ಸಿಡ್ನಿ ಟೆನಿಸ್: ಮಹಿಳಾ ಸಿಂಗಲ್ಸ್ ಫೈನಲ್ಗೆ ಕೆರ್ಬರ್-ಬಾರ್ಟಿ
Team Udayavani, Jan 13, 2018, 12:04 PM IST
ಸಿಡ್ನಿ: ವಿಶ್ವದ ಮಾಜಿ ನಂ.1 ಆಟಗಾರ್ತಿ, ಜರ್ಮನಿಯ ಏಂಜೆಲಿಕ್ ಕೆರ್ಬರ್ ಮತ್ತು ತವರಿನ ಆ್ಯಶ್ಲಿ ಬಾರ್ಟಿ “ಸಿಡ್ನಿ ಇಂಟರ್ನ್ಯಾಶನಲ್ ಟೆನಿಸ್’ ಪಂದ್ಯಾವಳಿಯ ವನಿತಾ ಸಿಂಗಲ್ಸ್ ಫೈನಲ್ನಲ್ಲಿ ಸೆಣಸಾಡಲಿದ್ದಾರೆ.
ಶುಕ್ರವಾರದ ಸೆಮಿಫೈನಲ್ನಲ್ಲಿ ಅರ್ಹತಾ ಆಟಗಾರ್ತಿ ಕ್ಯಾಮಿಲಾ ಜಾರ್ಜಿ ವಿರುದ್ದ ಕೆರ್ಬರ್ 6-2, 6-3 ಅಂತರದ ಜಯ ಸಾಧಿಸಿದರು. ಇದಕ್ಕೂ ಮೊದಲು ನಡೆದ “ಆಲ್ ಆಸ್ಟ್ರೇಲಿಯನ್ ಸೆಮಿಫೈನಲ್’ನಲ್ಲಿ ನಿಧಾನ ಗತಿಯ ಆಟವಾಡಿದ ಆ್ಯಶ್ಲಿ ಬಾರ್ಟಿ 3-6, 6-4, 6-2 ಅಂತರದಿಂದ ಡರಿಯಾ ಗವ್ರಿಲೋವಾ ಅವರನ್ನು ಹಿಮ್ಮೆಟ್ಟಿಸಿದರು. ಪರಾಜಿತ ಕ್ಯಾಮಿಲಾ ಜಾರ್ಜಿ ಈ ಕೂಟದಲ್ಲಿ
ಅಮೋಘ ಪ್ರದರ್ಶನದೊಂದಿಗೆ ಮುನ್ನಡೆದಿದ್ದರು.
ಮೊದಲ ಸುತ್ತಿನಲ್ಲೇ ಯುಎಸ್ ಓಪನ್ ಚಾಂಪಿಯನ್ ಸ್ಲೋನ್ ಸ್ಟೀಫನ್ಸ್ಗೆ ಸೋಲುಣಿಸಿದ ಜಾರ್ಜಿ, ಬಳಿಕ 2 ಬಾರಿಯ ವಿಂಬಲ್ಡನ್ ವಿಜೇತೆ ಹಾಗೂ ಸಿಡ್ನಿಯ ಮಾಜಿ ಚಾಂಪಿಯನ್ ಪೆಟ್ರಾ ಕ್ವಿಟೋವಾ ಅವರನ್ನು ಮಣಿಸಿದರು. ಕ್ವಾರ್ಟರ್ ಫೈನಲ್ನಲ್ಲಿ ಅಗ್ನಿàಸ್ಕಾ ರಾಡ್ವಾಂಸ್ಕಾಗೆ ಆಘಾತವಿಕ್ಕಿದರು. ಆದರೆ ಸೆಮಿ ಸಮರದಲ್ಲಿ ಕೆರ್ಬರ್ ವಿರುದ್ದ ಜಾರ್ಜಿ ಆಟ ಸಾಗಲಿಲ್ಲ.
21ರ ಹರೆಯದ ಬಾರ್ಟಿ ಮೊದಲ ಸೆಟ್ ಕಳೆದುಕೊಂಡ ಬಳಿಕ ಲಯಕ್ಕೆ ಮರಳಿದರು. ಆದರೆ ಒಟ್ಟಾರೆಯಾಗಿ ಅವರ ಆಟ ನಿರೀಕ್ಷಿತ
ಮಟ್ಟದಲ್ಲಿರಲಿಲ್ಲ. ಇನ್ನೊಂದೆಡೆ ಗವ್ರಿಲೋವಾಗೆ ಈ ಕೂಟದಲ್ಲಿ ಒಟ್ಟು ಮೂವರು ಆಸ್ಟ್ರೇಲಿಯನ್ ಆಟಗಾರ್ತಿಯರು ಎದುರಾದಂತಾಯಿತು. ಮೊದಲ ಸುತ್ತಿನಲ್ಲಿ ಒಲಿವಿಯಾ ರೊಗೋವ್ಸ್ಕಾ ಅವರನ್ನು ಮಣಿಸಿದ ಗವ್ರಿಲೋವಾ, ದ್ವಿತೀಯ
ಸುತ್ತಿನಲ್ಲಿ ಸಮಂತಾ ಸ್ಟೋಸರ್ಗೆ ಸೋಲುಣಿಸಿದರು. ವಿಂಬಲ್ಡನ್ ಚಾಂಪಿಯನ್ ಗಾರ್ಬಿನ್ ಮುಗುರುಜಾ ಗಾಯಾಳಾಗಿ ಹಿಂದೆ ಸರಿದುದರಿಂದ ಸೆಮಿಫೈನಲ್ ಪ್ರವೇಶಿಸಿದ್ದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Election Commission: ಮೋದಿ, ರಾಹುಲ್ ವಿರುದ್ಧ ದೂರು: ಚುನಾವಣಾ ಆಯೋಗ ನೋಟಿಸ್
IPL: ಎಲ್ಲೆ ಮೀರಿ ವಿಕೆಟ್ ಸಂಭ್ರಮಾಚರಣೆಡೆಲ್ಲಿ ವೇಗಿ ರಸಿಕ್ ಸಲಾಂಗೆ ಛೀಮಾರಿ
IPL: ಇಂಪ್ಯಾಕ್ಟ್ ಪ್ಲೇಯರ್ ನಿಯಮಕ್ಕೆ ಅಕ್ಷರ್ ಪಟೇಲ್ ಕೂಡ ವಿರೋಧ
Politics: ನಾನು ಮನಸ್ಸು ಮಾಡಿದರೆ ರೆಡ್ಡಿಯನ್ನು ಬೆತ್ತಲೆ ನಿಲ್ಲಿಸುತ್ತೇನೆ; ಸಚಿವ ತಂಗಡಗಿ
Sumalatha Ambareesh: ಟ್ವೀಟ್ನಲ್ಲಿ ಸಂಸದೆ ಸುಮಲತಾ ಅಂಬರೀಶ್ ವಿವೇಕದ ಪಾಠ