ನಾಪತ್ತೆಯಾಗಿದ್ದ ಸೇನಾ ವಿಮಾನದ ಅವಶೇಷ ಪತ್ತೆ

Team Udayavani, Jun 12, 2019, 6:05 AM IST

ಹೊಸದಿಲ್ಲಿ: ಎಂಟು ದಿನಗಳ ಹಿಂದೆ ಅಸ್ಸಾಂನ ಜೋರ್ಹಟ್ನಿಂದ ನಾಪತ್ತೆಯಾಗಿದ್ದ ವಾಯುಪಡೆಯ ಎಎನ್‌-32 ವಿಮಾನದ ಅವಶೇಷಗಳು ಮಂಗಳವಾರ ಪತ್ತೆಯಾಗಿವೆ. ಅರುಣಾಚಲ ಪ್ರದೇಶದ ಲಿಪೋದಿಂದ 16 ಕಿ.ಮೀ. ದೂರದ ಸ್ಥಳದಲ್ಲಿ ಅವುಗಳು ಚೆಲ್ಲಾಪಿಲ್ಲಿಯಾಗಿ ಬಿದ್ದಿವೆ.

ಲಿಪೋದ ಉತ್ತರ ಭಾಗದಲ್ಲಿ ಅವಶೇಷಗಳು ಬಿದ್ದಿರುವುದಾಗಿ ದಿಲ್ಲಿಯಲ್ಲಿ ಭಾರತೀಯ ವಾಯುಪಡೆ ತಿಳಿಸಿದೆ. ಅದರಲ್ಲಿ ಪ್ರಯಾಣಿಸುತ್ತಿದ್ದ 13 ಮಂದಿ ಜೀವಂತವಾಗಿ ಇದ್ದಾರೆಯೋ ಇಲ್ಲವೋ ಎಂಬ ಬಗ್ಗೆ ಇನ್ನೂ ಶೋಧ ನಡೆಯುತ್ತಿದೆ ಎಂದು ಹೇಳಿದೆ. ಐಎಎಫ್ನಲ್ಲಿರುವ ರಷ್ಯಾ ನಿರ್ಮಿತ ಎಎನ್‌-32 ವಿಮಾನ ಜೂ.3ರಂದು ಅಸ್ಸಾಂನ ಜೋರ್ಹಟ್ನಿಂದ ಯಾನ ಆರಂಭಿಸಿದ ಕೆಲವೇ ಸಮಯದಲ್ಲಿ ನಾಪತ್ತೆಯಾಗಿತ್ತು.

ಪತಿ ಪೈಲಟ್, ಪತ್ನಿ ಏರ್‌ ಟ್ರಾಫಿಕ್‌ ಕಂಟ್ರೋಲರ್‌

ಎಎನ್‌ 32 ವಿಮಾನದ ಪೈಲಟ್ ಆಶಿಶ್‌ ತನ್ವಾರ್‌ (29), ಅವರ ಪತ್ನಿ ಸಂಧ್ಯಾ ಅದೇ ಕೇಂದ್ರದಲ್ಲಿ ಏರ್‌ ಟ್ರಾಫಿಕ್‌ ಕಂಟ್ರೋಲರ್‌ (ಎಟಿಸಿ) ಆಗಿದ್ದರು. ವಿಮಾನ ಜೋರ್ಹಟ್ನಿಂದ ಟೇಕ್‌ ಆಫ್ ಆದ ಕೆಲವೇ ಸಮಯದಲ್ಲಿ (12.25ಕ್ಕೆ) ರಾಡಾರ್‌ ಸಿಗ್ನಲ್ಗಳು ಕಡಿತಗೊಂಡಿತ್ತು. ತನ್ನ ಪತಿ ಪ್ರಯಾಣಿಸುತ್ತಿದ್ದ ವಿಮಾನ ಕಾಣೆಯಾಗುತ್ತಿರುವುದನ್ನು ಬಹಳ ಹತ್ತಿರದಿಂದ ಕಂಡಿದ್ದ ಆವರಿಗೆ ದುರ್ಘ‌ಟನೆ ಆ ಕ್ಷಣದಿಂದಲೇ ಅರಿವಾಗಿತ್ತು. ಜೂ.3ರ ಘಟನೆಯ ಆಘಾತದಿಂದ ಸಂಧ್ಯಾ ಇನ್ನೂ ಹೊರಬಂದಿಲ್ಲ.

ಅಸ್ಸಾಂಗೆ ತೆರಳಿದ್ದ ತಂದೆ
ಆಶಿಶ್‌ ತನ್ವಾರ್‌ ಅವರ ತಂದೆ ರಾಧೇಲಾ ಅವರು ಮಾಜಿ ಸೈನಿಕ. ತಮ್ಮ ಪುತ್ರನ ಕುರಿತು ತಿಳಿದುಕೊಳ್ಳುವ ಸಲುವಾಗಿ ಹರಿಯಾಣದಿಂದ ಅಸ್ಸಾಂಗೆ ತೆರಳಿ ಅಲ್ಲಿಯೇ ನಿಂತಿದ್ದರು.

ತರಬೇತಿ ಸಂದರ್ಭ ಪರಿಚಯವಾಗಿದ್ದ ಸಂಧ್ಯಾ
ಪೈಲಟ್ ತರಬೇತಿ ವೇಳೆ ಆಶಿಶ್‌ಗೆ ಸಂಧ್ಯಾ ಅವರ ಪರಿಚಯವಾಗಿತ್ತು. 2018ರ ಫೆಬ್ರವರಿಯಲ್ಲಿ ಸಂಧ್ಯಾ ಅವರನ್ನು ವಿವಾಹವಾಗಿದ್ದರು. ವಿವಾಹವಾದ ಬಳಿಕ ಒಟ್ಟಿಗೆ ಕರ್ತವ್ಯ ನಿರ್ವಹಿಸುವ ಭಾಗ್ಯ ಒದಗಿತ್ತು.

ಎಂಎನ್‌ಸಿ ಕಂಪನಿ ತೊರೆದು ಸೇನೆಗೆ
ಆಶಿಶ್‌ ಕಾನ್ಪುರದಲ್ಲಿ ಬಿ.ಟೆಕ್‌. ಪದವಿ ಪೂರೈಸಿ ಎಂಎನ್‌ಸಿ ಕಂಪೆನಿಯಲ್ಲಿ ಕರ್ತವ್ಯ ನಿರ್ವಹಿಸಿದ್ದರು. 2013ರ ಡಿಸೆಂಬರ್‌ನಲ್ಲಿ ತನ್ವಾರ್‌ ಭಾರತೀಯ ವಾಯುಸೇನೆ ಸೇರಿದ್ದರು.

ವಾರದಲ್ಲಿ ಮನೆಗೆ ಬರಲಿದ್ದರು
ಹರಿಯಾಣದ ಹುಡಾ ಸೆಕ್ಟರ್‌ 2ರ ಸಮೀಪದ ಪಲ್ವಾಲ್ನಲ್ಲಿ ಅಶಿಶ್‌ ತನ್ವಾರ್‌ ಅವರ ಕುಟುಂಬ ಇದೆ. ಒಂದು ತಿಂಗಳ ಹಿಂದೆಯಷ್ಟೇ ಪತ್ನಿಯ ಜತೆ ಆಶಿಶ್‌ ತಮ್ಮ ತಾಯಿ ಮನೆಗೆ ಬಂದಿದ್ದರು. ಬಳಿಕ ಒಂದು ವಾರದ ಪ್ರವಾಸಕ್ಕಾಗಿ ಥಾೖಲೆಂಡ್‌ಗೆ ತೆರಳಿದ್ದರು. ಪ್ರವಾಸ ಮುಗಿಸಿ ನೇರವಾಗಿ ಕರ್ತವ್ಯಕ್ಕೆ ಮರಳಿದ್ದರು. ಮುಂದಿನ ವಾರ ಪತ್ನಿ ಸಹಿತ ಮನೆಗೆ ಬರುವುದಾಗಿ ತಾಯಿ ಸರೋಜಾ ಅವರಿಗೆ ಆಶಿಶ್‌ ತಿಳಿಸಿದ್ದರು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.



ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ

  • ಬಾಗಲಕೋಟೆ: ಜಿಲ್ಲಾ ಕಾಂಗ್ರೆಸ್‌ ನಾಯಕತ್ವ ಬದಲಾವಣೆಗೆ ಕೈ ನಾಯಕರು ಈಗ ಗಂಭೀರ ಚಿಂತನೆ ನಡೆಸಿದ್ದು, ಜಿಲ್ಲಾ ಅಧ್ಯಕ್ಷರ ಬದಲಾವಣೆಗಾಗಿಯೇ ಕೆಪಿಸಿಸಿಯಿಂದ ನೇಮಕಗೊಂಡಿದ್ದ...

  • ಬೆಳಗಾವಿ: ಸಹೋದರ ಲಖನ್ ಜಾರಕಿಹೊಳಿಗೆ ಒಳ್ಳೆಯದಾಗಲಿ. ಅವನು ಸತೀಶ್ ಜಾರಕಿಹೊಳಿ ಜೊತೆಗೆ ಸೇರಿ ಹಾಳಾಗುವುದು ಬೇಡ. ಲಖನ್ ಶಾಸಕ ಆದ್ರೆ ಮೊದಲು ಸಂತೋಷ ನಾನು ಪಡುತ್ತೇನೆ...

  • ಕುಂದಗೋಳ: ಸರ್ಕಾರಿ ಕಾರ್ಯಕ್ರಮಕ್ಕೆ ನಮ್ಮನ್ನು ಏಕೆ ಕರೆಯುತ್ತಿಲ್ಲ ಎಂದು ತಾಪಂ ಸರ್ವ ಸದಸ್ಯರು ಅಧಿಕಾರಿಗಳ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು. ಪಟ್ಟಣದ ತಾಪಂ...

  • ಧಾರವಾಡ: ಜಿಲ್ಲೆಯ ವಿವಿಧ ತಾಲೂಕುಗಳಲ್ಲಿ ತಂಬಾಕು ತನಿಖಾ ದಳ ದಿಂದ 21ಕ್ಕೂ ಹೆಚ್ಚು ದಿಢೀರ್‌ ದಾಳಿ ಮಾಡಲಾಗಿದೆ. ಸಾರ್ವಜನಿಕ ಸ್ಥಳಗಳಲ್ಲಿ ಧೂಮಪಾನ ಮಾಡುತ್ತಿದ್ದ...

  • ಧಾರವಾಡ: ಕೋಟಿ ಕೋಟಿ ರೂಪಾಯಿ ಸುರಿದು ಕಟ್ಟಿದ ಕಟ್ಟಡ ಇನ್ನೂ ಉದ್ಘಾಟನೆಯಾಗಿಲ್ಲ. ಆದರೆ ಅಲ್ಲಲ್ಲಿ ಸೋರುತ್ತಿದೆ. ನೆಲ ಮಹಡಿಯಲ್ಲಿಯೋ ಚರಂಡಿ ನೀರು ಮತ್ತು ಮಳೆ...