ಕುಂಭದಲ್ಲಿ ಐಶಾರಾಮಿ “ಇಂದ್ರಪ್ರಸ್ಥ’
Team Udayavani, Jan 3, 2019, 12:30 AM IST
ಪ್ರಯಾಗ್ರಾಜ್: ಈ ಬಾರಿಯ ಕುಂಭಮೇಳವನ್ನು ಅತ್ಯಂತ ಐಶಾರಾಮಿಯಾಗಿ ಹಾಗೂ ಚೊಕ್ಕವಾಗಿ ನಡೆಸಲು ತೀರ್ಮಾನಿಸಿರುವ ಉತ್ತರ ಪ್ರದೇಶ ಸರ್ಕಾರ, ಇಲ್ಲಿ ಸೇರಲಿರುವ 13 ಕೋಟಿ ಯಾತ್ರಾರ್ಥಿಗಳಿಗೆ ಉತ್ತಮ ಸೌಕರ್ಯಗಳನ್ನು ನೀಡಲು ಮುಂದಾಗಿದೆ. ಇವುಗಳಲ್ಲೊಂದು ಐಶಾರಾಮಿ ಟೆಂಟ್ ಹೌಸ್ಗಳ ಸಮುಚ್ಛಯ “ಇಂದ್ರಪ್ರಸ್ಥ’.
900 ಚದರಡಿ ವಿಸ್ತೀರ್ಣದಲ್ಲಿ ನಿರ್ಮಾಣಗೊಂಡಿರುವ “ಇಂದ್ರಪ್ರಸ್ಥ’ದಲ್ಲಿ ಡಿಲಕ್ಸ್, ಲಕ್ಷುರಿ ರೂಮುಗಳಿಂದ ಹಿಡಿದು ಐಶಾರಾಮಿ ವಿಲ್ಲಾ ಅಥವಾ ಸೂಟ್ಗಳನ್ನು ನಿರ್ಮಿಸಲಾಗಿದೆ. ಬಹುಜನರು ಒಟ್ಟಿಗೆ ಉಳಿದುಕೊಳ್ಳಬಹುದಾದ ಡಾರ್ಮಿಟೋರಿಸ್ ಮಾದರಿಯ ಟೆಂಟ್ಗಳಿದ್ದು, ಇವುಗಳಲ್ಲಿ ಒಂದು ರಾತ್ರಿಯ ಬಾಡಿಗೆ 1,000 ರೂ. ಇರಲಿದೆ. ಡಿಲಕ್ಸ್ ಕೊಠಡಿಯ ಬಾಡಿಗೆ ಒಂದು ರಾತ್ರಿಗೆ 13,000 ರೂ. ಆಗಿದ್ದು, ಲಕ್ಷುರಿ ರೂಮಿನ ಬಾಡಿಗೆ 18,000 ರೂ. ಇದೆ. ಇನ್ನು, ವಿಲ್ಲಾಗಳಲ್ಲಿ ರಾತ್ರಿ ತಂಗಲು 35,000 ರೂ. ತೆರಬೇಕಿದೆ. ಈಗಾಗಲೇ ಶೇ. 0ರಷ್ಟು ಟೆಂಟ್ಗಳು ಬುಕ್ ಆಗಿವೆ. ಇವರಲ್ಲಿ ಶೇ.30 ರಷ್ಟು ಎನ್ಆರ್ಐಗಳು.
ಪ್ರತಿಯೊಂದು ಟೆಂಟ್ನಲ್ಲಿಯೂ ಎರಡು ಬೆಡ್ ರೂಂಗಳು, ಸ್ನಾನ ಹಾಗೂ ಶೌಚದ ಕೋಣೆಗಳಿರುತ್ತವೆ. ಒಂದು ಹಾಲ್, ಡೈನಿಂಗ್ ಹಾಲ್ ಸಹ ಇರುತ್ತವೆ. ಹಾಲ್ನಲ್ಲಿ ಒಂದು ಟಿವಿ, ಐದು ಸೀಟರ್ಗಳ ಸೋಫಾ ಸೆಟ್ ಇರಲಿದೆ. ಈ ಟೆಂಟ್ಗಳ ಸನಿಹದಲ್ಲೇ 40 ಅಂಗಡಿಗಳು, ಎರಡು ರೆಸ್ಟೋರೆಂಟ್ಗಳನ್ನು ನಿರ್ಮಿಸಲಾಗುತ್ತಿದ್ದು, ದಿನದ ಮೂರೂ ಹೊತ್ತು ಇಲ್ಲಿ ವಿಧ ವಿಧದ ಸಾತ್ವಿಕ ಖಾದ್ಯಗಳು ವಿತರಣೆ ಯಾಗುತ್ತವೆ. ಜತೆಗೆ, ಸಂಗೀತ ರಾತ್ರಿಗಳಿಗಾಗಿಯೂ ಕಲಾವಿದರನ್ನು ಕರೆಯಿಸಲಾಗಿದೆ.
35,000 ರೂ. – ಐಶಾರಾಮಿ ಟೆಂಟ್ಗಳಲ್ಲಿ ರಾತ್ರಿಯೊಂದಕ್ಕೆ ಉಳಿಯಲು ತೆರಬೇಕಿರುವ ಹಣ
1,000 ರೂ. – ಹಾಲ್ ಮಾದರಿಯ ತಂಗುವ ವ್ಯವಸ್ಥೆಯಲ್ಲಿ ರಾತ್ರಿಯೊಂದಕ್ಕೆ ವಿಧಿಸಲಾಗುವ ದರ
13,000 ರೂ. – ಡಬಲ್ ಬೆಡ್ ರೂಂ ಕೊಠಡಿಗಳಿಗೆ ಶುಲ್ಕ
13 ಕೋಟಿ - ನಿರೀಕ್ಷಿತ ಯಾತ್ರಿಗಳ ಸಂಖ್ಯೆ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Ex-IPS officer ಸಂಜೀವ್ ಭಟ್ಗೆ 1996 ರ ಡ್ರಗ್ಸ್ ಕೇಸ್ ನಲ್ಲಿ 20 ವರ್ಷ ಜೈಲು ಶಿಕ್ಷೆ
Kejriwal; ಏಪ್ರಿಲ್ 1 ರವರೆಗೆ ಇಡಿ ಕಸ್ಟಡಿಗೆ: ಸಾರ್ವಜನಿಕರು ತಕ್ಕ ಉತ್ತರ ನೀಡುತ್ತಾರೆ
Kejriwal ಕುರಿತು ಅಮೆರಿಕದ ಹೇಳಿಕೆ ಸ್ವೀಕಾರಾರ್ಹವಲ್ಲ ಎಂದ ಭಾರತದ ವಿದೇಶಾಂಗ ಇಲಾಖೆ
Mangaluru;ಮನೆಯಲ್ಲೇ ಅಕ್ರಮ ಕಸಾಯಿಖಾನೆ:ಗೋಮಾಂಸ ಸಹಿತ ಮೂವರ ಬಂಧನ
Kolkata ವಿಮಾನ ನಿಲ್ದಾಣದಲ್ಲಿ ಸ್ವಯಂ ಗುಂಡಿಟ್ಟುಕೊಂಡು ಯೋಧ ಆತ್ಮಹತ್ಯೆ
MUST WATCH
ಹೊಸ ಸೇರ್ಪಡೆ
Uttara Kannada ಸಮುದ್ರದಲ್ಲಿ ಮತ್ತೆ ಜೆಲ್ಲಿಫಿಶ್ಗಳು: ಪ್ರವಾಸಿಗರಿಗೆ ಭಯ
IPL ;ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ಗೆ 12 ರನ್ಗಳ ಜಯ
Belthangady: ಸ್ಕೂಟರ್ ಢಿಕ್ಕಿಯಾಗಿ ರಸ್ತೆ ದಾಟುತ್ತಿದ್ದ ವ್ಯಕ್ತಿ ಸಾವು
Politics: ಚಿತ್ರದುರ್ಗ ರಾಜಕೀಯ ನಿರಾಶ್ರಿತರ ಕೇಂದ್ರವೇ?: ರಘುಚಂದನ್
PSI re-examination: ಪಿಎಸ್ಐ ಮರು ಪರೀಕ್ಷೆ, ಅಂತಿಮ ಅಂಕಪಟ್ಟಿ ಬಿಡುಗಡೆ