“ವಿವಿ ಅಭಿವೃದ್ಧಿ ಯೋಜನೆ ಸಿದ್ಧಪಡಿಸಲಿ”

Team Udayavani, Jun 30, 2021, 1:07 PM IST

ಮುಂಬಯಿ: ದೂರದೃಷ್ಟಿಯೊಂದಿಗೆ ಮಹರ್ಷಿ ಕಾರ್ವೆಯವರು ಸ್ಥಾಪಿಸಿದ ನಾಥಿಬಾಯಿ ದಾಮೋದರ್‌ ಠಾಕ್ರೆ ವಿಶ್ವವಿದ್ಯಾನಿಲಯವು ಮುಂದಿನ 25 ವರ್ಷಗಳಲ್ಲಿ ಹೇಗಿರಬೇಕು ಎಂಬುದರ ಬಗ್ಗೆ ನೀಲನಕ್ಷೆಯನ್ನು ಸಿದ್ಧಪಡಿಸುವ ಮೂಲಕ ವಿಶ್ವದಲ್ಲೇ ವಿಶ್ವವಿದ್ಯಾನಿಲಯದ ಖ್ಯಾತಿಯನ್ನು ಹೆಚ್ಚಿಸುವ ಮಾರ್ಗಗಳ ಬಗ್ಗೆ ಯೋಚಿಸಬೇಕು ಎಂದು ರಾಜ್ಯಪಾಲ ಮತ್ತು ಕುಲಪತಿ ಭಗತ್‌ ಸಿಂಗ್‌ ಕೋಶ್ಯಾರಿ ಸೂಚಿಸಿದ್ದಾರೆ.

ಅವರು ಮಂಗಳವಾರ ಜುಹುವಿನ ಎಸ್‌ಎನ್‌ಡಿಟಿ ಮಹಿಳಾ ವಿಶ್ವವಿದ್ಯಾನಿಲಯಕ್ಕೆ ಭೇಟಿ ನೀಡಿ ಇಲಾಖೆ ಮುಖ್ಯಸ್ಥರು ಮತ್ತು ಪ್ರಾಂಶುಪಾಲರೊಂದಿಗೆ ಸಂವಾದ ನಡೆಸಿ, ಬೋಧನೆ ಮಾಡುವಾಗ ಶಿಕ್ಷಕರು ಮಾತೃಭಾಷೆ, ಭಾರತೀಯ ಸಂಸ್ಕೃತಿ ಮತ್ತು ಮೌಲ್ಯಗಳಿಗೆ ಸೇರಿದ ಪ್ರಜ್ಞೆಯನ್ನು ವಿದ್ಯಾರ್ಥಿಗಳಲ್ಲಿ ಮೂಡಿಸಬೇಕು ಎಂದು ಸಲಹೆ ನೀಡಿದರು.

ಇಂದು ಜಗತ್ತು ಲಿಂಗ ಸಮಾನತೆಯ ಬಗ್ಗೆ ಯೋಚಿಸುತ್ತಿದೆ. ಆದರೆ ಭಾರತ ಇನ್ನೂ ಹೆಚ್ಚಿನದಕ್ಕೆ ಹೋಗಿ ಸ್ತ್ರೀತ್ವಕ್ಕೆ ಶ್ರೇಷ್ಠತೆಯನ್ನು ನೀಡಿದೆ. ಧರಣಿ ಮಾತಾ, ಜಗನ್ಮಾತಾ ಜಗತ್ತನ್ನು ಆಳುತ್ತಾರೆ ಮತ್ತು ಪೋಷಿಸುತ್ತಾರೆ. ಇದು ಭಾರತ ನೀಡಿದ ಕಲ್ಪನೆ ಎಂದು ತಿಳಿಸಿದ ರಾಜ್ಯಪಾಲರು ಸಂಸ್ಥಾಪಕ ಮಹರ್ಷಿ ಕಾರ್ವೆ ಮತ್ತು ದನ್ಶೂರ್‌ ಠಾಕ್ರೆ ಅವರ ಕೊಡುಗೆಯನ್ನು ಪ್ರಸ್ತಾವಿಸಿ ಎಸ್‌ಎನ್‌ಡಿಟಿ ವಿಶ್ವವಿದ್ಯಾನಿಲಯವು ಮಹಿಳೆಯರ ಪ್ರಗತಿಗಾಗಿ ಮುಂದುವರಿಯುತ್ತದೆ ಎಂದು ಆಶಿಸಿದರು. ಜು. 2ರ ಬಳಿಕ ಉಪಕುಲಪತಿ ಡಾ| ಶಶಿಕಲಾ ವಂಜಾರಿ ಅವರ ಅಧಿಕಾರಾವಧಿ ಬರಲಿದೆ ಎಂದು ತಿಳಿಸಿದ ರಾಜ್ಯಪಾಲರು ಅವರನ್ನು ಗೌರವಿಸಿ ಶುಭ ಹಾರೈಸಿದರು.

ಈ ಸಂದರ್ಭದಲ್ಲಿ  ವಿವಿಯ ಉಪಕುಲಪತಿ ಡಾ| ಶಶಿಕಲಾ ವಂಜಾರಿ ಮತ್ತು  ಐದು ವರ್ಷಗಳ ಅಧಿಕಾರಾವಧಿಯಲ್ಲಿ ವಿಶ್ವವಿದ್ಯಾನಿಲಯವು ಜುಹುವಿನಲ್ಲಿ ಸೌರಶಕ್ತಿ ಯೋಜನೆ ಯನ್ನು ಜಾರಿಗೆ ತರುವ ಮೂಲಕ ಸಾಂಪ್ರದಾಯಿಕ ಶಕ್ತಿಯನ್ನು ಉಳಿಸಿತು. ಈ ವಿಶ್ವವಿದ್ಯಾನಿಲಯವು ಭಾರತದ ಮೊದಲ ಮಹಿಳಾ ಅಧ್ಯಯನ ಸಂಶೋಧನ ಕೇಂದ್ರ ಮತ್ತು ಗೃಹ ವಿಜ್ಞಾನ ಕ್ಷೇತ್ರದಲ್ಲಿ  ಮೊದಲ ಸ್ವಾಯತ್ತ ಕಾಲೇಜನ್ನು ಹೊಂದಿದೆ ಎಂದು ವಿಶ್ವವಿದ್ಯಾನಿಲಯದ ಉಪಕುಲಪತಿ ಡಾ| ಶಶಿಕಲಾ ವಂಜಾರಿ ಹೇಳಿದರು. ಹಣದ ಕೊರತೆಯಿಂದಾಗಿ ಕೆಲವು ವಿಷಯಗಳಲ್ಲಿ ವಿಶ್ವವಿದ್ಯಾಲಯವನ್ನು ನಿರ್ಲಕ್ಷಿಸಲಾಗಿದೆ ಎಂದು ಅವರು ವಿಷಾದಿಸಿದರು.

ಕ್ಯೂ-ವೈಸ್‌ ಚಾನ್ಸೆಲರ್‌ ಮಾಗರೆ ಕೃತಜ್ಞತೆ ಸಲ್ಲಿಸಿದರು. ಉಪಕುಲಪತಿ ಡಾ| ವಿಷ್ಣು ಮಗರೆ ಉಪಸ್ಥಿತರಿದ್ದರು.