ಚೆನ್ನೈಗೆ 50 ವ್ಯಾಗನ್ಗಳಲ್ಲಿ ಬಂತು ನೀರು
Team Udayavani, Jul 13, 2019, 5:00 AM IST
ಚೆನ್ನೈ: ಚೆನ್ನೈನಲ್ಲಿ ಎದುರಾಗಿರುವ ನೀರಿನ ಸಮಸ್ಯೆಯನ್ನು ನಿವಾರಿಸಲು ಜೋಲಾರ್ಪೇಟೆಯಿಂದ ರೈಲಿನ ಮೂಲಕ ನೀರು ತರಲಾ ಗಿದೆ. ಈ ಪೈಕಿ 50 ವ್ಯಾಗನ್ಗಳನ್ನು ಒಳಗೊಂಡ ಮೊದಲ ರೈಲು ಶುಕ್ರವಾರ ಚೆನ್ನೈಗೆ ಆಗಮಿಸಿದೆ.
ಪ್ರತಿ ವ್ಯಾಗನ್ನಲ್ಲಿ 50 ಸಾವಿರ ಲೀ. ನೀರು ಹಿಡಿಯುತ್ತದೆ. ವಿಲ್ಲಿವಕ್ಕಮ್ನಲ್ಲಿರುವ ಕೋಚ್ ಫ್ಯಾಕ್ಟರಿ ಯಲ್ಲಿ ಅಳವಡಿಸಲಾಗಿರುವ 100 ಕ್ಕೂ ಹೆಚ್ಚು ಪೈಪ್ಗ್ಳ ಮೂಲಕ ನೀರನ್ನು ಇಳಿಸಿಕೊಂಡು ಇದನ್ನು ಸಂಸ್ಕರಿಸಿ ಬಳಸಲಾಗುತ್ತದೆ. ಮುಂದಿನ ಆರು ತಿಂಗಳವರೆಗೆ ಈ ವ್ಯವಸ್ಥೆ ಮಾಡಲಾಗಿದೆ. ಈ ಮೂಲಕ ಭಾರತದ ಡೆಟ್ರಾಯ್r ಎಂಬ ಕುಖ್ಯಾತಿಗೆ ಪಾತ್ರವಾಗಿರುವ ಚೆನ್ನೈನ ನೀರಿನ ಬೇಡಿಕೆ ಈಡೇರಿ ಸುವ ಪ್ರಯತ್ನ ಮಾಡಲಾಗಿದೆ.
20 ದಿನಗಳಿಂದಲೂ ಈ ಬಗ್ಗೆ ಸಿದ್ಧತೆ ನಡೆಸಲಾಗಿತ್ತು. 217 ಕಿ.ಮೀ ದೂರದ ಜೋಲಾರ್ಪೆಟ್ಟೈನಿಂದ ಬರುವ ಒಂದು ರೈಲು ಚೆನ್ನೈನ ಒಂದು ದಿನದ ನೀರಿನ ಕೊರತೆಯನ್ನು ನೀಗಿಸಲು ಅಸಾಧ್ಯ. ಸದ್ಯ 20 ಕೋಟಿ ಲೀಟರ್ ನೀರು ಕೊರತೆ ಇದ್ದು, ಒಂದು ರೈಲಿನಲ್ಲಿ ಕೇವಲ 25 ಲಕ್ಷ ಲೀಟರ್ ನೀರು ಬರಲಿದೆ.