ಏಶ್ಯನ್ ಕುಸ್ತಿ ಚಾಂಪಿಯನ್ಶಿಪ್:ಕಂಚು ಗೆದ್ದ ಆಶು, ಆದಿತ್ಯ ಕುಂಡು
Team Udayavani, Feb 20, 2020, 6:13 AM IST
ಹೊಸದಿಲ್ಲಿ: ಏಶ್ಯನ್ ಕುಸ್ತಿ ಚಾಂಪಿಯನ್ಶಿಪ್ನಲ್ಲಿ ಬುಧವಾರ ಭಾರತ 2 ಕಂಚಿನ ಪದಕ ಜಯಿಸಿದೆ. ಪುರುಷರ ಗ್ರೀಕೊ-ರೋಮನ್ ಸ್ಪರ್ಧೆಯ 67 ಕೆಜಿ ವಿಭಾಗದಲ್ಲಿ ಎ. ಆಶು ಮತ್ತು 72 ಕೆಜಿ ವಿಭಾಗದಲ್ಲಿ ಆದಿತ್ಯ ಕುಂಡು ಈ ಸಾಧನೆ ಮಾಡಿದರು.
ಆಶು ಸಿರಿಯಾದ ಅಬ್ದುಲ್ ಕರೀಂ ಮೊಹಮ್ಮದ್ ಅಲ್ ಹಸನ್ ಅವರನ್ನು 8-1ಅಂತರದಿಂದ ಮಣಿಸಿದರೆ, ಆದಿತ್ಯ ಕುಂಡು 8-0 ಅಂತರದಿಂದ ಜಪಾನಿನ ನಾವೊ ಕುಸಾಕ ಅವರನ್ನು ಮಣಿಸಿದರು. ಆದರೆ 60 ಕೆಜಿ ವಿಭಾಗದ ಕಂಚಿನ ಸ್ಪರ್ಧೆಯಲ್ಲಿ ಭಾರತದ ಗ್ಯಾನೇಂದರ್ ಪರಾಭವಗೊಂಡರು.ಇದರೊಂದಿಗೆ ಭಾರತ ಈ ಕೂಟದಲ್ಲಿ ಒಟ್ಟು 4 ಪದಕ ಗೆದ್ದಂತಾಗಿದೆ. ಮಂಗಳವಾರ ಸುನೀಲ್ ಕುಮಾರ್ ಚಿನ್ನ ಗೆದ್ದು ಇತಿಹಾಸ ನಿರ್ಮಿಸಿದ್ದರು.