ಅಖಿಲೇಶ್ ಗೆ ರಾಜಕೀಯ ಹೆಲ್ತ್‌ ಟಾನಿಕ್‌ ಬೇಕಿದೆ : ಉ.ಪ್ರ. ಡಿಸಿಎಂ ಶರ್ಮಾ

Team Udayavani, Apr 29, 2019, 12:25 PM IST

ಲಕ್ನೋ : ಉತ್ತರ ಪ್ರದೇಶದಲ್ಲಿ ಮಾಯಾವತಿ ಅವರ ಬಹುಜನ ಸಮಾಜ ಪಕ್ಷ ಮತ್ತು ಅಖೀಲೇಶ್‌ ಯಾದವ್‌ ಅವರ ಸಮಾಜವಾದಿ ಪಕ್ಷ ರೂಪಿಸಿಕೊಂಡಿರುವ ಮೈತ್ರಿಯು ಅನೈಸರ್ಗಿಕ ಮೈತ್ರಿಯಾಗಿರುವುದರಿಂದ 2017ರಲ್ಲಿ ಈ ಮೈತ್ರಿ ಕೂಟ ಅನುಭವಿಸಿದ್ದ ಸೋಲನ್ನೇ ಈ ಬಾರಿ ಮತ್ತೆ ಕಾಣಲಿದೆ ಎಂದು ಉತ್ತರ ಪ್ರದೇಶದ ಉಪ ಮುಖ್ಯಮಂತ್ರಿ ದಿನೇಶ್‌ ಯಾದವ್‌ ಹೇಳಿದ್ದಾರೆ.

ಅಖೀಲೇಶ್‌ ಯಾದವ್‌ ಅವರು ತಮ್ಮ ರಾಜಕೀಯ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಈ ಅಪವಿತ್ರ ಮೈತ್ರಿ ಮಾಡಿಕೊಂಡಿದ್ದಾರೆ; ಆದುದರಿಂದ ಅಖೀಲೇಶ್‌ಗೆ ನಿಜಕ್ಕೂ ಬೇಕಿದೆ ರಾಜಕೀಯ ಹೆಲ್ತ್‌ ಟಾನಿಕ್‌ ಎಂದು ಶರ್ಮಾ ವ್ಯಂಗ್ಯವಾಡಿದರು.

ಒಬ್ಬ ವ್ಯಕ್ತಿ ದುರ್ಬಲನಾದಾಗ ಆತ ಆರೋಗ್ಯ ವರ್ಧನೆಗೆ ಟಾನಿಕ್‌ ತೆಗೆದುಕೊಳ್ಳುವುದು ಅಗತ್ಯವಾಗುತ್ತದೆ; ಹಾಗೆಯೇ ರಾಜಕೀಯವಾಗಿ ದುರ್ಬಲರಾಗಿರುವ ಅಖೀಲೇಶ್‌ಗೆ ಈಗ ರಾಜಕೀಯ ಹೆಲ್ತ್‌ ಟಾನಿಕ್‌ ಬೇಕಿದೆ ಎಂದು ಶರ್ಮಾ ಹೇಳಿದರು.