ತಂದೆಗೇ ಪುನರ್ಜನ್ಮ ನೀಡಿದ ಪುತ್ರಿ
Team Udayavani, Nov 11, 2017, 6:10 AM IST
ನವದೆಹಲಿ: ಪಿತ್ತಕೋಶದ ವೈಫಲ್ಯದಿಂದಾಗಿ ಸಾವಿನಂಚಿಗೆ ಸರಿದಿದ್ದ ತನ್ನ ತಂದೆಯನ್ನು ತನ್ನ ಪಿತ್ತಕೋಶವನ್ನು ನೀಡಿ ಬದುಕಿಸಿಕೊಂಡಿರುವ ಯುವತಿಯ ಧೈರ್ಯವನ್ನು ವೈದ್ಯರೊಬ್ಬರು ಫೇಸ್ಬುಕ್ ಬರಹವೊಂದರ ಮೂಲಕ ಹೆಣ್ಣು ಮಕ್ಕಳ ಬಗ್ಗೆ ತಾತ್ಸಾರ ಹೊಂದಿರುವವರ ಕಣ್ತೆರೆಯುವ ಪ್ರಯತ್ನ ಮಾಡಿರುವುದು ಈಗ ವೈರಲ್ ಆಗಿದೆ. ಸುಮಾರು 10 ಸಾವಿರ ಜನರು ಈ ಪುಟ್ಟ ಬರಹವನ್ನು ಮೆಚ್ಚಿಕೊಂಡಿದ್ದು (ಲೈಕ್ಸ್) ವೈದ್ಯರ ಅನಿಸಿಕೆಗೆ ತಲೆದೂಗಿದ್ದಾರೆ.
ಇತ್ತೀಚೆಗೆ, ಪೂಜಾ ಬಿಜಾರ್ನಿಯಾ ಎಂಬ ಯುವತಿ ಪಿತ್ತಕೋಶ ವೈಫಲ್ಯದಿಂದ ಬಳಲುತ್ತಿದ್ದ ತನ್ನ ತಂದೆಗೆ ತನ್ನ ಪಿತ್ತಕೋಶ ದಾನ ಮಾಡಿ ಅವರನ್ನು ಬದುಕಿಸಿ ಕೊಂಡಿದ್ದಳು. ಶಸ್ತ್ರಚಿಕಿತ್ಸೆ ನಂತರ ಚೇತರಿಸಿ ಕೊಂಡ ಅಪ್ಪ- ಮಗಳ ಫೋಟೋದೊಂದಿಗೆ ಈ ಸುದ್ದಿ ವೈರಲ್ ಆಗಿತ್ತು.
ಇದೀಗ, ಡಾ. ರಚಿತ್ ಭೂಷಣ್ ಶ್ರೀವಾಸ್ತವ ಎಂಬ ವೈದ್ಯರೊಬ್ಬರು ಈ ಫೋಟೋ ಉಪಯೋಗಿಸಿ ಮನಮುಟ್ಟುವ ಅಡಿಬರಹ ತಮ್ಮ ಫೇಸ್ಬುಕ್ನಲ್ಲಿ ಪ್ರಕಟಿಸಿದ್ದಾರೆ. ನಿಜ ಜೀವನಗಳಲ್ಲಿ ಹೀರೋಗಳನ್ನು ತುಂಬಾ ಅಪರೂಪವಾಗಿ ನೋಡುತ್ತೇವೆ. ಪಿತ್ತಕೋಶ ದಾನ ಮಾಡಿ ತಂದೆಯನ್ನು ಉಳಿಸಿಕೊಂಡ ಈ ಯುವತಿಯು, ಹೆಣ್ಣೆಂದರೆ ಅಸಡ್ಡೆ ತೋರುವ ಅದೆಷ್ಟೋ ಹೆತ್ತವರಿಗೆ, ಹೆಣ್ಣು ಏನು ತಾನೇ ಮಾಡಿಯಾಳು ಎಂದು ಪ್ರಶ್ನಿಸುವ ವ್ಯಕ್ತಿಗಳಿಗೆ ಉತ್ತರ ನೀಡಿದ್ದಾಳೆ. ಈಕೆ ವೈಯಕ್ತಿಕವಾಗಿ ಪರಿಚಯವಿಲ್ಲದಿದ್ದರೂ, ಈಕೆಗೆ ನಾನು ಅಭಿನಂದನೆ ಅರ್ಪಿಸುತ್ತೇನೆ. ದೇವರು ಆಕೆಗೆ ಒಳ್ಳೆಯದನ್ನು ಮಾಡಲಿ” ಎಂದಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Chattisgarh: ಕಳೆದ 4 ತಿಂಗಳಲ್ಲಿ 80 ನಕ್ಸಲೀಯರ ಸಾವು, 125 ಮಂದಿ ಬಂಧನ; 150 ಶರಣಾಗತಿ!
ದ. ಭಾರತದಲ್ಲಿ ಬಿಜೆಪಿ ಎಷ್ಟು ಸ್ಥಾನಗಳಲ್ಲಿ ಜಯಗಳಿಸಬಹುದು? ರೇವಂತ್ ರೆಡ್ಡಿ ಲೆಕ್ಕಚಾರವೇನು!
Delhi ; ಬಿಕಿನಿಯಲ್ಲೇ ಬಸ್ ಹತ್ತಿದ ಮಹಿಳೆ; ವಿಡಿಯೋ ವೈರಲ್
EVM VVPAT case: ಚುನಾವಣಾ ಪ್ರಕ್ರಿಯೆಯಲ್ಲಿ ಪಾವಿತ್ರ್ಯತೆ ಇರಬೇಕು: ಆಯೋಗಕ್ಕೆ ಸುಪ್ರೀಂ
Diabetes ಇದ್ದರೂ ಕೇಜ್ರಿವಾಲ್ ಸಿಹಿ ಹೆಚ್ಚೆಚ್ಚು ತಿನ್ನುತ್ತಿದ್ದಾರೆ!: ಕೋರ್ಟ್ ಗೆ ಇಡಿ