ಎನ್ಆರ್ಐಗಳಿಗೂ ಮತದಾನ ಅವಕಾಶ?
Team Udayavani, Jan 21, 2019, 12:35 AM IST
ಹೊಸದಿಲ್ಲಿ: ಅನಿವಾಸಿ ಭಾರತೀಯರಿಗೂ ಮತ ದಾನದ ಅವಕಾಶ ನೀಡುವ ಸಂಬಂಧ ಕೇಂದ್ರ ಸರಕಾರದ ಮಸೂದೆ ಸಂಸತ್ ಅನುಮೋದನೆಗೆ ಕಾದಿದೆ. ಲೋಕಸಭೆ ಚುನಾವಣೆ ಸಮೀಪಿಸುತ್ತಿರುವುದರಿಂದ ಈ ಮಸೂದೆಗೆ ಈಗ ಹೆಚ್ಚಿನ ಪ್ರಾಮುಖ್ಯ ಸಿಕ್ಕಿದೆ. ಈ ಸರಕಾರದ ಕೊನೆಯ ಅಧಿವೇಶನವು ಜ. 31ರಿಂದ ಫೆ. 13ರ ವರೆಗೆ ನಡೆಯಲಿದ್ದು, ಈ ವೇಳೆ ಮಸೂದೆ ಅನುಮೋದನೆ ಪಡೆಯುವ ಸಾಧ್ಯತೆ ಯಿದೆ. 2018ರಲ್ಲೇ ಮಸೂದೆ ಲೋಕಸಭೆಯಲ್ಲಿ ಅನು ಮೋದನೆ ಗೊಂಡಿದ್ದು, ರಾಜ್ಯಸಭೆಯ ಅನುಮತಿ ಬೇಕಿದೆ. ಬಜೆಟ್ ಅಧಿವೇಶನದಲ್ಲಿ ಈ ಮಸೂದೆಯನ್ನು ಮಂಡಿಸುವ ಸಾಧ್ಯತೆಯಿದೆ ಎಂದು ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ.
ಇದು ಅನುಮೋದನೆಗೊಂಡರೆ, ವಿದೇಶದಲ್ಲಿರುವ ಭಾರತೀಯರು ತಮ್ಮ ಪರ ಮತ ಚಲಾಯಿಸಲು ವ್ಯಕ್ತಿ ಯೊಬ್ಬರಿಗೆ ಅಧಿಕಾರ ನೀಡಬಹುದಾಗಿದೆ. ಈ ವ್ಯಕ್ತಿಗಳು ಪ್ರತಿ ಚುನಾವಣೆಗೂ ಬದಲಾಗುತ್ತಾರೆ. ವಿಶ್ವದ ವಿವಿಧ ದೇಶ ಗಳಲ್ಲಿ 3.10 ಕೋಟಿ ಭಾರತೀಯರಿದ್ದಾರೆ. ಇದರೊಂದಿಗೆ ಸರಕಾರಿ ನೌಕರರು, ಸೇನೆಯಲ್ಲಿನ ಮಹಿಳಾ ಸಿಬಂದಿಯ ಸಂಗಾತಿಗೆ ಮತ ಹಾಕುವ ಅವಕಾಶವನ್ನೂ ನೀಡಲಾಗಿದೆ.