ಜೂ.18ಕ್ಕೆ ಪ್ರಧಾನಿ ನರೇಂದ್ರ ಮೋದಿ ಅವರ ತಾಯಿಗೆ 100 ವರ್ಷ
Team Udayavani, Jun 16, 2022, 6:55 AM IST
ಅಹಮದಾಬಾದ್: ಪ್ರಧಾನಿ ನರೇಂದ್ರ ಮೋದಿ ಅವರ ತಾಯಿ ಹಿರಾ ಬೆನ್ ಮೋದಿ ಅವರು ಶನಿವಾರದಂದು ತಮ್ಮ 100ನೇ ವರ್ಷಕ್ಕೆ ಕಾಲಿಡಲಿದ್ದಾರೆ.
ಆ ದಿನದಂದು ಪ್ರಧಾನಿಯವರು ಹಿರಾ ಬೆನ್ ಅವರ ಮನೆಗೆ ಭೇಟಿ ನೀಡಲಿದ್ದು, ತಾಯಿಯಿಂದ ಆಶೀರ್ವಾದ ಪಡೆಯಲಿದ್ದಾರೆ ಎನ್ನಲಾಗಿದೆ.
“ಹಿರಾ ಬೆನ್ ಅವರು 1923ರ ಜೂ.18ರಂದು ಜನಿಸಿದ್ದರು. ಈಗ 100ನೇ ವರ್ಷಕ್ಕೆ ಕಾಲಿಡಲಿದ್ದಾರೆ.
ಆ ಹಿನ್ನೆಲೆಯಲ್ಲಿ ವಾದ್ನಗರದಲ್ಲಿ ಧಾರ್ಮಿಕ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ’ ಎಂದು ಮೋದಿ ಅವರ ತಮ್ಮ ಪಂಕಜ್ ಮೋದಿ ತಿಳಿಸಿದ್ದಾರೆ.
ಜೂ.18ರಂದು ಪ್ರಧಾನಿಯವರು ಗುಜರಾತ್ನ ಏಕದಿನ ಪ್ರವಾಸದಲ್ಲಿದ್ದಾರೆ.
ಹಾಗಾಗಿ ಅವರು ಅಂದು ತಾಯಿಯನ್ನು ಭೇಟಿಯಾಗುವ ಸಾಧ್ಯತೆಯಿದೆ ಎನ್ನಲಾಗಿದೆ.