ಶಬರಿ ಮಲೆ ದೇವಸ್ಥಾನ ಪ್ರವೇಶಿಸಲು ಯತ್ನಿಸಿದ ಶ್ರೀಲಂಕಾದ ಮಹಿಳೆ!

Team Udayavani, Jan 4, 2019, 5:07 AM IST

ತಿರುವನಂತಪುರಂ: 50 ವರ್ಷದ ಒಳಗಿನ ಇಬ್ಬರು ಮಹಿಳೆಯರು ಶಬರಿಮಲೆ ದೇಗುಲವನ್ನು ಪ್ರವೇಶಿದ 2 ದಿನಗಳ ಬಳಿಕ ಶುಕ್ರವಾರ ಬೆಳಗ್ಗೆ  ಶ್ರೀಲಂಕಾದ 46 ರ ಹರೆಯದ ಮಹಿಳೆಯೊಬ್ಬರು ದೇವಾಲಯದೊಳಗೆ ಪ್ರವೇಶಿಸಲು ಮುಂದಾಗಿ ವಿಫ‌ಲವಾಗಿದ್ದಾರೆ.

ಮೆಟ್ಟಿಲುಗಳವರೆಗೆ ಆಗಮಿಸಿದ ಮಹಿಳೆ, ತನ್ನ ಋತು ಚಕ್ರ ನಿಂತಿದೆ , ವೈದ್ಯಕೀಯ ಪ್ರಮಾಣ ಪತ್ರವೂ  ಇದೆ ಎಂದು ಹೇಳಿದರೂ ಆಕೆಗೆ ದೇವಾಲಯ ಪ್ರವೇಶಿಸಲು ಅವಕಾಶ ಲಭ್ಯವಾಗಲಿಲ್ಲ ಎಂದು ಎಎನ್‌ಐ ವರದಿ ಮಾಡಿದೆ. 

46-year-old Srilankan woman who came to #SabarimalaTemple: I went up to the holy steps, but I was not allowed to go further. I had a medical certificate also.

— ANI (@ANI) January 4, 2019

ಬಿಂದು ಮತ್ತು ಕನಕುದುರ್ಗಾ ಅವರು ದೇವಾಲಯ ಪ್ರವೇಶಿಸಿದ ಬೆನ್ನಲ್ಲೇ ಕೇರಳದಲ್ಲಿ ಹಿಂಸಾಚಾರ ಭುಗಿಲೆದ್ದಿದ್ದು, ಓರ್ವ ವ್ಯಕ್ತಿಯನ್ನು ಬಲಿ ಪಡೆದಿದ್ದು ಹಲವರು ಗಾಯಗೊಂಡಿದ್ದಾರೆ. ರಾಜ್ಯದೆಲ್ಲೆಡೆ ಉದ್ವಿಗ್ನ ಸ್ಥಿತಿ ಮುಂದುವರಿದಿದೆ. 

ಗುರುವಾರ ರಾಜ್ಯದಲ್ಲಿ  ಶಬರಿಮಲೆ ಕರ್ಮ ಸಮಿತಿ  ಹರತಾಳ ನಡೆಸಿದ್ದು , ಹಲವೆಡೆ ಬಿಜೆಪಿ ಮತ್ತು ಎನ್‌ಡಿಎಫ್, ಎಲ್‌ಡಿಎಫ್ ಕಾರ್ಯಕರ್ತರ ನಡುವೆ ಘರ್ಷಣೆ ಸಂಭವಿಸಿ ಹಲವರು ಗಾಯಗೊಂಡಿದ್ದಾರೆ. ಹಲವೆಡೆ ಕಲ್ಲು ತೂರಾಟವೂ ನಡೆದಿದೆ. 

ಈಗಾಗಲೇ 750 ಕ್ಕೂ ಹೆಚ್ಚು ಜನರನ್ನು ಪೊಲೀಸರು ವಶಕ್ಕೆ ಪಡೆದಿದ್ದು , 600 ಕ್ಕೂ ಹೆಚ್ಚು ಜನರನ್ನು ಮುಂಜಾಗೃತಾ ಕ್ರಮವಾಗಿ ವಶಕ್ಕೆ ಪಡೆಯಾಗಿದೆ.

ದೇವಾಲಯದ ಪ್ರಾಂಗಣದಲ್ಲಿ ವ್ಯಾಪಕ ಕಟ್ಟೆಚ್ಚರ ವಹಿಸಲಾಗಿದ್ದು, ಎಲ್ಲೆಡೆ ಪೊಲೀಸರ ಕಾವಲು ಹಾಕಲಾಗಿದೆ.