ಆರ್ಜೆಂಟೀನಾ ಓಪನ್ ಸೆಶಿನಾಟೊ ಚಾಂಪಿಯನ್
Team Udayavani, Feb 19, 2019, 12:30 AM IST
ಬ್ಯೂನಸ್ ಐರಿಸ್: ಆರ್ಜೆಂಟೀನಾ ಓಪನ್ ಟೆನಿಸ್ ಕೂಟದ ಫೈನಲ್ನಲ್ಲಿ ಇಟಲಿಯ ಮಾರ್ಕೊ ಸೆಶಿನಾಟೊ ಸ್ಥಳೀಯ ಆಟಗಾರ ಡೀಗೊ ಶಾರ್ಟ್ಸ್ಮನ್ ವಿರುದ್ದ ಜಯ ಸಾಧಿಸಿ ಚಾಂಪಿಯನ್ ಆಗಿದ್ದಾರೆ.
ರವಿವಾರ ರಾತ್ರಿಯ ಮುಖಾಮುಖೀಯಲ್ಲಿ ಸೆಶಿನಾಟೊ 6-1, 6-2 ನೇರ ಸೆಟ್ಗಳಿಂದ ಶಾರ್ಟ್ಸ್ಮನ್ ಅವರನ್ನು ಪರಾಭವಗೊಳಿಸಿದರು.
ಒಂದು ಗಂಟೆಗಳ ಕಾಲ ನಡೆದ ಈ ಪಂದ್ಯದಲ್ಲಿ ಸುಲಭ ಜಯ ದಾಖಲಿಸಿದ ಸೆಶಿನಾಟೊ, ತಮ್ಮ ಎಟಿಪಿ ಪ್ರಶಸ್ತಿಗಳ ಸಂಖ್ಯೆಯನ್ನು ಮೂರಕ್ಕೆ ಏರಿಸಿಕೊಂಡರು. ಈ ಕೂಟದಲ್ಲಿ ಸೆಶಿನಾಟೊ ಒಂದೂ ಸೆಟ್ ಕಳೆದುಕೊಳ್ಳದೆ ಓಟಗೈದರು. ಕಳೆದ ವರ್ಷ ಅವರು ಉಮಾಗ್ ಹಾಗೂ ಬುಡಾಪೆಸ್ಟ್ ಕೂಟದಲ್ಲಿ ಜಯಿಸಿದ್ದರು.