ಕಾಶ್ಮೀರ ಚಳಿಗೆ ಇನ್ನು ನಮ್ಮ ಯೋಧರಿಗೆ ಬೆಚ್ಚಗಿನ ಟೆಂಟ್

Team Udayavani, Sep 22, 2019, 7:13 PM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ನವದೆಹಲಿ: ಜಮ್ಮು ಕಾಶ್ಮೀರದಲ್ಲಿ ಎದೆ ನಡುಗಿಸುವ ಚಳಿಯಲ್ಲಿ ದೇಶದ ಗಡಿ ಕಾಯುವ ಮತ್ತು ರಕ್ಷಣೆಯ ಕಾರ್ಯದಲ್ಲಿ ತೊಡಗಿಸಿಕೊಂಡಿರುವ ಭಾರತೀಯ ಯೋಧರಿಗೆ ಈ ಬಾರಿ ವಿಶೇಷವಾಗಿ ಪಾಲಿ ಯುರೇಥೇನ್ ಫೋಮ್ ನಿಂದ ತಯಾರಿಸಲಾದ ಸುಧಾರಿತ ಮಾದರಿಯ ಟೆಂಟ್ ಗಳನ್ನು ಒದಗಿಸಲಾಗುವುದು ಎಂಬ ಮಾಹಿತಿಯನ್ನು ಭಾರತೀಯ ಸೇನಾ ಮೂಲಗಳು ನೀಡಿವೆ.

ಕೆಂದ್ರ ಸರಕಾರ ಈಗಾಗಲೇ ಈ ಮಾದರಿಯ ಸುಮಾರು 40 ಸುಲಭವಾಗಿ ರಚಿಸಬಹುದಾಗಿರುವ ಟೆಂಟ್ ಗಳ ನಿರ್ಮಾಣಕ್ಕೆ ಒಪ್ಪಿಗೆ ನೀಡಿದೆ ಎಂದು ತಿಳಿದುಬಂದಿದೆ.

ಈಗಾಗಲೇ ಇರುವ ಖಾಸಗಿ ಮನೆಗಳನ್ನು ಮತ್ತು ಹೊಟೇಲುಗಳನ್ನು ಮುಂಬರುವ ಚಳಿಗಾಲದ ಅವಧಿಗೆ ದುರಸ್ತಿ ಮಾಡುವ ಬದಲಿಗೆ ಈ ರೀತಿಯ ಬೆಚ್ಚನೆಯ ಟೆಂಟ್ ಗಳನ್ನು ನಿರ್ಮಿಸುವುದು ಸೇನೆಯ ಪಾಲಿಗೆ ಸುಲಭವಾಗಲಿದೆ. ಅಕ್ಟೋಬರ್ ತಿಂಗಳ ಕೊನೆಯಲ್ಲಿ ಕಣಿವೆ ರಾಜ್ಯದಲ್ಲಿ ಚಳಿಗಾಲದ ಋತು ಪ್ರಾರಂಭವಾಗಿಲಿದೆ.

ಈ ಪಾಲಿ ಯುರೇಥನ್ ಫೋಮ್ ಹಟ್ ನಲ್ಲಿ ಚಳಿಗಾಳಿಯನ್ನು ತಡೆಯಬಲ್ಲ ವಿಶೇಷವಾದ ಫೋಮ್ ನ ಸಂರಚನೆಯನ್ನು ಹೊಂದಿದೆ. ಇದು ಜಮ್ಮ ಜವಾನರಿಗೆ ಚಳಿಯಿಂದ ವಿಶೇಷ ರಕ್ಷಣೆಯನ್ನು ನೀಡುತ್ತದೆ.

ಇದರೊಂದಿಗೆ ಜಮ್ಮು ಕಾಶ್ಮೀರದಲ್ಲಿ ಅರೆಸೇನಾ ಪಡೆಗಳನ್ನು ಇನ್ನಷ್ಟು ಕಾಲ ನಿಯೋಜಿಸುವ ಸಾಧ್ಯತೆಯನ್ನು ಕೇಂದ್ರ ಈ ಮೂಲಕ ನೀಡಿದಂತಾಗಿದೆ. ಹೆಚ್ಚಿನ ಹಿಮಬೀಳುವ ಪ್ರದೇಶಗಳಲ್ಲಿ ನಿಯೋಜಿಸಲಾಗಿರುವ ಸೇನಾಪಡೆಗಳಿಗೆ ಮೊದಲ ಆದ್ಯತೆ ನೀಡಿ ಈ ಬೆಚ್ಚನೆಯ ಟೆಂಟ್ ಗಳನ್ನು ಒದಗಿಸಲಾಗುವುದು ಎಂದೂ ಸೇನಾಮೂಲಗಳ ಮಾಹಿತಿಗಳಿಂದ ತಿಳಿದುಬಂದಿದೆ.

ಜಮ್ಮು ಕಾಶ್ಮೀರದಲ್ಲಿ 370ನೇ ವಿಧಿ ರದ್ದತಿಗೂ ಕೆಲವು ದಿನಗಳ ಮುಂಚೆ ಹೆಚ್ಚಿನ ಸಿ.ಆರ್.ಪಿ.ಎಫ್. ಪಡೆಗಳನ್ನು ಜಮ್ಮು ಕಾಶ್ಮೀರಕ್ಕೆ ರವಾನಿಸಲಾಗಿತ್ತು. ಬಳಿಕ ಜಮ್ಮು ಕಾಶ್ಮೀರವನ್ನು ಎರಡು ಕೇಂದ್ರಾಡಳಿತ ಪ್ರದೇಶವನ್ನಾಗಿ ವಿಭಜಿಸಲಾಗಿತ್ತು. ಜಮ್ಮು-ಕಾಶ್ಮೀರ ಮತ್ತು ಲಢಾಕ್ ಕೇಂದ್ರಾಡಳಿತ ಪ್ರದೇಶಗಳು ಅಕ್ಟೋಬರ್ 31ರಿಂದ ಕಾರ್ಯಾರಂಭ ಮಾಡಲಿವೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ನವದೆಹಲಿ: ಇತ್ತೀಚೆಗಷ್ಟೇ ರಾಜ್ಯಸಭೆ ಸದಸ್ಯತ್ವಕ್ಕೆ ರಾಜೀನಾಮೆ ನೀಡಿದ್ದ ಕೆ.ಸಿ.ರಾಮಮೂರ್ತಿ ಈಗ ಬಿಜೆಪಿಗೆ ಸೇರಿದ್ದಾರೆ. ಇವರನ್ನು ಕರ್ನಾಟಕದಿಂದ ರಾಜ್ಯಸಭೆಗೆ...

  • ಹೊಸದಿಲ್ಲಿ: ಕೇಂದ್ರ ಸರಕಾರದ ಉದ್ಯೋಗಿಗಳು ಪಡೆಯಬಹುದಾದ ಉಡುಗೊರೆಗಳ ಮೌಲ್ಯದ ಮಿತಿಯನ್ನು ಹೆಚ್ಚಿಸಲಾಗಿದೆ. ಈಗ ಎ ಮತ್ತು ಬಿ ವರ್ಗದ ಉದ್ಯೋಗಿಗಳು 5 ಸಾವಿರ ರೂ.ವರೆಗಿನ...

  • ಹೊಸದಿಲ್ಲಿ: ಕರ್ನಾಟಕದಲ್ಲಿ ಜನರು ಸೈಬರ್‌ ಅಪರಾಧದ ಸಂತ್ರಸ್ತರಾದರೆ ಅವರಿಗೆ ನ್ಯಾಯ ಸಿಗುವುದು ದೂರದ ಮಾತು. 2017ರಲ್ಲಿ ಯಾವ ಸೈಬರ್‌ ಕ್ರೈಂನಲ್ಲಿಯೂ ಯಾವೊಬ್ಬರಿಗೂ...

  • ತಿರುವನಂತಪುರ: ರೇಪ್‌ ಬಗ್ಗೆ ಫೇಸ್‌ಬುಕ್‌ನಲ್ಲಿ ಪೋಸ್ಟ್‌ ಹಾಕಿದ್ದಕ್ಕೆ ಕೇರಳದ ಸಂಸದ ಹಿಬಿ ಎಡೆನ್‌ ಪತ್ನಿ ಈಗ ಸಾಮಾಜಿಕ ಜಾಲತಾಣದಲ್ಲಿ ತೀವ್ರ ಟೀಕೆ ಎದುರಿಸುವಂತಾಗಿದೆ....

  • ಹೊಸದಿಲ್ಲಿ: ಬ್ಯಾಂಕ್‌ಗಳ ವಿಲೀನ ಮತ್ತು ಠೇವಣಿ ಬಡ್ಡಿ ದರ ಇಳಿಕೆಯನ್ನು ವಿರೋಧಿಸಿ ರಾಷ್ಟ್ರೀಕೃತ ಬ್ಯಾಂಕ್‌ ನೌಕರರು ಮಂಗಳವಾರ ಪ್ರತಿಭಟನೆ ನಡೆಸಿದ್ದರಿಂದ,...

ಹೊಸ ಸೇರ್ಪಡೆ