ಪ್ರಾಣವನ್ನೇ ಪಣಕ್ಕಿಟ್ಟು 10 ಕೇಜಿ ಬಾಂಬ್ ಹಿಡಿದು ಓಡಿದ ಪೊಲೀಸ್!
Team Udayavani, Aug 28, 2017, 6:25 AM IST
ಭೋಪಾಲ್: ಸಜೀವ ಬಾಂಬ್ ಪತ್ತೆಯಾದರೆ ಏನಾಗಬಹುದು? ಗಾಬರಿಯಿಂದ ಎಲ್ಲರೂ ಓಡಬಹುದು. ಅಪಾಯದ ಪರಿಣಾಮ ಊಹಿಸಲೂ ಸಾಧ್ಯವಿಲ್ಲ. ಆದರೆ, ಮಧ್ಯಪ್ರದೇಶದ ಚಿತೋರಾ ಎಂಬಲ್ಲಿ ನಡೆದ ಪ್ರಕರಣವೊಂದರಲ್ಲಿ ಶಾಲೆ, ಮನೆಗಳಿದ್ದ ಪ್ರದೇಶದಿಂದ ಜನರನ್ನು ರಕ್ಷಿಸಲು, ಪೊಲೀಸ್ ಪೇದೆಯೊಬ್ಬರು 10 ಕೇಜಿ ತೂಕದ ಬಾಂಬನ್ನು ಬರಿಗೈಯ್ಯಲ್ಲಿ ಎತ್ತಿಕೊಂಡು 1 ಕಿ.ಮೀ. ಓಡಿದ್ದು, ಹಲವಾರು ಮಂದಿಯ ಜೀವ ಉಳಿಸಿದ ಕೀರ್ತಿಗೆ ಪಾತ್ರವಾಗಿದ್ದಾರೆ.
ಶುಕ್ರವಾರ ಸರ್ಕಾರಿ ಶಾಲೆಯ ಹಿಂಭಾಗ ಬಾಂಬ್ ಪತ್ತೆಯಾಗಿದ್ದು, ಈ ವೇಳೆ ಶಾಲೆಯಲ್ಲಿ ಸುಮಾರು 400 ಮಕ್ಕಳಿದ್ದರು. ಜೊತೆಗೆ ಅದು ಜನ ವಸತಿ ಪ್ರದೇಶವಾಗಿತ್ತು. ಈ ವೇಳೆ ಪೊಲೀಸರಿಗೆ ಕರೆ ಹೋಗಿದ್ದು ಸ್ಥಳಕ್ಕೆ ಪೊಲೀಸ್ ಪೇದೆ ಅಭಿಶೇಕ್ ಪಟೇಲ್ ಬಂದಿದ್ದರು. ಬಳಿಕ ಅಲ್ಲಿ ಬಾಂಬ್ ವಿಲೇವಾರಿ ಕುರಿತಾಗಿ ಭಾರೀ ಗುಲ್ಲೆದ್ದಿತ್ತು. ಶೀಘ್ರ ಬಾಂಬ್ ನಿಷಿ¢ಯ ತಜ್ಞರು ಲಭ್ಯವಿಲ್ಲದ್ದರಿಂದ ಪೊಲೀಸ್ ಪೇದೆ ತಡೆ ಮಾಡದೇ 40 ವರ್ಷದ ಪಟೇಲ್ ಅವರು ಬಾಂಬ್ ಎತ್ತಿಕೊಂಡು 1 ಕಿ.ಮೀ. ಓಡಿದ್ದಾರೆ. ಜನವಸತಿಯಿಂದ ಆದಷ್ಟು ದೂರಕ್ಕೆ ಬಾಂಬ್ ತೆಗೆದುಕೊಂಡು ಹೋಗಿದ್ದಾರೆ. ಪಟೇಲ್ ಅವರ ಈ ಕಾರ್ಯ ಮೆಚ್ಚುಗೆಗೆ ಪಾತ್ರವಾಗಿದೆ. ಪೊಲೀಸ್ ಇಲಾಖೆ ಅವರನ್ನು ಅಭಿನಂದಿಸಿದೆ.
ಆದರೆ ಈ ಬಾಂಬ್ ಎಲ್ಲಿಂದ ಬಂತು ಎಂಬುದಕ್ಕೆ ಉತ್ತರ ಸಿಕ್ಕಿಲ್ಲ. ಸನಿಹದಲ್ಲೇ ಸೇನಾ ಸರಹದ್ದು ಇದ್ದು, ಅಲ್ಲಿಂದ ಬಂದು ಬಿದ್ದಿರಬಹುದೇ ಎಂಬ ಸಂಶಯ ಮೂಡಿದೆ. ಈ ಬಗ್ಗೆ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ಕೆಲ ದಿನಗಳ ಹಿಂದೆ ಸಾಗರ್ ಎಂಬಲ್ಲಿನ ಬನ್ನಾದ್ ಹೆಸರಿನ ಗ್ರಾಮದಲ್ಲಿ ಇದೇ ರೀತಿ ಬಾಂಬ್ ಪತ್ತೆಯಾಗಿತ್ತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
ನೀತಿ ಸಂಹಿತೆ ಉಲ್ಲಂಘನೆ: ಏಪ್ರಿಲ್ 29ರೊಳಗೆ ಉತ್ತರ ನೀಡಲು ಮೋದಿ, ರಾಹುಲ್ಗೆ ಸೂಚನೆ
Arunachal Pradesh: ಧಾರಾಕಾರ ಮಳೆ… ಭೂಕುಸಿತ, ಕೊಚ್ಚಿಹೋದ ಚೀನಾ ಗಡಿ ಸಂಪರ್ಕ ಹೆದ್ದಾರಿ
Delhi: ಬ್ಯಾಂಕ್ ಮ್ಯಾನೇಜರ್ ಅಪಹರಣ…ಮಾಜಿ ಬಾಡಿಗೆದಾರರನಿಂದ ಸಂಚು!
ಹೆದ್ದಾರಿ ಬದಿ ನಿಂತಿದ್ದ ಟ್ರಕ್ ಗೆ ಕಾರು ಡಿಕ್ಕಿ… ಮಗು ಸೇರಿ 6 ಮಂದಿ ಸ್ಥಳದಲ್ಲೇ ಮೃತ್ಯು
Usman Ghani: ಮೋದಿ ಹೇಳಿಕೆ ಟೀಕೆ ಮಾಡಿದ ಬಿಜೆಪಿ ಅಲ್ಪಸಂಖ್ಯಾತ ಮೋರ್ಚಾ ಅಧ್ಯಕ್ಷ ಉಚ್ಛಾಟನೆ