ಲೋಕಸಭೆ ಚುನಾವಣೆ 2018ರ ಆಗಸ್ಟ್ನಲ್ಲಿ?
Team Udayavani, Dec 14, 2017, 12:25 PM IST
ಹೈದರಾಬಾದ್: 2019ರಲ್ಲಿ ನಡೆಯಬೇಕಿರುವ ಲೋಕಸಭೆ ಚುನಾವಣೆಯನ್ನು 2018ರ ಆಗಸ್ಟ್ನಲ್ಲೇ ನಡೆಸಬಹುದಾಗಿದೆ ಎಂದು ತೆಲಂಗಾಣದ ಬಿಜೆಪಿ ನಾಯಕ ಕೃಷ್ಣ ಸಾಗರ ರಾವ್ ಹೇಳಿದ್ದಾರೆ. ದೇಶಾದ್ಯಂತ ವಿಧಾನಸಭೆ ಮತ್ತು ಲೋಕಸಭೆ ಚುನಾವಣೆಗಳನ್ನು ಒಂದೇ ಬಾರಿಗೆ ನಡೆಸಲು ಪ್ರಧಾನಿ ನರೇಂದ್ರ ಮೋದಿ ಈ ಕ್ರಮ ಕೈಗೊಳ್ಳಲಿದ್ದಾರೆ ಎಂದಿದ್ದಾರೆ.
ಅಲ್ಲದೆ ಇದು ಅಧಿಕೃತ ಪ್ರಕಟನೆಯಲ್ಲ. ನಾನು ಒಬ್ಬ ಸಾಮಾನ್ಯ ವಿಶ್ಲೇಷಕನಾಗಿ ಈ ಹೇಳಿಕೆ ನೀಡಿದ್ದೇನೆ ಎಂದೂ ಸ್ಪಷ್ಟನೆ ನೀಡಿದ್ದಾರೆ. ಈ ಸಂಬಂಧ ಮುಂದಿನ ಯಾವುದಾದರೊಂದು ಅಧಿವೇ ಶನದಲ್ಲಿ ಮಸೂದೆ ಮಂಡಿಸಲಾಗುತ್ತದೆ. ಕರ್ನಾಟಕ, ಆಂಧ್ರಪ್ರದೇಶ, ತೆಲಂಗಾಣ ಮತ್ತು ತಮಿಳುನಾಡು ವಿಧಾನಸಭೆ ಚುನಾವಣೆಗಳನ್ನೂ ಲೋಕಸಭೆ ಚುನಾವಣೆಯ ಜತೆ ನಡೆಸಬಹುದು. ಶೀಘ್ರವೇ ಇದು ಘೋಷಣೆಯಾಗಬಹುದು ಎಂದಿದ್ದಾರೆ.