ಅಂಡರ್‌ -14 ಫ್ರೆಂಡ್‌ಶಿಪ್‌ ಟ್ರೋಫಿ: ರಾಜ್ಸ್‌ ತಂಡಕ್ಕೆ ಪ್ರಶಸ್ತಿ,ದಿಯಾ ಬೆಸ್ಟ್‌ ಬೌಲರ್‌

Team Udayavani, Jun 18, 2019, 4:18 PM IST

ಮುಂಬಯಿ: ಕರ್ನಾಟಕ ಸ್ಟೇಟ್‌ ಕ್ರಿಕೆಟ್‌ ಅಸೋಸಿಯೇಶನ್‌ ಸ್ವಾಮ್ಯದ ಬೆಂಗಳೂರು -ಹಾಸನ ಕೋಲ್ಟ್Õ ಕ್ರಿಕೆಟ್‌ ಕ್ಲಬ್‌ ಆಯೋಜಿತ ಆಹ್ವಾನಿತ ಬೆಂಗಳೂರು-ಮುಂಬಯಿ “ಅಂಡರ್‌-14 ಟಿ-20 ಫ್ರೆಂಡ್‌ಶಿಪ್‌ ಟ್ರೋಫಿ’ಯನ್ನು ಥಾಣೆಯ ರಾಜ್ಸ್‌ ಕ್ರಿಕೆಟ್‌ ಅಕಾಡೆಮಿ ತಂಡವು ಗೆದ್ದುಕೊಂಡಿದೆ.

ಬೆಂಗಳೂರಿನ ವಿವಿಧ ಕ್ರೀಡಾಂಗಣದಲ್ಲಿ ಒಟ್ಟು ಎಂಟು ಪಂದ್ಯಗಳು ರಾಜ್ಸ್‌ ಕ್ರಿಕೆಟ್‌ ಅಕಾಡೆಮಿ ತಂಡವು ಆಡಿದ್ದು, ಆ ಪೈಕಿ 7 ಪಂದ್ಯಗಳಲ್ಲಿ ಜಯಗಳಿಸಿ ಫ್ರೆಂಡ್‌ಶಿಪ್‌ ಟ್ರೋಫಿಯನ್ನು ತನ್ನದಾಗಿಸಿಕೊಂಡಿದೆ. ಫ್ರೆಂಡ್‌ಶಿಪ್‌ ಟ್ರೋಫಿ ಸರಣಿಯಲ್ಲಿ ಬೆಸ್ಟ್‌ ಬೌಲರ್‌ ಪ್ರಶಸ್ತಿಯನ್ನು ರಾಜ್ಸ್‌ ಕ್ರಿಕೆಟ್‌ ಅಕಾಡೆಮಿಯ ದಿಯಾ ನವೀನ್‌ ಇನ್ನ ಹಾಗೂ ಬೆಸ್ಟ್‌ ಬ್ಯಾಟ್ಸ್‌ಮೆನ್‌ ಪ್ರಶಸ್ತಿಯನ್ನು ಕರಣ್‌ ಕುಮಾರ್‌ ಹಾಗೂ ಸರಣಿ ಶ್ರೇಷ್ಟ ಪ್ರಶಸ್ತಿಯನ್ನು ಜೋಗೆಂಧರ ಸಿಂಗ್‌ ಮತ್ತು ಅತೀ ಭರವಸೆಯ ಆಟಗಾರ ಪ್ರಶಸ್ತಿಯನ್ನು ಸಂಚಿತ್‌ ಲೋದಾ ಅವರು ಪಡೆದುಕೊಂಡರು.

ಸಮಾರೋಪ ಸಮಾರಂಭದಲ್ಲಿ ಸರಣಿಯಲ್ಲಿ ವಿಶೇಷ ಸಾಧನೆಗೈದ ಆಟಗಾರರಿಗೆ ಹಾಸನ ಕೋಲ್ಟ್Õ ಕ್ರಿಕೆಟ್‌ ಕ್ಲಬ್‌ನ ಕಾರ್ಯದರ್ಶಿ ಆಲೊ#àನ್ಸ್‌ ಗ್ಲಾನಿ ಅವರು ಟ್ರೋಫಿ, ಮೇಡಲ್‌ ಹಾಗೂ ಪ್ರಮಾಣ ಪತ್ರವನ್ನಿತ್ತು ಗೌರವಿಸಿದರು. ರಾಜ್ಸ್‌ ಕ್ರಿಕೆಟ್‌ ಅಕಾಡೆಮಿಯ ಆಟಗಾರರಾಗಿ ಮಂಟು ಕುಮಾರ್‌, ವಿಜಯ ಪಟೇಲ್‌, ಯೋಗೇಂದ್ರ ಸಿಂಗ್‌, ಓಜಸ್‌ ಪಾಟೀಲ್‌, ಸಂಚಿತ್‌ ಲೋದಾ, ಗೋಪಾಲ್‌ ಯಾಧವ್‌, ಸುಮಿತ್‌ ಗುಪ್ತಾ, ಸೋಹನ್‌ ಗೋರಿವಾಲ, ಪ್ರಿತೇಶ್‌ ಪಾಂಚಾಲ್‌, ಶ್ರವಣ್‌ ಶೆಟ್ಟಿ, ಪ್ರಗ್ನಿàಶ್‌ ವರನ್‌, ದಿಯಾ ನವೀನ್‌ ಇನ್ನ, ಕರಣ್‌ ಕುಮಾರ್‌, ಭರತ್‌ ಅಂಡ್ಲೆ, ಅಂಕಿತಾ ಚೌವಾಣ್‌ ಇವರು ಪಾಲ್ಗೊಂಡಿದ್ದರು. ರಾಜ್ಸ್‌ ಅಕಾಡೆಮಿಯ ಕೋಚ್‌ ಬಾಲಾ ಶೆಟ್ಟಿ ಅವರ ತರಭೇತಿಯಲ್ಲಿ ತಂಡವು ಭಾಗವಹಿಸಿತ್ತು.

ದಿಯಾ ನವೀನ್‌ ಇನ್ನ
ಸರಣಿಯಲ್ಲಿ ಬಾಲಕರ ತಂಡದ ಸದಸ್ಯೆಯಾಗಿ ಆಡಿರುವ ತುಳು-ಕನ್ನಡಿಗರಾದ ದಿಯಾ ನವೀನ್‌ ಇನ್ನ ಅವರು ಬೌಲಿಂಗ್‌ನಲ್ಲಿ ಗಮನಾರ್ಹ ಸಾಧನೆ ಮಾಡಿ ಎಲ್ಲರ ಪ್ರಶಂಸೆಗೆ ಪಾತ್ರರಾಗಿದ್ದಾರೆ. ಕಳೆದೊಂದು ವರ್ಷದಿಂದ ಥಾಣೆಯ ರಾಜ್ಸ್‌ ಕ್ರಿಕೆಟ್‌ ಅಕಾಡೆಮಿಯಲ್ಲಿ ಕನ್ನಡಿಗರಾದ ಬಾಲ ಶೆಟ್ಟಿ ಅವರಿಂದ ಕ್ರಿಕೆಟ್‌ ತರಭೇತಿಯನ್ನು ಪಡೆಯುತ್ತಿರುವ ದಿಯಾ ಇನ್ನಾ ಅವರು ಮುಂಬಯಿಯ ಆಜಾದ್‌ ಮೈದಾನದಲ್ಲಿ ಹಾಗೂ ಓವಲ್‌ ಮೈದಾನದಲ್ಲಿ ಜರಗಿದ ಧರಂವೀರ್‌ ಕ್ರಿಕೆಟ್‌ ಅಕಾಡೆಮಿಯ ಹಾಗೂ ದಿಲೀಪ್‌ ವೆಂಗ್‌ಸರ್ಕರ್‌ ಕ್ರಿಕೆಟ್‌ ಅಕಾಡೆಮಿ ತಂಡದ ವಿರುದ್ಧ ನಡೆದ ಪಂದ್ಯಗಳಲ್ಲೂ ಬೌಲಿಂಗ್‌ ಗಮನಾರ್ಹ ಸಾಧನೆ ಮಾಡಿದ್ದರು. ಇವರು ಮುಂಬಯಿ ಪತ್ರಕರ್ತ ನವೀನ್‌ ಇನ್ನಾ ಅವರ ಪುತ್ರಿ.

ಇಲ್ಲಿಯವರೆಗೂ ಏಷ್ಟೋ ದೈವ ದೇವರು ಜ್ಯೋತಿಷ್ಯರಲ್ಲಿ ಕೇಳಿ ಸರಿಯಾದ ಪರಿಹಾರ ಸಿಗದೆ ನೊಂದಿದ್ದರೆ.ಅಂತಃಹ ಯಾವುದೇ ಕಠಿಣ ಸಮಸ್ಯೆ ಗಳಿದ್ದರು ಉತ್ತಮ ಸಲಹೆ ಹಾಗೂ ಶಾಶ್ವತ ಪರಿಹಾರ ತಿಳಿಸುತ್ತಾರೆ.

ಇಂದೇ ಸಂಪರ್ಕಿಸಿ ಶ್ರೀ ಶ್ರೀ ಬಿ.ಎಚ್ ಆಚಾರ್ಯರು 8884889444

ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ