“ಆರ್ಜೆಂಟೀನಾ ಹಾಕಿ ಸರಣಿ ನಿರ್ಣಾಯಕ’
Team Udayavani, Jan 1, 2021, 11:19 PM IST
ಹೊಸದಿಲ್ಲಿ: ಆರ್ಜೆಂಟೀನಾ ವಿರುದ್ಧದ ಸರಣಿಯಲ್ಲಿ ಶ್ರೇಷ್ಠ ಪ್ರದರ್ಶನ ತೋರಿದರೆ ಟೋಕಿಯೊ ಒಲಿಂಪಿಕ್ಸ್ಗೆ ಅದೊಂದು ಉತ್ತಮ ಸಿದ್ಧತೆಯಾಗಲಿದೆ, ತಮ್ಮ ಆತ್ಮವಿಶ್ವಾಸ ವೃದ್ಧಿಸಲಿದೆ ಎಂದು ಭಾರತೀಯ ವನಿತಾ ಹಾಕಿ ತಂಡದ ನಾಯಕಿ ರಾಣಿ ರಾಮ್ಪಾಲ್ ಅಭಿಪ್ರಾಯಪಟ್ಟಿದ್ದಾರೆ.
ಕೊರೊನಾ ಪಿಡುಗಿನಿಂದ ಬಹುತೇಕ ಒಂದು ವರ್ಷ ಸ್ಥಗಿತ ಗೊಂಡಿದ್ದ ಭಾರತದ ಮಹಿಳಾ ಹಾಕಿ ತಂಡದ ಚಟುವಟಿಕೆ ಮುಂಬರುವ ಅರ್ಜೆಂಟೀನಾ ಪ್ರವಾಸದ ಮೂಲಕ ಪುನರಾರಂಭಗೊಳ್ಳಲಿದೆ. ಈ ಮೂಲಕ ಒಲಿಂಪಿಕ್ಸ್ಗೆ ರಾಣಿ ಬಳಗ ಸಜ್ಜುಗೊಳ್ಳಲಿದೆ.
ನಿರ್ಣಾಯಕ ಪ್ರದರ್ಶನ
“ಆರ್ಜೆಂಟೀನಾ ಎದುರು ನಾವು ತೋರುವ ಪ್ರದರ್ಶನ ನಿರ್ಣಾಯಕ ವಾಗಲಿದೆ. ದೀರ್ಘ ಸಮಯದ ಬಳಿಕ ನಾವು ಮೈದಾನಕ್ಕೆ ಇಳಿಯುತ್ತಿದ್ದೇವೆ. ನಮ್ಮ ದೈಹಿಕ ಸಾಮರ್ಥ್ಯ ಯಾವ ಮಟ್ಟದಲ್ಲಿದೆ ಎನ್ನುವುದು ಇಲ್ಲಿ ಸಾಬೀತಾಗುತ್ತದೆ. ಆದ್ದರಿಂದ ಈ ಸರಣಿಯಲ್ಲಿ ಭಾರತ ಮೇಲುಗೈ ಸಾಧಿಸಿದ್ದೇ ಆದರೆ ಒಲಿಂಪಿಕ್ಸ್ ಪದಕದ ಕನಸೊಂದನ್ನು ಕಾಣಬಹುದು’ ಎಂದು ರಾಣಿ ರಾಮ್ಪಾಲ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
“ಅಂತಾರಾಷ್ಟ್ರೀಯ ಟೂರ್ನಿಗೆ ಮರಳಲು ನಾವು ಉತ್ಸುಕರಾಗಿದ್ದೇವೆ. 2020 ನಿಜಕ್ಕೂ ಸವಾಲಿನ ವರ್ಷವಾಗಿತ್ತು. ಆದರೂ ರಾಷ್ಟ್ರೀಯ ಶಿಬಿರದಲ್ಲಿ ಅಭ್ಯಾಸ ಮುಂದು ವರಿಸಿದೆವು. ತಂಡದಲ್ಲಿ ಹಲವಾರು ಯುವ ಆಟಗಾರ್ತಿಯರಿದ್ದು, ಶ್ರೇಷ್ಠ ಪ್ರದರ್ಶನ ತೋರುವ ನಿರೀಕ್ಷೆಯಿದೆ’ ಎಂದರು.
ಆರ್ಜೆಂಟೀನಾ ವಿರುದ್ಧದ ಸರಣಿ ಜ. 17ರಿಂದ 31ರ ವರೆಗೆ ನಡೆಯಲಿದ್ದು, ಭಾರತ 8 ಪಂದ್ಯಗಳನ್ನಾಡಲಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Sumalatha Ambareesh: ಟ್ವೀಟ್ನಲ್ಲಿ ಸಂಸದೆ ಸುಮಲತಾ ಅಂಬರೀಶ್ ವಿವೇಕದ ಪಾಠ
B.S.Yediyurappa: ಶಾಸಕ ಪ್ರಭು ಚವ್ಹಾಣ ಹೆಸರು ಹೇಳುತ್ತಿದ್ದಂತೆ ಬಿಎಸ್ವೈ ಗರಂ
Shimoga: ಈಶ್ವರಪ್ಪ ಪರ ಪ್ರಚಾರ ನಡೆಸಿದ್ದ ಮಹಿಳೆ ಮೇಲೆ ಹಲ್ಲೆ- ದೂರು
Bramavara: “ನನ್ನನ್ನು ಕ್ಷಮಿಸಿ’ ಎಂದು ಹೇಳಿ ನಾಪತ್ತೆ
Bird flu: ಕೇರಳದಲ್ಲಿ ಹಕ್ಕಿಜ್ವರ ಭೀತಿ; ಚೆಕ್ಪೋಸ್ಟ್ಗಳಲ್ಲಿ ತಪಾಸಣೆ