ವೀರ ನಾರಿಯರ ಬೇಕರಿ : ಹುತಾತ್ಮರ ಪತ್ನಿಯರ ಸಬಲೀಕರಣಕ್ಕಾಗಿ ಈ ಉದ್ದಿಮೆ
Team Udayavani, Apr 30, 2018, 7:30 AM IST
ಸಾಂಬಾ: ಜಮ್ಮು-ಕಾಶ್ಮೀರದ ‘ಸಾಂಬಾ ಬ್ರಿಗೇಡ್’ ಎಂದೇ ಕರೆಸಿಕೊಳ್ಳುತ್ತಿರುವ ಮಹಿಳೆಯರ ತಂಡ ಬಾಯಲ್ಲಿ ನೀರೂರಿಸುವಂತಹ ಕುಕೀಸ್ ಗಳನ್ನು (ಬಿಸ್ಕೆಟ್) ತಯಾರಿಸುವ ಕೆಲಸದಲ್ಲಿ ನಿರತವಾಗಿದೆ. ಇವರ್ಯಾರೋ ಮಹಿಳಾ ಉದ್ಯಮಿಗಳಿರಬಹುದು ಎಂದು ಭಾವಿಸಿದರೆ ಅದು ತಪ್ಪು.
ಇವರು ದೇಶಕ್ಕಾಗಿ ಪ್ರಾಣತ್ಯಾಗ ಮಾಡಿದ ಹುತಾತ್ಮರ ಮಡದಿಯರು. ಹುತಾತ್ಮ ಯೋಧರ ಪತ್ನಿಯರ ಸಬಲೀಕರಣದ ಉದ್ದೇಶದಿಂದ ಸ್ವತಃ ಸೇನೆಯೇ ಇಂತಹುದೊಂದು ಬೇಕರಿಯನ್ನು ತೆರೆದಿದೆ. ಸೇನೆಯು ಸಾಮಾಜಿಕ ಉದ್ಯಮಶೀಲತಾ ಯೋಜನೆಯಡಿ ಪುಣೆ ಮೂಲದ NGO ಅಸೀಮ್ ಫೌಂಡೇಶನ್ನ ಸಹಯೋಗದೊಂದಿಗೆ ‘ಆಲೀವ್ ಗ್ರೀನ್ ಕುಕೀಸ್’ ಹೆಸರಿನಲ್ಲಿ ಬೇಕರಿ ಪ್ರಾರಂಭಿಸಿದೆ. ಆರ್ಮಿ ವೈವ್ಸ್ ವೆಲ್ಫೇರ್ ಅಸೋಸಿಯೇಶನ್ನ ವಲಯಾಧಿಕಾರಿ ಗೀತಾ ಮೋಹನ್ ಒಂದೂವರೆ ತಿಂಗಳ ಹಿಂದೆಯೇ ಇದನ್ನು ಉದ್ಘಾಟಿಸಿದ್ದಾರೆ.
ಈ ಫೌಂಡೇಶನ್ ವಿಧವೆಯರಿಗೆ ತರಬೇತಿ ನೀಡುವುದರ ಜತೆಗೆ ಕುಕೀಸ್ ಗಳ ತಯಾರಿಕೆಗೆ ಬೇಕಾದ ಉಪಕರಣಗಳನ್ನೂ ಒದಗಿಸುತ್ತದೆ. ಪ್ರತಿದಿನ 10 ಕೆ.ಜಿ. ಉತ್ಪಾದಿಸಲಾಗುತ್ತಿದ್ದು, ಸೇನೆ ಕೇವಲ ಮೇಲುಸ್ತುವಾರಿ ನೋಡಿಕೊಳ್ಳುತ್ತದೆ. ಗುಣಮಟ್ಟದ ಸೇಬು, ವಾಲ್ ನಟ್ ಗಳನ್ನು ಬಳಸಿ ತಯಾರಿಸುವ ಅವುಗಳನ್ನು ತಿಂಗಳಿಗೊಮ್ಮೆ ಪುಣೆಗೆ ಕಳುಹಿಸಲಾಗುತ್ತದೆ. ನಂತರ ಇದನ್ನು NGO ಪ್ಯಾಕಿಂಗ್ ಮಾಡಿ ಮಾರುಕಟ್ಟೆಗೆ ಕಳುಹಿಸುತ್ತದೆ. ಕುಕೀಸ್ಗಳ ಪಾಕೆಟ್ಗಳ ಮೇಲೆ ಕೋಶುರ್ ಕ್ರಂಚ್ (ಕಾಶ್ಮೀರದ ರುಚಿ) ಎಂದು ನಮೂದಿಸಲಾಗಿದ್ದು, ‘ಪ್ರತಿಯೊಂದು ಬಿಸ್ಕೆಟ್ನಲ್ಲೂ ಶೌರ್ಯ ಮತ್ತು ತ್ಯಾಗದ ಕಥೆಯಿದೆ’ ಎಂಬ ಸಂದೇಶ ಬರೆಯಲಾಗಿದೆ. ಪ್ರತಿ ಪ್ಯಾಕ್ ಗೆ 55 ರೂ.ಗಳಂತೆ ಮಾರಾಟ ಮಾಡಲಾಗುತ್ತದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Brahmos; ಫಿಲಿಪ್ಪೀನ್ಸ್ಗೆ ಬ್ರಹ್ಮೋಸ್: ಭಾರತದ ಮೊದಲ ರಫ್ತು
EC ಚುನಾವಣ ಆಯೋಗ ಅಲ್ಲ, ಬಿಜೆಪಿ ಆಯೋಗ: ಮಮತಾ ಬ್ಯಾನರ್ಜಿ ಟೀಕಾಸ್ತ್ರ
ED; ನಾನು ತಿಂದದ್ದು ಮೂರೇ ಮಾವು: ಕೋರ್ಟ್ಗೆ ಕೇಜ್ರಿವಾಲ್ ಮಾಹಿತಿ
Nagaland Poll: ಬೇಡಿಕೆ ಈಡೇರಿಸಿ- ಆರು ಜಿಲ್ಲೆಗಳಲ್ಲಿ ಒಂದೇ ಒಂದು ಮತದಾನ ನಡೆದಿಲ್ಲ!
Manipura: ಮತಗಟ್ಟೆ ಮೇಲೆ ಗುಂಡಿನ ದಾಳಿ… ದಿಕ್ಕಾ ಪಾಲಾಗಿ ಓಡಿದ ಮತದಾರರು