾಗ ಆರಂಭಿಸಲು ಸಾಧ್ಯವಾಗಲಿಲ್ಲ’ ಎಂದು ಆರೋಪಿಸಿದರು

ಇದನ್ನೂ ಓದಿ;- ಅಡುಗೆ ಅನಿಲ ಬೆಲೆ ಕೂಡಾ ಕಡಿಮೆ ಮಾಡಬೇಕು: ಡಿ ಕೆ ಶಿವಕುಮಾರ್

‘ಗೋವಾದ ಚಲನಚಿತ್ರ ನಿರ್ಮಾಪಕರಿಗೆ ಫಿಲ್ಮ ಫೈನ್ಸ ನಿಧಿಯನ್ನು ಇದುವರೆಗೂ ವಿತರಿಸಲಾಗಿಲ್ಲ. ಸರ್ಕಾರವು ಈ ಯೋಜನೆಯನ್ನು ಬಂದ್ ಮಾಡಿದೆ. ಈ ಯೋಜನೆಯನ್ನು ಸರ್ಕಾರವು ಯಾವ ಕಾರಣಕ್ಕಾಗಿ ಬಂದ್ ಮಾಡಿದೆ ಎಂಬುದನ್ನು ಸ್ಪಷ್ಟಪಡಿಸಬೇಕು’ ಎಂದು ದಿಗಂಬರ್ ಕಾಮತ್ ಆಗ್ರಹಿಸಿದ್ದಾರೆ.