ಚಹಾ ಓಕೆ ಧೂಮಪಾನ ಯಾಕೆ ?

Team Udayavani, Oct 17, 2019, 10:25 PM IST

ನಿಮಗೆ ಚಹಾದೊಂದಿಗೆ ಸಿಗರೇಟ್‌ ಸೇದುವ ಅಭ್ಯಾಸವಿದೆಯೇ ಹಾಗಾದರೆ ಅದಷ್ಟು ಬೇಗೆ ಹೊಟ್ಟೆ ಹಾಗೂ ಗಂಟಲಿಗೆ ಸಂಬಂಧಿಸಿದ ಡಾಕ್ಟರನ್ನು ಭೇಟಿ ಮಾಡುವುದಕ್ಕೆ ವ್ಯವಸ್ಥೆ ಮಾಡಿಕೊಳ್ಳಿ. ಏಕೆಂದರೆ ಈ ಚಟದಿಂದ ಕ್ಯಾನ್ಸರ್‌ಗಿಂತ 5 ಪಟ್ಟು ಹೆಚ್ಚು ಅಪಾಯಕಾರಿ ಖಾಯಿಲೆ ನಿಮ್ಮನ್ನು ಆವರಿಸಿಕೊಳ್ಳಲಿದೆ ಎಂದು ಸಮೀಕ್ಷೆಯ ವರದಿಯೊಂದು ತಿಳಿಸಿದೆ.

ಹಾಗಾಗಿ ಧೂಮಪಾನ ಮಾಡುವಾಗ ಒಂದು ಕಪ್‌ ಚಹಾ ಇದ್ದರೆ ಸ್ವರ್ಗಕ್ಕೆ ಮೂರೇ ಗೇಣು ಎಂಬ ಪಾಲಿಸಿಯನ್ನು ಅಳವಡಿಸಿಕೊಂಡಿರುವವರು ಸ್ವಲ್ಪ ಎಚ್ಚರಿಕೆ ತೆಗೆದುಕೊಳ್ಳುವುದು ಉತ್ತಮ ಅನ್ನಿಸುತ್ತದೆ.

ಧೂಮಪಾನದಿಂದ ಕ್ಯಾನ್ಸರ್‌ ರೋಗ ಬರುತ್ತದೆ ಎಂಬುದು ಜಗಜಾಹೀರು ವಿಷಯವಾದರೂ ನಮ್ಮಲ್ಲಿ ಧೂಮಪಾನ ಮಾಡುವವರ ಸಂಖ್ಯೆ ಏನು ಕಡಿಮೆಯಾಗಿಲ್ಲ. ಆದರೆ ಚಹಾದೊಂದಿಗೆ ಸಿಗರೇಟ್‌, ಬೀಡಿ ಸೇವನೆಯಿಂದ ಗಂಟಲು ಮತ್ತು ಹೊಟ್ಟೆ ಭಾಗಗಳಿಗೆ ಅಧಿಕ ಮಟ್ಟದಲ್ಲಿ ಹಾನಿಯಾಗುತ್ತದೆ ಎಂದು ವರದಿ ತಿಳಿಸಿದೆ.

ಈ ಅಭ್ಯಾಸದಿಂದ ಎಸೊÕಫೆಗಲ್‌ ಎಂಬ ಕ್ಯಾನ್ಸರ್‌ ಬಹುಬೇಗನೆ ನಿಮ್ಮನ್ನು ಆವರಿಸಿಕೊಳ್ಳುತ್ತದೆ. ಧಮ್‌ ಹಾಗೂ ಟೀ ಕಾಂಬಿನೇಷನ್‌ ಎಸೊÕಫೆಗಲ್‌ ಕ್ಯಾನ್ಸರ್‌ ಅಪಾಯವನ್ನು ಐದು ಪಟ್ಟು ಹೆಚ್ಚಿಸುತ್ತದೆ ಎನ್ನುತ್ತಿದೆ ಈ ಅಧ್ಯಯನ.

ಇನ್ನೂ ಈ ಸಂಶೋಧನೆಯನ್ನು ವಾಷಿಂಗ್ಟನ್ ಮೂಲದ ರಿಸರ್ಚ್‌ ಸೆಂಟರ್‌ ನಡೆಸಿದ್ದು, ಸಮೀಕ್ಷೆಗೆ ವ್ಯಸನಿಗಳನ್ನು ಒಳಪಡಿಸಿದೆ. ಈ ಸಂದರ್ಭ ಅವರ ಆರೋಗ್ಯ ತಪಾಸಣೆಯನ್ನು ನಡೆಸಿದ್ದು, ಚಹಾದೊಂದಿಗೆ ಧೂಮಪಾನ ಮಾಡುವುದರಿಂದ ಎಸೊÕಫೆಗಲ್‌ ಕ್ಯಾನ್ಸರ್‌ ಬರುತ್ತದೆ ಎಂಬ ವಿಷಯವನ್ನು ಕಂಡು ಕೊಂಡಿದೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ