ಏಷ್ಯಾದಲ್ಲೇ ಅತಿ ಉದ್ದದ ಸುರಂಗ ಮಾರ್ಗಕ್ಕೆ ಪ್ರಧಾನಿ ಚಾಲನೆ!
Team Udayavani, Apr 2, 2017, 4:19 PM IST
ಶ್ರೀನಗರ: ಜಮ್ಮು ಮತ್ತು ಕಾಶ್ಮೀರದ ಚೆನಾನಿ ಮತ್ತು ನಶ್ರಿ ಮಧ್ಯೆ ರಾಷ್ಟ್ರೀಯ ಹೆದ್ದಾರಿ 44ರಲ್ಲಿ ನಿರ್ಮಾಣಗೊಂಡಿರುವ ಏಷ್ಯಾದಲ್ಲೇ ಅತಿ ಉದ್ದದ ಸುರಂಗ ಮಾರ್ಗವನ್ನು ಭಾನುವಾರ ಪ್ರಧಾನಿ ನರೇಂದ್ರ ಮೋದಿ ದೇಶಕ್ಕೆ ಸಮರ್ಪಿಸಿದ್ದಾರೆ.
ಮಾರ್ಗ ಲೋಕಾರ್ಪಣೆಯ ಬಳಿಕ ತೆರದ ಜೀಪ್ನಲ್ಲಿ ಪ್ರಧಾನಿ ಸುರಂಗದಲ್ಲಿ ಸಂಚರಿಸಿದರು. ಈ ವೇಳೆ ವ್ಯಾಪಕ ಕಟ್ಟೆಚ್ಚರ ವಹಿಸಲಾಗಿತ್ತು.
ಎಲ್ಲಿದೆ ಸುರಂಗ ಮಾರ್ಗ?
ಜಮ್ಮು ಮತ್ತು ಕಾಶ್ಮೀರ ರಾಜ್ಯದ ಶ್ರೀನಗರ ಮತ್ತು ಜಮ್ಮು ಸಂಪರ್ಕ ಕಲ್ಪಿಸುವ ಎನ್ಎಚ್ 44ರಲ್ಲಿ ಈ ಚೆನಾನಿ ನಶ್ರಿ ಸುರಂಗ ಮಾರ್ಗ ಬರುತ್ತದೆ. ಚೆನಾನಿ ಉಧಂಪುರ ಜಿಲ್ಲೆಯಲ್ಲಿದ್ದು, ಕಾಶ್ಮೀರದ ದಕ್ಷಿಣ ತುದಿಯಾದರೆ, ನಶ್ರಿ ರಾಂಬನ್ ಜಿಲ್ಲೆಯಲ್ಲಿದ್ದು ಉತ್ತರ ತುದಿಯಾಗಿದೆ. ಚೆನಾನಿ ನಶ್ರಿ ಮಧ್ಯೆ 10.89 ಕಿ.ಮೀ. ಉದ್ದದ ಈ ಸುರಂಗ ಮಾರ್ಗ ನಿರ್ಮಾಣ ಮಾಡಲಾಗಿದೆ.
ಪ್ರಯೋಜನವೇನು?
ಚೆನಾನಿ-ನಶ್ರಿ ಸುರಂಗ ಮಾರ್ಗದಿಂದಾಗಿ 41 ಕಿ.ಮೀ. ಸುತ್ತಿ ಬಳಸಿ ಹೋಗುವುದು ತಪ್ಪುತ್ತದೆ. ಸುಮಾರು 2 ಗಂಟೆ ಸಮಯವೂ ಉಳಿತಾಯವಾಗಲಿದೆ. ವರ್ಷದ ಪೂರ್ತಿ, ದಿನದ ಇಪ್ಪತ್ನಾಲ್ಕು ತಾಸೂ ಈ ಸುರಂಗ ಮಾರ್ಗ ತೆರೆದೇ ಇರಲಿದೆ. ಇದರಿಂದ ಯಾವುದೇ ಹವಾಮಾನ ವೈಪರೀತ್ಯ ಇದ್ದಾಗ್ಯೂ ಸುಲಲಿತ ಪ್ರಯಾಣ ಸಾಧ್ಯ. ಸಾಮಾನ್ಯವಾಗಿ ಚಳಿಗಾಲದಲ್ಲಿ ಹಿಮಪಾತದಿಂದಾಗಿ ಗುಡ್ಡಗಾಡು ಮಾರ್ಗದಲ್ಲಿ ಸಂಚಾರ ಸ್ಥಗಿತವಾಗುತ್ತಿತ್ತು. ಆದರೆ ಇನ್ನು ಸಂಚಾರ ಸುಗಮವಾಗಲಿದೆ. ಜೊತೆಗೆ ನಿತ್ಯ 27 ಲಕ್ಷ ರೂ. ಮೌಲ್ಯದ ಇಂಧನ ಉಳಿತಾಯವಾಗಲಿದೆ.
ಅತ್ಯಾಧುನಿಕ ಸೌಲಭ್ಯ
ಸುರಂಗ ಮಾರ್ಗ ವಿಶ್ವದರ್ಜೆಗೆ ಅನುಗುಣವಾಗಿ ನಿರ್ಮಿಸಲಾಗಿದ್ದು ಅಂತಾರಾಷ್ಟ್ರೀಯ ಮಟ್ಟದ ಸುರಕ್ಷತೆಗಳನ್ನೂ ಹೊಂದಿದೆ. ಸಮುದ್ರ ಮಟ್ಟದಿಂದ 1200 ಮೀ. ಎತ್ತರದಲ್ಲಿ ಚತುಷ್ಪಥ ಸುರಂಗ ಮಾರ್ಗವಿದ್ದು, ಏರ್ಟೆಲ್, ಐಡಿಯಾ, ಬಿಎಸ್ಎನ್ಎಲ್ ಮೊಬೈಲ್ ಸಂಪರ್ಕ ವ್ಯವಸ್ಥೆ, ಮಾರ್ಗದ ಉದ್ದಕ್ಕೂ 124 ಸೀಸಿಟೀವಿ ಕ್ಯಾಮೆರಾಗಳು, ಆಮ್ಲಜನಕ, ಗಾಳಿಯಾಡುವ ವ್ಯವಸ್ಥೆ, 24 ಗಂಟೆಯೂ ವಿದ್ಯುತ್ ದೀಪಗಳು, ತುರ್ತು ಕರೆ ವ್ಯವಸ್ಥೆ, ಬೆಂಕಿ ನಂದಿಸುವ ವ್ಯವಸ್ಥೆ, ಸುರಂಗ ಮಾರ್ಗಕ್ಕೆ ಅಪಾಯವಾದರೆ ಎಚ್ಚರಿಸುವ, ಗುರುತಿಸುವ ವ್ಯವಸ್ಥೆ, ಅಪಾಯದ ಸಂದರ್ಭ ಪಾ ರಾಗಲು ಪಕ್ಕದಲ್ಲೇ 9 ಮೀ. ವಿಸ್ತಾರದ ಸುರಕ್ಷತಾ ದಾರಿ, ಸ್ಮಾರ್ಟ್ ಟ್ರಾಫಿಕ್ ಕಂಟ್ರೋಲ್ ವ್ಯವಸ್ಥೆಯೂ ಇದರಲ್ಲಿದೆ.
ಸುರಂಗ ಮಾರ್ಗಕ್ಕೆ ವೆಚ್ಚವೆಷ್ಟು?
ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ನಿರ್ಮಾಣ ಮಾಡಿದ ಈ ಸುರಂಗಕ್ಕೆ 2519 ಕೋಟಿ ರೂ. ವೆಚ್ಚವಾಗಿದೆ. 2011 ಮೇ.23ರಂದು ಈ ಸುರಂಗದ ಕೆಲಸ ಆರಂಭಗೊಂಡಿದ್ದು,2016 ಮೇ.20ರಂದು ಮುಕ್ತಾಯದ ಗುರಿ ಹಾಕಿಕೊಳ್ಳಲಾಗಿತ್ತು. ವಿವಿಧ ಕಾರಣಗಳಿಗಾಗಿ 9 ತಿಂಗಳು ಕಾಮಗಾರಿ ವಿಳಂಬಗೊಂಡಿದೆ. ಆದಾಗ್ಯೂ ಇದು ದಾಖಲೆ ಅವಧಿಯಲ್ಲಿ ಮುಕ್ತಾಯವಾದ ಕಾಮಗಾರಿ ಎಂದು ಕೇಂದ್ರ ಸರ್ಕಾರ ಹೇಳಿದೆ.
ಶುಲ್ಕ ಕಟ್ಟಬೇಕು!
ಚೆನಾನಿ-ನಶ್ರಿ ಸುರಂಗ ಮಾರ್ಗದಲ್ಲಿ ಸಂಚರಿಸುವವರು ಶುಲ್ಕ ಕಟ್ಟಬೇಕು. ಲಘು ವಾಹನಗಳಗೆ 55 ರೂ. ದರ ವಿಧಿಸಲಾಗಿದ್ದು, ದ್ವಿಮುಖ ಸಂಚಾರಕ್ಕೆ 85 ರೂ. ದರ ವಿಧಿಸಲಾಗಿದೆ. ಮಾಸಿಕ 1870 ರೂ.ಗಳ ಪಾಸು ಕೂಡ ಲಭ್ಯ. ಇನ್ನು ಮಿನಿ ಬಸ್ಗೆ 90 ರೂ. ಮತ್ತು 135 ರೂ. ದ್ದು ದೊಡ್ಡ ವಾಹನಗಳಿಗೆ 90 ರೂ. ಮತ್ತು 285 ರೂ. ದರ ವಿಧಿಸಲಾಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Madhya Pradesh Rally; ಕೈಯಿಂದ ಮೀಸಲಾತಿ ಕಸಿಯುವ ಯತ್ನ: ಪ್ರಧಾನಿ ಮೋದಿ
Rahul Gandhi: ಜಾತಿಗಣತಿಯನ್ನು ಯಾವ ಶಕ್ತಿಯೂ ತಡೆಯಲಾರದು: ರಾಹುಲ್ ಗಾಂಧಿ
Rajveer Diler: ಹೃದಯಾಘಾತದಿಂದ ಬಿಜೆಪಿ ಸಂಸದ ರಾಜ್ವೀರ್ ದಿಲೇರ್ ನಿಧನ
Scam: 25,000 ಕೋಟಿ ಬ್ಯಾಂಕ್ ಹಗರಣ ಪ್ರಕರಣ: ಅಜಿತ್ ಪವಾರ್ ಪತ್ನಿ ಸುನೇತ್ರಾಗೆ ಕ್ಲೀನ್ ಚಿಟ್
LS Polls: ವೇದಿಕೆಯಲ್ಲಿ ಭಾಷಣ ಮಾಡುತ್ತಲೇ ಅಸ್ವಸ್ಥಗೊಂಡ ಕೇಂದ್ರ ಸಚಿವ ನಿತಿನ್ ಗಡ್ಕರಿ
MUST WATCH
ಹೊಸ ಸೇರ್ಪಡೆ
ಹಿಂದುತ್ವಕ್ಕೆ ಬದ್ಧತೆ, ಸಮಗ್ರ ಅಭಿವೃದ್ಧಿಗೆ ಆದ್ಯತೆ: ಕ್ಯಾಪ್ಟನ್ ಬ್ರಿಜೇಶ್ ಚೌಟ
ಕೋಮುಸೂಕ್ಷ್ಮ ಹಣೆಪಟ್ಟಿ ಕಳಚಿ, ಅಭಿವೃದ್ಧಿಗಾಗಿ ಕಾಂಗ್ರೆಸ್ ಬೆಂಬಲಿಸಿ: ಪದ್ಮರಾಜ್ ಪೂಜಾರಿ
ಕೆಂಪಡಿಕೆ ಧಾರಣೆ ಏರಿಕೆ; ಚಾಲಿ ಅಡಿಕೆಗೂ ಬೇಡಿಕೆ: ಚುನಾವಣೆ ಬಳಿಕ ಮತ್ತಷ್ಟು ಹೆಚ್ಚಳ ಸಾಧ್ಯತೆ
ದಕ್ಷಿಣ ಕನ್ನಡ, ಉಡುಪಿ ಚಿಕ್ಕಮಗಳೂರು ಕ್ಷೇತ್ರಗಳು ; ಬಹಿರಂಗ ಪ್ರಚಾರ ಅಂತ್ಯ
Kodagu: ಕಾನೂನು ಸುವ್ಯವಸ್ಥೆಗೆ 1,600 ಪೊಲೀಸರ ನಿಯೋಜನೆ