ಎಟಿಪಿ ಫೈನಲ್ಸ್: ಜೊಕೋವಿಕ್ ಸೆಮಿಫೈನಲ್ ಪ್ರವೇಶ
Team Udayavani, Nov 16, 2018, 6:20 AM IST
ಲಂಡನ್: ವಿಶ್ವದ ಅಗ್ರಮಾನ್ಯ ಟೆನಿಸಿಗ ನೊವಾಕ್ ಜೊಕೋವಿಕ್ “ಎಟಿಪಿ ಫೈನಲ್ಸ್’ ಕೂಟದ ಸೆಮಿಫೈನಲ್ಗೆ ಲಗ್ಗೆ ಇರಿಸಿದ್ದಾರೆ. ಬುಧವಾರ ರಾತ್ರಿ ನಡೆದ “ಗುಸ್ತಾವೊ ಕುರ್ಟೆನ್’ ಗುಂಪಿನ ಲೀಗ್ ಸ್ಪರ್ಧೆಯಲ್ಲಿ ಅವರು ಜರ್ಮನಿಯ ಅಲೆಕ್ಸಾಂಡರ್ ಜ್ವೆರೇವ್ ವಿರುದ್ಧ 6-4, 6-1 ಅಂತರದ ಗೆಲುವು ಸಾಧಿಸಿದರು.
ಇನ್ನೊಂದು ಪಂದ್ಯದಲ್ಲಿ ಜಾನ್ ಇಸ್ನರ್ ಅವರನ್ನು ಮರಿನ್ ಸಿಲಿಕ್ 6-7 (2), 6-3, 6-4ರಿಂದ ಮಣಿಸುವುದರೊಂದಿಗೆ ಜೊಕೋವಿಕ್ ಅವರ ಸೆಮಿ ಪ್ರವೇಶ ಅಧಿಕೃತಗೊಂಡಿತು. ಇದರೊಂದಿಗೆ 2018 ಎಟಿಪಿ ಫೈನಲ್ಸ್ನಲ್ಲಿ ಉಪಾಂತ್ಯ ತಲುಪಿದ ಮೊದಲ ಆಟಗಾರನೆಂಬ ಹೆಗ್ಗಳಿಕೆ ಜೊಕೋವಿಕ್ ಅವರದಾಗಿದೆ. ಮೊದಲ ಪಂದ್ಯದಲ್ಲಿ ಅವರು ಇಸ್ನರ್ಗೆ ಸೋಲುಣಿಸಿದ್ದರು. ಕೊನೆಯ ಲೀಗ್ ಪಂದ್ಯದಲ್ಲಿ ಸಿಲಿಕ್ ವಿರುದ್ಧ ಸೆಣಸಲಿದ್ದಾರೆ.
ಜ್ವೆರೇವ್ ಈ ವಿಭಾಗದ ದ್ವಿತೀಯ ಸ್ಥಾನದಲ್ಲಿದ್ದಾರೆ. ಶುಕ್ರವಾರ ಇಸ್ನರ್ಗೆ ಸೋಲುಣಿಸಿದರೆ ಜ್ವೆರೇವ್ಗೆ ಸೆಮಿಫೈನಲ್ ಹಾದಿ ತೆರೆಯಲ್ಪಡಲಿದೆ. ಜ್ವೆರೇವ್ ಸೋತರೆ ಸಿಲಿಕ್ ಮತ್ತು ಇಸ್ನರ್ ಅವರಿಗೂ ಅವಕಾಶ ಎದುರಾಗಲಿದೆ. ಇಸ್ನರ್ ಈ ಕೂಟದಲ್ಲಿ ಆಡುತ್ತಿರುವುದು ಇದೇ ಮೊದಲು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Belagavi: ಕಣಕುಂಬಿ ಚೆಕ್ ಪೋಸ್ಟ್’ನಲ್ಲಿ ದಾಖಲೆಯಿಲ್ಲದ 7.98 ಲಕ್ಷ ರೂ ವಶಕ್ಕೆ
Inspiration: ಸ್ವಾಮಿ ಸ್ಮರಣಾನಂದ ಸೇವೆ ಎಲ್ಲರಿಗೂ ಸ್ಫೂರ್ತಿದಾಯಕ
Sandalwood: ಸ್ಟಾರ್ ಸಿನ್ಮಾಗಳ ರಿಲೀಸ್ ಟೆನ್ಶನ್: ಬಿಡುಗಡೆ ದಿನಾಂಕ ಘೋಷಣೆಗೂ ಮೀನಮೇಷ
Editorial: ಐಟಿ ಕಂಪೆನಿಗಳಿಗೆ ಆಹ್ವಾನ: ಕೇರಳದ ಬಾಲಿಶ ನಡೆ
Ballari: ಏ.12ರಂದು ಕೈ ಅಭ್ಯರ್ಥಿ ಈ.ತುಕಾರಾಂ ನಾಮಪತ್ರ ಸಲ್ಲಿಕೆ