ರಾಹುಲ್ ಗಾಂಧಿ ಕಳೆ ಗಿಡ, ಕೇಜ್ರಿವಾಲ್ ಬಬುಲ್ ಮರ ಇದ್ದಂತೆ, ಮೋದಿ ಕಲ್ಪವೃಕ್ಷ: ಸಿಂಗ್

Team Udayavani, Nov 18, 2022, 3:57 PM IST

ಭೋಪಾಲ್: ಪ್ರಧಾನಿ ನರೇಂದ್ರ ಮೋದಿ ಕಲ್ಪವೃಕ್ಷವಿದ್ದಂತೆ. ನಿಮಗೆ ಏನು ಬೇಕೋ ಅದನ್ನು ನೀವು ಪಡೆಯಬಹುದಾಗಿದೆ. ಕೇಜ್ರಿವಾಲ್ ಬಬುಲ್ ಮರ(ಒಂದು ಜಾತಿಯ ಮುಳ್ಳಿನ ಮರ) ಇದ್ದಂತೆ, ಇದರಿಂದ ನಿಮಗೆ ಕಂಟಕ ಬಿಟ್ಟರೆ ಬೇರೇನೂ ದೊರೆಯುವುದಿಲ್ಲ. ರಾಹುಲ್ ಗಾಂಧಿ ಕಳೆ ಗಿಡ ಇದ್ದಂತೆ, ಇದು ಬೆಳೆಗಳನ್ನು ನಾಶ ಮಾಡುತ್ತದೆ” ಎಂಬುದಾಗಿ ಮಧ್ಯಪ್ರದೇಶದ ಮುಖ್ಯಮಂತ್ರಿ ಶಿವರಾಜ್ ಸಿಂಗ್ ಚೌಹಾಣ್ ಶುಕ್ರವಾರ (ನವೆಂಬರ್ 18) ಆರೋಪಿಸಿದ್ದಾರೆ.

ಇದನ್ನೂ ಓದಿ:ಕಾಂಗ್ರೆಸ್ ಸೋಲಿನ ಭಯದಿಂದ ಆರೋಪ ಮಾಡುತ್ತಿದೆ: ಯಡಿಯೂರಪ್ಪ ಕಿಡಿ

ಮುಂಬರುವ ಗುಜರಾತ್ ವಿಧಾನಸಭಾ ಚುನಾವಣೆಯಲ್ಲಿ ಮತದಾರರು ಭಾರತೀಯ ಜನತಾ ಪಕ್ಷಕ್ಕೆ ಮತ ಚಲಾಯಿಸಬೇಕೆಂದು ಚೌಹಾಣ್ ಮನವಿ ಮಾಡಿಕೊಂಡರು. ಗುಜರಾತ್ ನ ಭುಜ್ ಪುರದಲ್ಲಿ ನಡೆದ ಸಮಾವೇಶದಲ್ಲಿ ಮಾತನಾಡಿದ ಅವರು, ಕಾಂಗ್ರೆಸ್ ಮತ್ತು ಆಮ್ ಆದ್ಮಿ ಪಕ್ಷ ಇಡೀ ದೇಶದ ಶಾಂತಿ ಮತ್ತು ನೆಮ್ಮದಿಯನ್ನು ಹಾಳು ಮಾಡುತ್ತಿರುವುದಾಗಿ ದೂರಿದರು.

ಮುಂಬರುವ ಗುಜರಾತ್ ವಿಧಾನಸಭಾ ಚುನಾವಣಾ ಪ್ರಚಾರದಲ್ಲಿ ತೊಡಗಿರುವ ಮಧ್ಯಪ್ರದೇಶ ಮುಖ್ಯಮಂತ್ರಿ ಶಿವರಾಜ್ ಸಿಂಗ್ ಚೌಹಾಣ್, ಈ ಬಾರಿಯೂ ಬಿಜೆಪಿಯನ್ನು ಬಹುಮತದಿಂದ ಗೆಲ್ಲಿಸುವಂತೆ ಮತದಾರರಲ್ಲಿ ವಿನಂತಿಸಿಕೊಂಡರು.

#WATCH | Narendra Modi is a ‘kalpavriksha’, you’ll get whatever you want. Kejriwal is a babul tree, you’ll get only thorns. Rahul Gandhi is a shrub that will destroy the crops. Congress, AAP will erase contentment and peace from the country,” says MP CM Chouhan#GujaratElections pic.twitter.com/7jQmPwPod3

— ANI (@ANI) November 18, 2022

182 ಸದಸ್ಯಬಲದ ಗುಜರಾತ್ ವಿಧಾನಸಭೆಗೆ ಡಿಸೆಂಬರ್ 1 ಮತ್ತು ಡಿಸೆಂಬರ್ 5ರಂದು ಎರಡು ಹಂತಗಳಲ್ಲಿ ಚುನಾವಣೆ ನಡೆಯಲಿದೆ. ಮೊದಲ ಹಂತದಲ್ಲಿ 89 ಕ್ಷೇತ್ರ ಹಾಗೂ ಎರಡನೇ ಹಂತದಲ್ಲಿ 93 ಕ್ಷೇತ್ರಗಳಲ್ಲಿ ಮತದಾನ ನಡೆಯಲಿದೆ ಎಂದು ವರದಿ ತಿಳಿಸಿದೆ.