ದೇಶಕ್ಕಾಗಿ ಕೊಡುಗೆ ನೀಡಿದವರನ್ನು ನಿರಾಕರಿಸಿದರೆ ದೇಶ ಅಭಿವೃದ್ಧಿಯಾಗಲ್ಲ : ಮೋದಿ

Team Udayavani, Mar 8, 2021, 3:58 PM IST

ನವದೆಹಲಿ : ದೇಶಕ್ಕಾಗಿ ಕೊಡುಗೆ ನೀಡಿದವರನ್ನು ನಿರಾಕರಿಸಿದರೆ ದೇಶವು ಅಭಿವೃದ್ಧಿಯತ್ತ ಸಾಗುವುದಿಲ್ಲ. ಪ್ರತಿಯೊಬ್ಬರ ಕೊಡುಗೆಗಳನ್ನು ಸ್ವೀಕರಿಸಿ ಗೌರವಿಸಿದಾಗ ಮಾತ್ರ ದೇಶ ಮುಂದುವರೆಯಲು ಸಾಧ್ಯ. ನಾವು ಈ ಮಂತ್ರವನ್ನು ಪಾಲಿಸಬೇಕು ಎಂದು ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಹೇಳಿದ್ದಾರೆ.

ಭಾರತವು ಸ್ವಾತಂತ್ರ್ಯ ಪಡೆದು 75 ವರ್ಷಗಳಾದ ಹಿನ್ನೆಲೆಯಲ್ಲಿ ಮಾತನಾಡಿರುವ ಮೋದಿ, ಭಾರತವು ಸದ್ಯ ಮಾಡುತ್ತಿರುವ ಸಾಧನೆ ಮತ್ತು ಕೆಲಸಗಳನ್ನು ಈ ಹಿಂದೆ ಊಹಿಸಲೂ ಸಾಧ್ಯವಾಗಿರಲಿಲ್ಲ.

ಸ್ವಾತಂತ್ರ್ಯ ಪಡೆದು 75 ವರ್ಷಗಳ ಈ ಪಯಣದಲ್ಲಿ ನಾವು ಇಲ್ಲಿಗೆ ಬಂದು ತಲುಪಿದ್ದೇವೆ. ದೇಶದ ಈ ಪಯಣಕ್ಕೆ ಹಲವಾರು ಜನರ ಕೊಡುಗೆ ಇದೆ ಎಂದು ನರೇಂದ್ರ ಮೋದಿ ಹೇಳಿದ್ದಾರೆ.

1947 ರ ನಂತ್ರ ನಮ್ಮ ಸಾಧನೆಗಳನ್ನು ಪ್ರಪಂಚಕ್ಕೆ ತೋರಿಸುವ ಅವಕಾಶ ನಮ್ಮದಾಗಿದೆ. ಸ್ವಾತಂತ್ರ್ಯ ಪಡೆದು 75 ವರ್ಷಗಳಾದ ಸಂಭ್ರಮವನ್ನು, ಸ್ವಾತಂತ್ರ ಹೋರಾಟದ ಕ್ಷಗಳಿಂದ ಸ್ಪೂರ್ತಿ ಪಡೆಯುತ್ತ ಆಚರಿಸೋಣ ಎಂದಿದ್ದಾರೆ.