ಪಿಎಚ್‌.ಡಿ ಫೆಲೋಶಿಪ್‌: ಎಸ್‌ಸಿ ಫ‌ಲಾನುಭವಿಗಳ ಸಂಖ್ಯೆ ದ್ವಿಗುಣ?

Team Udayavani, Aug 22, 2019, 5:21 AM IST

ಹೊಸದಿಲ್ಲಿ: ಕೇಂದ್ರ ಸರಕಾರದಿಂದ ಪ್ರೋತ್ಸಾಹಧನ (ಜೂನಿಯರ್‌ ರಿಸರ್ಚ್‌ ಫೆಲೋಶಿಪ್‌) ಪಡೆದು ಪಿಎಚ್‌ಡಿ ಸಂಶೋಧನೆ ಕೈಗೊಳ್ಳುವ (ಜೆಆರ್‌ಎಫ್ ಮೂಲಕ) ಪರಿಶಿಷ್ಟ ಜಾತಿ ವಿದ್ಯಾರ್ಥಿಗಳ ಸಂಖ್ಯೆ ಹೆಚ್ಚಿಸಲು ಚಿಂತನೆ ನಡೆಸಲಾಗಿದೆ.

ಪ್ರಸ್ತುತ, ವಾರ್ಷಿಕ 2,000 ಪರಿಶಿಷ್ಠ ವಿದ್ಯಾರ್ಥಿಗಳಿಗೆ ಈ ಸೌಲಭ್ಯ ಸಿಗುತ್ತಿದ್ದು, ಈ ಅನುಕೂಲವನ್ನು 4,000 ವಿದ್ಯಾರ್ಥಿಗಳಿಗೆ ಹೆಚ್ಚಿಸಲು ನಿರ್ಧರಿಸಲಾಗಿದೆ. ಜತೆಗೆ, ಫೆಲೋಶಿಪ್‌ ಆಯ್ಕೆಗೆ ಎನ್‌ಇಟಿ ಪರೀಕ್ಷೆಯಲ್ಲಿ ಪಡೆದ ಅಂಕಗಳನ್ನು ಪರಿಗಣಿಸಲಾಗುತ್ತದೆ ಎನ್ನಲಾಗಿದೆ.

ಹಾಲಿ ವ್ಯವಸ್ಥೆಯೇನು?: ಪ್ರಸ್ತುತ, ವರ್ಷಕ್ಕೆರಡು ಬಾರಿ ನಡೆಸುವ ಎನ್‌ಇಟಿ (ನ್ಯಾಷನಲ್‌ ಎಲಿಜಿಬಿಲಿಟಿ ಟೆಸ್ಟ್‌) ಪರೀಕ್ಷೆಯಡಿ ಜೂನಿಯರ್‌ ರಿಸರ್ಚ್‌ ಫೆಲೋಶಿಪ್‌ ವಿಭಾಗದಲ್ಲಿ 2,000 ಪರಿಶಿಷ್ಟ ಜಾತಿಯ ವಿದ್ಯಾರ್ಥಿಗಳನ್ನು ಆಯ್ಕೆ ಮಾಡಿ ಅವರಿಗೆ ಸಂಶೋಧನೆ ಕೈಗೊಳ್ಳಲು ಅನುವು ಮಾಡಿಕೊಡಲಾ ಗುತ್ತಿದೆ. ಕೇಂದ್ರ ಸಾಮಾಜಿಕ ಮತ್ತು ಸಬಲೀಕರಣ ಸಚಿವಾಲಯದ ಸಮಿತಿ, ಯುಜಿಸಿ, ತಮ್ಮ ಕೋಟಾದಡಿ ಎರಡು ಪಟ್ಟಿಗಳನ್ನು ತಯಾರಿಸುತ್ತವೆ. ಆ ವೇಳೆ, ಎನ್‌ಇಟಿ ಅಂಕಗಳನ್ನು ಪರಿಗಣಿಸುವುದಿಲ್ಲ. ಹೊಸ ನಿಯಮ ಜಾರಿಗೆ ಬಂದರೆ, ಅಭ್ಯರ್ಥಿಗಳ ಎನ್‌ಇಟಿ ಅಂಕಗಳನ್ನು ಮೆರಿಟ್‌ ಆಧಾರದಲ್ಲಿ ಆಯ್ಕೆಗೆ ಪರಿಗಣಿಸಬೇಕಾಗುತ್ತದೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.



ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ