ಭೀಮಾ ಕೋರೆಗಾಂವ್ ಪ್ರಕರಣ; ಪುಣೆ ಸೆಷನ್ಸ್ ಕೋರ್ಟ್ ನಿಂದ ಆರು ಆರೋಪಿಗಳ ಬೇಲ್ ಅರ್ಜಿ ವಜಾ

Team Udayavani, Nov 6, 2019, 5:32 PM IST

ಮಹಾರಾಷ್ಟ್ರ: ಭೀಮಾ ಕೋರೆಗಾಂವ್ ಹಿಂಸಾಚಾರ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರು ಮಂದಿ ಆರೋಪಿಗಳ ಜಾಮೀನು ಅರ್ಜಿಯನ್ನು ಬುಧವಾರ ಪುಣೆ ಸೆಷನ್ಸ್ ಕೋರ್ಟ್ ವಜಾಗೊಳಿಸಿದೆ.

ಭೀಮಾ ಕೋರೆಗಾಂವ್ ಪ್ರಕರಣದಲ್ಲಿ ರೋನಾ ವಿಲ್ಸನ್, ಶೋಮಾ ಸೇನ್, ಸುರೇಂದ್ರ ಗಾಡ್ಲಿಂಗ್, ಮಹೇಶ್ ರೌತ್, ವರವರ ರಾವ್ ಹಾಗೂ ಸುಧೀರ್ ಧಾವ್ಲೆ ಸೇರಿದಂತೆ ಆರು ಮಂದಿ ಆರೋಪಿಗಳಾಗಿದ್ದಾರೆ.

ಇದಕ್ಕೂ ಮುನ್ನ ಬಾಂಬೆ ಹೈಕೋರ್ಟ್ ಸುಧಾ ಭಾರದ್ವಾಜ್, ವೆರ್ನೋನ್ ಗೋನ್ಸಾಲ್ವೀಸ್ ಮತ್ತು ಅರುಣ್ ಫೆರ್ರೇರಾ ಜಾಮೀನು ಅರ್ಜಿಯನ್ನು ಕೂಡಾ ವಜಾಗೊಳಿಸಿತ್ತು. 2018ರ ನವೆಂಬರ್ ನಲ್ಲಿ ಪುಣೆ ಪೊಲೀಸರು ಪ್ರಕರಣಕ್ಕೆ ಸಂಬಂಧಿಸಿದಂತೆ ಮೊದಲ ಆರೋಪಪಟ್ಟಿ ಸಲ್ಲಿಸಿದ್ದರು.

2017ರ ಡಿಸೆಂಬರ್ 31ರಂದು ಪುಣೆಯ ಎಲ್ಗಾರ್ ಪರಿಷತ್ ನಲ್ಲಿನ ಸಮಾವೇಶದಲ್ಲಿ ಭಾಷಣ ಮಾಡಿದ್ದು, 2018ರ ಜನವರಿ 1ರಂದು ಭೀಮಾ ಕೋರೆಗಾಂವ್ ಯುದ್ಧ ಸ್ಮಾರಕದ ಬಳಿ ಹಿಂಸಾಚಾರ ನಡೆದಿತ್ತು. ಈ ಸಮಾವೇಶಕ್ಕೆ ಆರ್ಥಿಕ ನೆರವು ನೀಡಿದ್ದು ಮಾವೋವಾದಿಗಳು ಎಂದು ಪೊಲೀಸರು ಆರೋಪಿಸಿದ್ದರು.

ಮೊದಲ ಆರೋಪಪಟ್ಟಿಯಲ್ಲಿ ಕಾರ್ಯಕರ್ತರಾದ ಸುರೇಂದ್ರ ಗಾಡ್ಲಿಂಗ್, ರೋನಾ ವಿಲ್ಸನ್, ಶೋಮಾ ಸೇನ್, ಮಹೇಶ್ ರೌತ್ ಮತ್ತು ಸುಧೀರ್ ಧಾವ್ಲೆ ಹೆಸರನ್ನು ದಾಖಲಿಸಿದ್ದರು. 2018ರ ಜೂನ್ ನಲ್ಲಿ ಇವರನ್ನೆಲ್ಲಾ ಬಂಧಿಸಲಾಗಿತ್ತು. ಅಲ್ಲದೇ ತಲೆಮರೆಯಿಸಿಕೊಂಡಿರುವ ಮಾವೋವಾದಿ ಮುಖಂಡ ದೀಪಕ್ ಅಲಿಯಾಸ್ ಮಿಲಿಂದ್ ಟೆಲ್ ಟುಂಬಾಡೆ, ಕಿಶಾನ್ ಡಾ ಅಲಿಯಾಸ್ ಪ್ರಶಾಂತ್ ಬೋಸ್ ಮತ್ತು ಪ್ರಕಾಶ್ ಅಲಿಯಾಸ್ ರಿತುಪರ್ಣ ಗೋಸ್ವಾಮಿ ಹೆಸರನ್ನೂ ಆರೋಪಪಟ್ಟಿಯಲ್ಲಿ ಹೆಸರಿಸಲಾಗಿದೆ ಎಂದು ವರದಿ ತಿಳಿಸಿದೆ. ಭಾರದ್ವಾಜ್ ಮತ್ತು ಇತರರನ್ನು ಸೆಪ್ಟೆಂಬರ್ ನಲ್ಲಿ ಬಂಧಿಸಲಾಗಿತ್ತು.

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ