ಬಾಂಬ್ ಪರೀಕ್ಷೆಗಾಗಿ 200 ಮಂದಿ ಸಾವು!
Team Udayavani, Nov 1, 2017, 6:30 AM IST
ಹೊಸದಿಲ್ಲಿ: ಹೈಡ್ರೋಜನ್ ಬಾಂಬ್ ಪರೀಕ್ಷೆ ನಡೆಸಿ ವಿಶ್ವ ಸಮುದಾಯದ ಕೆಂಗಣ್ಣಿಗೆ ಗುರಿಯಾಗಿರುವ ಉತ್ತರ ಕೊರಿಯಾದಲ್ಲಿ ಬಾಂಬ್ ಪರೀಕ್ಷೆ ವೇಳೆ 200 ಮಂದಿ ಅಸುನೀಗಿರುವ ವಿಚಾರ ವಿಳಂಬವಾಗಿ ಬೆಳಕಿಗೆ ಬಂದಿದೆ. ಆ ದೇಶದ ಪುಂಗೆÂà- ರಿ ಎಂಬಲ್ಲಿ ಸೆ.3ರಂದು 100 ಕಿಲೋಟನ್ ಹೈಡ್ರೋಜನ್ ಬಾಂಬ್ ಪರೀಕ್ಷೆ ಮಾಡುವ ವೇಳೆ ಸುರಂಗವೊಂದು ಕುಸಿದು 100 ಕಾರ್ಮಿಕರು ಅಸುನೀಗಿದ್ದರು.
ಬಳಿಕ ರಕ್ಷಣಾ ಕಾರ್ಯಾಚರಣೆ ವೇಳೆ ಕೂಡ ಕುಸಿತ ಉಂಟಾಗಿದ್ದರಿಂದ ಮತ್ತೆ 100 ಮಂದಿ ಸಾವಿಗೀಡಾಗಿದ್ದರು. ಈ ಬಗ್ಗೆ ಉತ್ತರ ಕೊರಿಯಾ ಮೂಲಗಳನ್ನು ಉಲ್ಲೇಖೀಸಿ ಜಪಾನ್ನ ಅಸಾಹಿ ಟಿವಿ ವರದಿ ಮಾಡಿದೆ.
ಸತತ ಪರಮಾಣು ಪರೀಕ್ಷೆಗಳಿಂದ ಈ ಪರ್ವತ ಪ್ರದೇಶ ಅತ್ಯಂತ ದುರ್ಬಲವಾಗಿದೆ. ಮುಂದಿನ ದಿನಗಳಲ್ಲಿ ರೇಡಿಯೋ ವಿಕಿರಣ ಹೊರಸೂಸುವ ಸಾಧ್ಯತೆ ಇದೆ ಎಂದು ಕೊರಿಯಾದ ಹವಾಮಾನ ಸಂಸ್ಥೆ ಎಚ್ಚರಿಕೆ ನೀಡಿದೆ.