ಗೃಹಲಕ್ಷ್ಮೀ ವಿರುದ್ಧದ ಕೇಸು ವಜಾ
Team Udayavani, Jun 22, 2018, 9:30 AM IST
ಎರ್ನಾಕುಳಂ: ಈ ವರ್ಷದ ಮಾರ್ಚ್ನಲ್ಲಿ ಮಲಯಾಳಂ ನಿಯತಕಾಲಿಕೆ ‘ಗೃಹಲಕ್ಷ್ಮೀ’ಯಲ್ಲಿ ಪ್ರಕಟವಾಗಿದ್ದ ಮುಖಪುಟ ಚಿತ್ರದ ವಿರುದ್ಧ ಸಲ್ಲಿಕೆಯಾಗಿದ್ದ ಅರ್ಜಿಯನ್ನು ಕೇರಳ ಹೈಕೋರ್ಟ್ ವಜಾ ಮಾಡಿದೆ. ಮುಖ್ಯ ನ್ಯಾಯಮೂರ್ತಿ ಆ್ಯಂಟನಿ ಡೊಮಿನಿಕ್ ಮತ್ತು ನ್ಯಾ| ದಾಮ ಶೇಷಾದ್ರಿ ನಾಯ್ಡು ನೇತೃತ್ವದ ಪೀಠ, ‘ಒಬ್ಬ ವ್ಯಕ್ತಿಗೆ ಅಶ್ಲೀಲ ಎಂದು ಕಂಡುಬಂದಿರುವುದು ಮತ್ತೂಬ್ಬನಿಗೆ ಕಾಣಬೇಕಾಗಿಲ್ಲ’ ಎಂದು ಹೇಳಿದೆ.
ಭಾರತದ ಕಲಾ ಕ್ಷೇತ್ರವು ಮಾನವನ ದೇಹವನ್ನು ಗೌರವದಿಂದ ಕಾಣುತ್ತದೆ. ರಾಜಾ ರವಿವರ್ಮ, ಕಾಮಸೂತ್ರ, ಅಜಂತಾದ ಗುಹಾ ದೇವಾಲಯಗಳಲ್ಲಿರುವ ಚಿತ್ರಗಳಲ್ಲಿ ಈ ಅಂಶ ಎದ್ದು ಕಾಣುತ್ತದೆ ಎಂದು ನ್ಯಾಯಪೀಠ ಅಭಿ ಪ್ರಾಯ ಪಟ್ಟಿದೆ. ನಿಯತಕಾಲಿಕದ ಮುಖಪುಟ ಯಾವುದೇ ರೀತಿಯಾದ ಅಶ್ಲೀಲ ಅಂಶವನ್ನು ಹೊಂದಿಲ್ಲ. ಕಲೆಯನ್ನು ಆಸ್ವಾದಿಸುವ ನಿಟ್ಟಿನಲ್ಲಿ ಭಾರತದ ಜನರು ಅಶ್ಲೀಲ ಮನಃಸ್ಥಿತಿಯನ್ನು ಹೊಂದಿರುವುದರ ಬದಲು ಪ್ರೌಢಿಮೆಯನ್ನು ಹೊಂದಿದ್ದಾರೆ ಎಂದು ನ್ಯಾಯಪೀಠ ಅಭಿಪ್ರಾಯಪಟ್ಟಿದೆ.