ಇಟಲಿಯ ಹಳ್ಳಿಯಲ್ಲಿ ಕೊಹ್ಲಿ-ಅನುಷ್ಕಾ ಮದುವೆ!
Team Udayavani, Dec 10, 2017, 6:35 AM IST
ಮಿಲಾನ್: ಭಾರತ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಮತ್ತು ಬಾಲಿವುಡ್ ನಟಿ ಅನುಷ್ಕಾ ಶರ್ಮ ನಡುವಿನ ವಿವಾಹ ಡಿ.9ರಿಂದ 12ನೇ ತಾರೀಖೀನ ನಡುವೆ ಇಟಲಿಯ ಮಿಲಾನ್ನಲ್ಲಿ ನಡೆಯಲಿದೆ ಎಂಬ ಖಚಿತ ಸುದ್ದಿಯಿದೆ.
ಅತ್ಯಂತ ಖಾಸಗಿಯಾಗಿ ನಡೆಯುವ ವಿವಾಹಕ್ಕೆ ಕ್ರಿಕೆಟಿಗರು, ಬಾಲಿವುಡ್ ತಾರೆಯರಿಗೂ ಆಹ್ವಾನವಿರುವುದು ಅನುಮಾನ. ಆದರೂ ಕೊಹ್ಲಿ ಕಡೆಯಿಂದ ಸಚಿನ್ ತೆಂಡುಲ್ಕರ್, ಯುವರಾಜ್ ಸಿಂಗ್, ಅನುಷ್ಕಾ ಕಡೆಯಿಂದ ಶಾರೂಖ್ ಖಾನ್, ಅಮೀರ್ ಖಾನ್, ಆದಿತ್ಯ ಚೋಪ್ರಾ ಭಾಗವಹಿಸಲಿದ್ದಾರೆಂಬ ವರದಿಗಳಿವೆ. ಅಂತಹ ಕಾರ್ಯಕ್ರಮ ಎಲ್ಲಿ ನಡೆಯುತ್ತದೆ ಎಂಬ ಕುತೂಹಲವೇ? ಇಟಲಿ ರಾಜಧಾನಿ ರೋಮ್ ನಗರಕ್ಕೆ ಕೇವಲ 2 ಗಂಟೆ ಸನಿಹದಲ್ಲಿ ಹಳ್ಳಿಯೊಂದಿದೆ. ಅಲ್ಲಿ 800 ವರ್ಷಗಳ ಇತಿಹಾಸವಿರುವ ಹಳ್ಳಿಯೊಂದಿದೆ. ಅಲ್ಲಿನ ಸುಂದರ ರೆಸಾರ್ಟೊಂದನ್ನು ಸಂಪೂರ್ಣವಾಗಿ ಕೊಹ್ಲಿ ತಮ್ಮ ಮದುವೆಗಾಗಿ ನಿಗದಿಪಡಿಸಿದ್ದಾರೆ. ಐಷಾರಾಮಿ ಮದುವೆಗಳಿಗೆ ಬೇಕಾದ ಎಲ್ಲ ರೀತಿಯ ಸೌಲಭ್ಯವೂ ಇಲ್ಲಿರಲಿದೆ.