ರಫೇಲ್ ಡೀಲ್ ವಿರುದ್ಧ ಪಿಐಎಲ್: ಮುಂದಿನ ವಾರ ಸುಪ್ರೀಂ ವಿಚಾರಣೆ
Team Udayavani, Sep 5, 2018, 11:22 AM IST
ಹೊಸದಿಲ್ಲಿ : ಭಾರತ ಮತ್ತು ಫ್ರಾನ್ಸ್ ನಡುವಿನ ರಫೇಲ್ ಫೈಟರ್ ಜೆಟ್ ಖರೀದಿ ವ್ಯವಹಾರಕ್ಕೆ ತಡೆಯಾಜ್ಞೆ ನೀಡಬೇಕೆಂದು ಕೋರಿ ಸಲ್ಲಿಸಲಾಗಿರುವ ಸಾರ್ವಜನಿಕ ಹಿತಾಸಕ್ತಿಯ ಅರ್ಜಿಯನ್ನು ಸುಪ್ರೀಂ ಕೋರ್ಟ್ ಮುಂದಿನ ವಾರ ವಿಚಾರಣೆಗೆ ಎತ್ತಿಕೊಳ್ಳಲು ಇಂದು ಬುಧವಾರ ಒಪ್ಪಿಕೊಂಡಿದೆ.
ವಕೀಲ ಎಂ ಎಲ್ ಶರ್ಮಾ ಅವರು ತಮ್ಮ ಪಿಐಎಲ್ ನ ತುರ್ತು ವಿಚಾರಣೆಗಾಗಿ ಅದನ್ನು ಪಟ್ಟಿಗೆ ಸೇರಿಸುವಂತೆ ಮಾಡಿಕೊಂಡ ಮನವಿಯನ್ನು ಸಿಜೆಐ ದೀಪಕ್ ಮಿಶ್ರಾ ಮತ್ತು ಜಸ್ಟಿಸ್ಗಳಾದ ಎ ಎಂ ಖಾನ್ವಿಲ್ಕರ್ ಮತ್ತು ಡಿ ವೈ ಚಂದ್ರಚೂಡ್ ಅವರು ಪುರಸ್ಕರಿಸಿದರು.
ಭಾರತ ಮತ್ತು ಫ್ರಾನ್ಸ್ ನಡುವಿನ ರಫೇಲ್ ಫೈಟರ್ ಜೆಟ್ ಖರೀದಿ ವ್ಯವಹಾರದಲ್ಲಿ ಕೆಲವೊಂದು ನೂನ್ಯತೆಗಳಿವೆ ಎಂದು ಶರ್ಮಾ ತಮ್ಮ ಪಿಐಎಲ್ ನಲ್ಲಿ ಆರೋಪಿಸಿದ್ದಾರೆ.
ಹಿಂದಿನ ಯುಪಿಎ ಸರಕಾರದಲ್ಲಿ 526 ಕೋಟಿ ರೂ. ಗೆ ಅಂತಿಮಗೊಂಡಿದ್ದ ರಫೇಲ್ ಖರೀದಿ ವ್ಯವಹಾರವು ಬಿಜೆಪಿ ನೇತೃತ್ವದ ಎನ್ಡಿಎ ಸರಕಾರದಡಿ ಶೇ.300ರಷ್ಟು ಹೆಚ್ಚಿನ ಮೊತ್ತವಾಗಿ 1,670 ಕೋಟಿ ರೂ.ಗೆ ಕುದುರಿದ್ದು ಹೇಗೆ ಎಂದು ಪ್ರಶ್ನಿಸಿರುವ ಕಾಂಗ್ರೆಸ್ ಪಕ್ಷ, ರಫೇಲ್ ವ್ಯವಹಾರವು ಮಹಾ ಭ್ರಷ್ಟಾಚಾರದ ಹಗರಣವಾಗಿದೆ ಎಂದು ಸದನದ ಒಳಗೆ ಹೊರಗೆ ಕೇಂದ್ರ ಸರಕಾರದ ವಿರುದ್ಧ ವಾಕ್ ದಾಳಿ ನಡೆಸುತ್ತ ಬಂದಿದೆ.