ಈ ಫೋಟೋ ಚಂದ್ರಯಾನದ್ದಲ್ಲ!
Team Udayavani, Jul 28, 2019, 5:00 AM IST
ನವದೆಹಲಿ: ವಾಟ್ಸ್ಆ್ಯಪ್ ಸೇರಿ ದಂತೆ ಹಲವು ಸಾಮಾಜಿಕ ಜಾಲ ತಾಣಗಳಲ್ಲಿ ಹರಿದಾಡುತ್ತಿರುವ ಫೋಟೋಗಳು ಚಂದ್ರಯಾನ-2 ಕಳುಹಿಸಿದ ಫೋಟೋಗಳು ಅಲ್ಲ. ಅವುಗಳು ನಕಲಿಯಾಗಿವೆ. ಜು. 27ರಂದು ಉಡಾವಣೆಯಾಗಿರುವ ಚಂದ್ರ ಯಾನ-2 ಇನ್ನೂ ಚಂದ್ರನ ಮೇಲೆ ಇಳಿದಿಲ್ಲ. ಅದರ ಮೊದಲೇ ಜಾಲತಾಣಗಳಲ್ಲಿ ಚಂದ್ರ ಯಾನ-2 ಕಳುಹಿಸಿದ್ದು ಎಂದು ಹೇಳಲಾಗಿರುವ ಫೋಟೋಗಳು ಹರಿದಾಡುತ್ತಿವೆ. ಅವು ಗಳಲ್ಲಿ ಕೆಲವು ಕಲಾವಿದ ತನ್ನ ಕಲ್ಪನೆಯಲ್ಲಿ ಮೇಲ್ಭಾಗ ದಿಂದ ಭೂಮಿ ನೋಡಿದರೆ ಹೇಗಿರುತ್ತದೆ ಎಂದು ತೋರಿಸಿದ ರೀತಿಯಲ್ಲಿ ಇದೆ. ಈ ಫೋಟೋಗಳನ್ನು ಇಸ್ರೋ ಸಂಸ್ಥೆ ಬಿಡುಗಡೆ ಮಾಡಿದ್ದಲ್ಲ. ಜಾಲತಾಣಗಳಲ್ಲಿ ವೈರಲ್ ಆಗಿರುವ ಫೋಟೋಗಳ ಮೂಲದ ಬಗ್ಗೆ ಪರಿಶೀಲಿಸಿದಾಗ ಅವುಗಳು ಟ್ವಿಟರ್, ಪಿಂಟೆರೆಸ್ಟ್, ಇಂಥ ಚಿತ್ರಗಳನ್ನು ಪೂರೈಸುವ ದೇವಿಯಂಟ್ ಆರ್ಟ್ (DeviantArt) ಮತ್ತು ಟಂಬ್ಲಿರ್ (Tumblr) ಎಂದು ಪತ್ತೆಯಾಗಿವೆ.