ಚಂದ್ರಯಾನ-2ಕ್ಕೆ ಸಿದ್ಧತೆ
Team Udayavani, Oct 26, 2017, 6:20 AM IST
ಹೊಸದಿಲ್ಲಿ: ಚಂದ್ರಯಾನ-2ಕ್ಕೆ ಇಸ್ರೋ ತಯಾರಿ ನಡೆಸಿದ್ದು, ಅಂತಿಮ ಹಂತದ ಪರೀಕ್ಷೆಗಳನ್ನು ನಡೆಸಲಾಗುತ್ತಿದೆ. 2018ರ ಮಾರ್ಚ್ನಲ್ಲಿ 2ನೇ ಚಂದ್ರಯಾನ ನಡೆಸಲು ನಿರ್ಧರಿಸಲಾಗಿದೆ. ಚಂದ್ರನ ಮೇಲೆ ಇಳಿಯಲಿರುವ ಲ್ಯಾಂಡರ್ ಮತ್ತು ರೋವರ್ ಪರೀಕ್ಷೆ ನಡೆಯುತ್ತಿದೆ. ಒಂಬತ್ತು ವರ್ಷಗಳ ಹಿಂದೆ ನಡೆಸಿದ ಮೊದಲನೇ ಚಂದ್ರಯಾನಕ್ಕಿಂತ ಸುಧಾರಿತ ರೀತಿಯಲ್ಲಿ ಈ ಬಾರಿ ನಡೆಸಲು ನಿರ್ಧರಿಸಲಾಗಿದೆ. ಇದು ಮೂರು ವಿಧವಾದ ಆರ್ಬಿಟರ್, ಲ್ಯಾಂಡರ್ ಮತ್ತು ರೋವರ್ ಅನ್ನು ಒಳಗೊಂಡಿರುತ್ತದೆ.
1ನೇ ಚಂದ್ರಯಾನದಲ್ಲಿ ಕ್ರ್ಯಾಶ್ ಲ್ಯಾಂಡ್ ಮಾಡಲಾಗಿತ್ತು. ಆದರೆ ಈ ಬಾರಿ ಸಾಫ್ಟ್ ಲ್ಯಾಂಡ್ ಮಾಡಲಾಗುತ್ತದೆ ಎಂದು ಇಸ್ರೋ ಮೂಲಗಳು ತಿಳಿಸಿವೆ. ಅಂದರೆ ಚಂದ್ರನ ಮೇಲ್ಪದರ ಸಮೀಪಿಸುತ್ತಿದ್ದಂತೆಯೇ ಲ್ಯಾಂಡರ್ ವೇಗ ನಿಧಾನಗೊಳಿಸಲಾಗುತ್ತದೆ. ಇದರಿಂದ ಲ್ಯಾಂಡರ್ನ ಭಾಗಗಳಿಗೆ ಹಾನಿಯಾಗುವ ಸಾಧ್ಯತೆ ಕಡಿಮೆ ಇರುತ್ತದೆ.
ಇನ್ನೊಂದೆಡೆ ರೋವರ್ ಪರೀಕ್ಷೆಯೂ ನಡೆಯುತ್ತಿದ್ದು, ಇಳಿಯುವಾಗ ಚಂದ್ರನ ಮೇಲ್ಪದರದ ಮಣ್ಣಿಗೆ ಚಕ್ರಗಳು ಹೊಂದಿ ಕೊಳ್ಳುವಂತೆ ಮಾರ್ಪಡಿಸಲಾಗುತ್ತಿದೆ. ಚಂದ್ರ ಯಾನ 1ರಲ್ಲಿ ಅನಿಯಂತ್ರಿತ ವಿಧಾನದಲ್ಲಿ ಸಂಶೋಧನೆ ನಡೆಸಲಾಗಿತ್ತು. ಆದರೆ ಈ ಬಾರಿ ರೇಡಿಯೋ ತರಂಗಗಳ ಮೂಲಕ ರೋವರ್ ಜತೆಗೆ ಸಂಪರ್ಕ ಸಾಧಿಸಲಾಗುತ್ತದೆ. ಲ್ಯಾಂಡರ್ನಿಂದ ರೋವರ್ ಹೊರಬಂದು ಮಾದರಿಗಳನ್ನು ಸಂಗ್ರಹಿಸಲಿದೆ ಮತ್ತು ಹಲವು ಅಧ್ಯಯನ ನಡೆಸಲು ರೇಡಿಯೋ ತರಂಗಗಳ ಸಂಕೇತ ರವಾನಿಸಲಾಗುತ್ತದೆ. ಹಲವು ಮಹತ್ವದ ಸಂಶೋಧನೆಗಳನ್ನು ಈ ಬಾರಿ ನಡೆಸಬಹುದಾಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Daily Horoscope: ಉದ್ಯೋಗದಲ್ಲಿ ಪ್ರತಿಭೆಗೆ ಗೌರವ, ದೇವತಾರಾಧನೆಯ ಮೂಲಕ ವಿಘ್ನ ನಿವಾರಣೆ
Srirangapatna: ಐಸ್ ಕ್ರೀಂನಲ್ಲಿ ವಿಷ ಬೆರೆಸಿ ಮಕ್ಕಳ ಕೊಂದ ತಾಯಿ
Loksabha Election; ದೇಶದಲ್ಲಿ ಹಂತ-1: ಮತ ಇಂದು
Ls Polls: ಕಾಂಗ್ರೆಸ್ ಗೆಲ್ಲಿಸದಿದ್ದರೆ ಸಿದ್ದು ಸ್ಥಾನಕ್ಕೆ ಕಂಟಕ; ಸಚಿವ ಬೈರತಿ ಸುರೇಶ್
Wrestlers: ದುಬಾೖ ವಿಮಾನ ನಿಲ್ದಾಣದಲ್ಲಿ ಸಿಕ್ಕಿಬಿದ್ದ ಇಬ್ಬರು ಕುಸ್ತಿಪಟುಗಳು