ಅಮಿತ್ ಶಾ ಮುಂದಿನ ರಕ್ಷಣಾ ಸಚಿವ?

Team Udayavani, Jun 30, 2020, 6:58 AM IST

ಹೊಸದಿಲ್ಲಿ: ಕೇಂದ್ರ ಗೃಹ ಸಚಿವ ಅಮಿತ್‌ ಶಾ ಅವರು, ಸದ್ಯದಲ್ಲೇ ಭಾರತದ ರಕ್ಷಣಾ ಸಚಿವರಾಗಲಿದ್ದಾರೆಯೇ?

ಇಂಥದ್ದೊಂದು ಸುದ್ದಿ ಈಗ ಬಿಜೆಪಿಯ ಪಡಸಾಲೆೆಗಳಲ್ಲಿ ಹರಿದಾಡುತ್ತಿದೆ.

ಇದು ನಿಜವಾಗಲೂಬಹುದು ಎಂದು ಮೂಲಗಳು ಹೇಳಿವೆ.

ಮಹಾರಾಷ್ಟ್ರದಲ್ಲಿ ಅಧಿಕಾರದಲ್ಲಿರುವ ಶಿವಸೇನೆ – ಕಾಂಗ್ರೆಸ್‌ ನಡುವಿನ ಭಿನ್ನಾಭಿಪ್ರಾಯಗಳು ದಿನೇ ದಿನೇ ಹೆಚ್ಚಾಗುತ್ತಿವೆ.

ಅಲ್ಲಿ, ಮುಂದೆ ಶಿವಸೇನೆ-ಬಿಜೆಪಿ ಸೇರಿ ಸರಕಾರ ರಚಿಸುವ ಸಾಧ್ಯತೆಗಳು ಬಂದರೆ ಬರಬಹುದು. ಅದು ನಿಜವಾದರೆ, ಬಿಜೆಪಿ-ಶಿವಸೇನೆ ಸರಕಾರದಲ್ಲಿ, ಉದ್ಧವ್‌ ಠಾಕ್ರೆಯೇ ಮುಖ್ಯ ಮಂತ್ರಿಯಾಗಿರಲಿದ್ದಾರೆ.

ಆಗ, ಬಿಜೆಪಿ­ಯಿಂದ ದೇವೇಂದ್ರ ಫ‌ಡ್ನವಿಸ್‌ ಉಪ ಮುಖ್ಯಮಂತ್ರಿಯಾಗ­ಬೇಕಾಗುತ್ತದೆ. ಆದರೆ, ಈಗಾಗಲೇ ಮುಖ್ಯಮಂತ್ರಿಯಾಗಿರುವ ಫ‌ಡ್ನವಿಸ್‌ ಅವರಿಗೆ ಅದರಿಂದ ಮುಜುಗರ ಆಗುವ ಸಾಧ್ಯತೆ ಇರುವುದರಿಂದ ಅದನ್ನು ತಪ್ಪಿಸಲು ಈಗಲೇ ಫ‌ಡ್ನವಿಸ್‌ ಅವರನ್ನು ಕೇಂದ್ರಕ್ಕೆ ಶಿಫ್ಟ್ ಮಾಡುವ ಆಲೋಚಿಸಲಾಗುತ್ತಿದೆ.

ಹಾಗೆ ಆದರೆ, ಮೋದಿ ಮಂತ್ರಿಮಂಡಲದಲ್ಲಿ ಕೆಲವಾರು ಬದಲಾವಣೆಗಳಾಗಿ ಅಮಿತ್‌ ಶಾ ಅವರನ್ನು ರಕ್ಷಣಾ ಸಚಿವರನ್ನಾಗಿ ನೇಮಿಸುವ ಸಾಧ್ಯತೆಗಳಿವೆ ಎಂದು ಮೂಲಗಳು ತಿಳಿಸಿವೆ.