ಭಾರತೀಯ ಸೇನೆ ವಿರುದ್ಧ ನೆಲಬಾಂಬ್ ಸ್ಫೋಟಕ್ಕೆ ಬಂಡುಕೋರರಿಂದ “ಬ್ಲೂಟೂಥ್” ಬಳಕೆ

Team Udayavani, Sep 11, 2019, 1:19 PM IST

ನವದೆಹಲಿ: ಮ್ಯಾನ್ಯಾರ್ ಸೇನೆಯ ವಿರುದ್ಧ ದಾಳಿ ನಡೆಸಲು ಬಂಡುಕೋರರ ಗುಂಪು ಇದೀಗ ಬ್ಲೂಟೂಥ್ ಮತ್ತು ವೈಫೈ ಬಳಸಿ ನೆಲಬಾಂಬ್ ಸ್ಫೋಟಿಸುತ್ತಿರುವುದು ಭಾರತೀಯ ಗುಪ್ತಚರ ಏಜೆನ್ಸಿಗೆ ಚಿಂತೆಗೀಡು ಮಾಡಿದೆ ಎಂದು ವರದಿ ತಿಳಿಸಿದೆ.

ಕಾಲಾದನ್ ಯೋಜನೆಗೆ ಬೆದರಿಕೆ ಎಂಬಂತೆ ಬಂಡುಕೋರ ಸಂಘಟನೆ ಈ ಹೊಸ ತಂತ್ರಕ್ಕೆ ಶರಣಾಗಿದ್ದು, ಆ ನಿಟ್ಟಿನಲ್ಲಿ ಅರಾಕಾನ್ ಆರ್ಮಿ ಮಿಜೋರಾಂನ ಲಾಂಗಾಟ್ಲಾ ಜಿಲ್ಲೆಯ ಪ್ರದೇಶದಲ್ಲಿ ಹಲವಾರು ಶಿಬಿರಗಳನ್ನು ನಿರ್ಮಿಸಿರುವುದಾಗಿ ವರದಿ ವಿವರಿಸಿದೆ.

ಮ್ಯಾನ್ಮಾರ್ ನ ಈ ಬಂಡುಕೋರ ಸಂಘಟನೆ ಮಿಜೋರಾಂನಲ್ಲೂ ಸಕ್ರಿಯವಾಗಿದೆ. ಈ ನಿಟ್ಟಿನಲ್ಲಿ ನೆಲಬಾಂಬ್ ಸ್ಫೋಟಕ್ಕೆ ಹೊಸ ತಂತ್ರಜ್ಞಾನದ ಮೊರೆ ಹೋಗಿರುವ ಬಂಡುಕೋರರ ತಂತ್ರಗಾರಿಕೆಯನ್ನು ಭಾರತೀಯ ಭದ್ರತಾ ಪಡೆ ಪರಿಶೀಲಿಸುತ್ತಿದೆ.

ಬ್ಲೂಟೂಥ್ ತಂತ್ರಜ್ಞಾನ ಉಪಯೋಗಿಸಿಕೊಂಡು ನೆಲಬಾಂಬ್ ಅನ್ನು ಬಂಡುಕೋರ ಸಂಘಟನೆ ಹೇಗೆ ಸ್ಫೋಟಿಸುತ್ತಿದೆ ಎಂದು ಪತ್ತೆ ಹಚ್ಚುವಂತೆ ಅಸ್ಸಾಂ ರೈಫಲ್ಸ್ ತಂಡಕ್ಕೆ ಮನವಿ ಮಾಡಿಕೊಳ್ಳಲಾಗಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಏನಿದು ಕಲಾದನ್ ಯೋಜನೆ:

ಭಾರತದಿಂದ ಮ್ಯಾನ್ಮಾರ್ ಮೂಲಕ ಮಿಜೋರಾಂ ಗಡಿಯವರೆಗೆ ಸಮುದ್ರ ಮತ್ತು ಭೂ ಮಾರ್ಗದ ಮೂಲಕ ಸಂಪರ್ಕ ಕಲ್ಪಿಸುವ ಬಹುಮಾದರಿಯ ಸಾರಿಗೆ ಯೋಜನೆ ಇದಾಗಿದೆ. ಎರಡು ದೇಶಗಳ ನಡುವೆ ವ್ಯಾಪಾರ ವೃದ್ಧಿ ಮತ್ತು ಮಿಜೋರಾಂ ಸೇರಿದಂತೆ ಈಶಾನ್ಯ ರಾಜ್ಯಗಳಿಗೆ ಸಂಪರ್ಕ ಕಲ್ಪಿಸುವ ಮಹತ್ವದ ಯೋಜನೆ ಕಲಾದನ್. 2020ರಲ್ಲಿ ಈ ಯೋಜನೆ ಪೂರ್ಣಗೊಳ್ಳಲಿದೆ.

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ