ಪೋಸ್ಟ್ ಆಫೀಸ್ ಖಾತೆ ನಿರ್ವಹಣೆ ಇನ್ನು ಮೊಬೈಲ್ನಲ್ಲೇ ಮಾಡಿ!
Team Udayavani, Oct 15, 2019, 6:30 PM IST
ಹೊಸದಿಲ್ಲಿ; ಪೋಸ್ಟ್ ಆಫೀಸ್ ಖಾತೆಗಳನ್ನು ಪೋಸ್ಟ್ ಆಫೀಸ್ಗೆ ಹೋಗಿಯೇ ನಿರ್ವಹಣೆ ಮಾಡಬೇಕೆನ್ನುವ ಕಿರಿಕಿರಿ ಇನ್ನು ಬಂದ್!
ಇದೀಗ ಪೋಸ್ಟ್ ಆಫೀಸ್ ಖಾತೆಗಳನ್ನು ಮೊಬೈಲ್ನಲ್ಲೇ ನಿರ್ವಹಣೆ ಮಾಡಬಹುದು. ಪಿಪಿಎಫ್ ಖಾತೆಗೆ ಹಣವನ್ನೂ ಕಟ್ಟಬಹುದು. ಇಂತಹ ಸೌಕರ್ಯ ಪೋಸ್ಟ್ ಆಫೀಸ್ ಆ್ಯಪ್ ಮೂಲಕ ಜನರಿಗೆ ಲಭ್ಯವಾಗಿದೆ.
ಇಂಡಿಯಾ ಪೋಸ್ಟ್ ಹೊಸ ಮೊಬೈಲ್ ಆ್ಯಪ್ ಬಿಡುಗಡೆ ಮಾಡಿದ್ದು, ಇಂಟರ್ನೆಟ್ ಬ್ಯಾಂಕಿಂಗ್ ಮಾದರಿ ಸೌಕರ್ಯಗಳನ್ನು ಬಳಸಿಕೊಳ್ಳಬಹುದು.
ಈ ಬ್ಯಾಂಕ್ ಆ್ಯಪ್ ಆ್ಯಂಡ್ರಾಯಿಡ್ ಆವೃತ್ತಿಗೆ ಲಭ್ಯವಿದ್ದು, ಗೂಗಲ್ ಪ್ಲೇಸ್ಟೋರ್ನಿಂದ ಡೌನ್ಲೋಡ್ ಮಾಡಿಕೊಳ್ಳಬಹುದು. ಮೊಬೈಲ್ ಬ್ಯಾಂಕಿಂಗ್ ಸೌಲಭ್ಯ ಬೇಕಾದವರು ನಿರ್ದಿಷ್ಟ ಪೋಸ್ಟ್ ಆಫೀಸ್ಗೆ ತೆರಳಿ ಫಾರಂ ಅನ್ನು ಭರ್ತಿ ಮಾಡಿದರೆ, ಮೊಬೈಲ್ ಬ್ಯಾಂಕಿಂಗ್ಗೆ ಅವಕಾಶ ಕಲ್ಪಿಸಲಾಗುತ್ತದೆ.
ಆ್ಯಪ್ನಲ್ಲಿ ಸೌಕರ್ಯಗಳು ಏನೇನಿವೆ?
– ಉಳಿತಾಯ ಖಾತೆಯ ಕಿರು ಸ್ಟೇಟ್ಮೆಂಟ್, ಪಿಪಿಎಫ್ ಖಾತೆ ನಿರ್ವಹಣೆ
– ಖಾತೆ ಬ್ಯಾಲೆನ್ಸ್ ಪರಿಶೀಲನೆ, ಆರ್ಡಿ, ಪಿಪಿಎಫ್ ಪರಿಶೀಲನೆ
– ಇತರ ಪೋಸ್ಟಲ್ ಬ್ಯಾಂಕ್ ಖಾತೆಗಳಿಗೆ ಹಣ ವರ್ಗಾವಣೆ
– ನಿಮ್ಮ ಖಾತೆಯಿಂದ ಪಿಪಿಎಫ್ಗೆ ಹಣ ವರ್ಗಾವಣೆ (ಲಿಂಕ್ ಆಗಿರಬೇಕು)
– ಆರ್ಡಿ ಖಾತೆ ತೆರೆಯಲು ಮನವಿ ಸಲ್ಲಿಕೆ. ಚೆಕ್ ನೀಡಿಕೆ ಸ್ಥಗಿತಕ್ಕೂ ಮನವಿ ಮಾಡಿಕೊಳ್ಳಬಹುದು.