ತೀಯಾ ಸಮಾಜ ಯುಎಇ ವತಿಯಿಂದ 15ನೇ ವಾರ್ಷಿಕ ದುರ್ಗಾಪೂಜೆ

Team Udayavani, Oct 28, 2019, 4:08 PM IST

ಮುಂಬಯಿ, ಅ. 27: ಹದಿನೈದು ವರ್ಷಗಳ ಹಿಂದೆ ದುಬಾಯಿಯಲ್ಲಿ ಸ್ಥಾಪನೆಯಾದ ತೀಯಾ ಸಮಾಜದ ಏಕೈಕ ಸಾಗರೋತ್ತರ ಸಂಘಟನೆ ಯಾಗಿರುವ ತೀಯಾ ಸಮಾಜ ಯುಎಇ ಇದರ ಹದಿನೈದನೆಯ ವಾರ್ಷಿಕ ಶ್ರೀ ದುರ್ಗಾ ಪೂಜೆಯು ಅ. 25ರಂದು ಬರ್‌ ದುಬಾಯಿಯ ಸಿಂಧಿ ಸ್ಮಾರಕ ಸಭಾಗೃಹದಲ್ಲಿ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳೊಂದಿಗೆ ನಡೆಯಿತು.

ತೀಯಾ ಸಮಾಜದ ಅಧ್ಯಕ್ಷರಾದ ಮನೀಶ್‌ ಕರ್ಕೇರ ಇವರ ನೇತೃತ್ವದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಪ್ರಾರಂಭದಲ್ಲಿ ಸಂಸ್ಥೆಯ ಸದಸ್ಯ ಬಾಂಧವರಿಂದ ಭಜನೆ ಹಾಗೂ ವಿವಿಧ ಧಾರ್ಮಿಕ ಪೂಜಾ ಕೈಂಕರ್ಯಗಳು ನೆರವೇರಿದವು. ರಘು ಭಟ್‌ ಇವರು ಪೂಜಾ ವಿಧಿ-ವಿಧಾನಗಳನ್ನು ನೆರವೇರಿಸಿದರು. ಸಮಾಜದ ಹಿರಿಯ ಕಾರ್ಯಕರ್ತರಾದ ಜಗದೀಶ್‌ ಕದ್ರಿ ಮತ್ತು ವೀಣಾ ಜಗದೀಶ್‌ ದಂಪತಿ ಪೂಜಾ ವಿಧಿಯಲ್ಲಿ ಪಾಲ್ಗೊಂಡಿದ್ದರು.

ತೀಯಾ ಸಮಾಜ ಯುಎಇ ಇದರ ಪ್ರಧಾನ ಕಾರ್ಯದರ್ಶಿ ಅಮರ್‌ ಉಮೇಶ್‌ ನಂತೂರು, ಮಹಿಳಾ ವಿಭಾಗದ ಸದಸ್ಯರು. ವಿವಿಧ ಸಮಾಜಗಳ ಗಣ್ಯರು ಹಾಗೂ ಸಮಾಜ ಬಾಂಧವರು ಹೆಚ್ಚಿನ ಸಂಖ್ಯೆಯಲ್ಲಿ ಉಪಸ್ಥಿತರಿದ್ದು ಪ್ರಸಾದ ಸ್ವೀಕರಿಸಿದರು. ಉಪಾಧ್ಯಕ್ಷ ಧರ್ಮೇಂದ್ರ ಬಂಗೇರ ಅವರು ಕಾರ್ಯಕ್ರಮವನ್ನು ನಿರ್ವಹಿಸಿದರು. ಕೊನೆಯಲ್ಲಿ ಮಹಾಮಂಗಳಾರತಿ, ಪ್ರಸಾದ ವಿತರಣೆ ಜರಗಿತು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ