ವೋಜ್ನಿಯಾಕಿ ಕ್ವಾರ್ಟರ್ಫೈನಲಿಗೆ
Team Udayavani, Jan 22, 2018, 1:02 PM IST
ಮೆಲ್ಬರ್ನ್: ದ್ವಿತೀಯ ಶ್ರೇಯಾಂಕದ ಕ್ಯಾರೋಲಿನ್ ವೋಜ್ನಿಯಾಕಿ, ಸ್ಪೇನ್ನ ಕಾರ್ಲಾ ಸೂರೆಜ್ ನವಾರೊ ಮತ್ತು ಬೆಲ್ಜಿಯಂನ ಎಲಿಸೆ ಮಾರ್ಟೆನ್ಸ್ ಅವರು ಆಸ್ಟ್ರೇಲಿಯನ್ ಓಪನ್ನ ವನಿತಾ ಸಿಂಗಲ್ಸ್ನಲ್ಲಿ ಕ್ವಾರ್ಟರ್ಫೈನಲ್ ಹಂತಕ್ಕೇರಿದ್ದಾರೆ.
ವೋಜ್ನಿಯಾಕಿ ಒಂದು ತಾಸಿಗಿಂತ ಮೊದಲೆ ಸ್ಲೊವಾಕಿಯಾದ ಮಗ್ಡಲೆನಾ ರಿಬರಿಕೋವಾ ಅವರನ್ನು 6-3, 6-0 ಸೆಟ್ಗಳಿಂದ ಸೋಲಿಸಿ ಅಂತಿಮ ಎಂಟರ ಸುತ್ತಿಗೇರಿದರು. 2012ರ ಬಳಿಕ ಅವರು ಕ್ವಾರ್ಟರ್ಫೈನಲಿಗೇರಿರುವುದು ಇದೇ ಮೊದಲ ಸಲವಾಗಿದೆ. ವೋಜ್ನಿಯಾಕಿ ಕ್ವಾರ್ಟರ್ಫೈನಲ್ನಲ್ಲಿ ಕಾರ್ಲಾ ಸೂರೆಜ್ ನವಾರೊ ಅವರ ಸವಾಲನ್ನು ಎದುರಿಸಲಿದ್ದಾರೆ.
ನವಾರೊ ಇನ್ನೊಂದು ಪಂದ್ಯದಲ್ಲಿ ಇಸ್ಟೋನಿಯನ್ನ ಅನೆಟ್ ಕೊಂಟವೇಟ್ ಅವರನ್ನು 4-6, 6-4, 8-6 ಸೆಟ್ಗಳಿಂದ ಸೋಲಿಸಿದರು. ಇದೊಂದು ಕಠಿನ ಪಂದ್ಯ ವಾಗಿತ್ತು. ಅವರು ನಿಜವಾಗಿಯೂ ಉತ್ತಮವಾಗಿ ಆಟ ಆರಂಭಿಸಿದ್ದರು. ಎಂದು ನವಾರೊ ಹೇಳಿದರು. ನವಾರೊ ಫ್ರೆಂಚ್ ಮತ್ತು ಯುಎಸ್ ಓಪನ್ನಲ್ಲೂ ಕ್ವಾರ್ಟರ್ಫೈನಲಿಗೇರಿದ್ದರು. ಆದರೆ ಅಲ್ಲಿಂದ ಮುನ್ನಡೆಯಲಿಲ್ಲ.
ಮಾಟೆನ್ಸ್ಗೆ ಗೆಲುವು
ಬೆಲ್ಜಿಯಂನ ಎಲಿಸೆ ಮಾರ್ಟೆನ್ಸ್ ಅವರು ಪೆಟ್ರಾ ಮಾರ್ಟಿಕ್ ಅವರನ್ನು ನೇರ ಸೆಟ್ಗಳಿಂದ ಕೆಡಹಿ ಕ್ವಾರ್ಟರ್ಫೈನಲ್ ತಲುಪಿದರು. 2012ರಲ್ಲಿ ಕಿಮ್ ಕ್ಲಿಸ್ಟರ್ ಬಳಿಕ ಇಲ್ಲಿ ಕ್ವಾರ್ಟರ್ಫೈನಲಿಗೇರಿದ ಬೆಲ್ಜಿಯಂನ ಮೊದಲ ಆಟಗಾರ್ತಿ ಎಂಬ ಹೆಗ್ಗಳಿಕೆಗೆ ಮಾರ್ಟೆನ್ಸ್ ಪಾತ್ರರಾಗಿದ್ದಾರೆ. ಶ್ರೇಯಾಂಕರಹಿತ ಆಟಗಾರ್ತಿಯಾಗಿರುವ ಮಾರ್ಟೆನ್ಸ್ ಅವರು 7-6 (7-4), 7-5 ಸೆಟ್ಗಳಿಂದ ಜಯ ಸಾಧಿಸಿ ಅಂತಿಮ ಎಂಟರ ಸುತ್ತಿಗೆ ಮುನ್ನಡೆದರು.
ಪೇಸ್-ರಾಜ ಜೋಡಿಗೆ ಸೋಲು
ಮೆಲ್ಬರ್ನ್: ಭಾರತದ ಲಿಯಾಂಡರ್ ಪೇಸ್ ಮತ್ತು ಪುರವ್ ರಾಜ ಅವರು ಆಸ್ಟ್ರೇಲಿ ಯನ್ ಓಪನ್ನ ಪುರುಷರ ಡಬಲ್ಸ್ನ ಪ್ರಿ-ಕ್ವಾರ್ಟರ್ಫೈನಲ್ ಹೋರಾಟದಲ್ಲಿ ನೇರ ಸೆಟ್ಗಳ ಸೋಲು ಕಂಡಿದ್ದಾರೆ.
ಈ ಹೋರಾಟ ದಲ್ಲಿ ಪೇಸ್-ರಾಜ ಅವರು ಕೊಲಂಬಿಯಾದ ಜುವಾನ್ ಸೆಬಾಸ್ಟಿಯನ್ ಕಬಾಲ್ ಮತ್ತು ರಾಬರ್ಟ್ ಫರಾಹ್ ಅವರೆದುರು 1-6, 2-6 ಸೆಟ್ಗಳಿಂದ ಪರಾಭವಗೊಂಡರು. ಶ್ರೇಯಾಂಕರಹಿತ ಆಟಗಾರರಾದ ಪೇಸ್-ರಾಜ ಒಂದು ತಾಸು ಮತ್ತು 9 ನಿಮಿಷಗಳವರೆಗೆ ಹೋರಾಡಿ ಕೊನೆಗೆ ಶರಣಾದರು.
ಪಂದ್ಯದಲ್ಲಿ ಐದು ಬಾರಿ ಬ್ರೇಕ್ ಪಾಯಿಂಟ್ ಸಿಕ್ಕಿದರೂ ಪೇಸ್ ಮತ್ತು ರಾಜ ಅದರ ಸುದಪಯೋಗ ಮಾಡಿಕೊಳ್ಳಲು ವಿಫಲರಾದರು. ಪೇಸ್-ರಾಜ ಅವರನ್ನು ಕೆಡಹಿದ ಕಬಾಲ್-ಫರಾಹ್ ಕ್ವಾರ್ಟರ್ಫೈನಲಿಗೇರಿದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Lok Sabha Election: ಮೋದಿಗೆ ಮತ ಕೇಳುವ ಹಕ್ಕಿಲ್ಲ: ಸಿದ್ದರಾಮಯ್ಯ
Heart beats; ಭಾರತದ ಹೃದಯ ಪಾಕಿಸ್ಥಾನದ ಯುವತಿಗೆ ಹೊಸ ಜೀವನ ನೀಡಿತು..
T20 World Cup; ಯಾರಿಲ್ಲ.. ಯಾರಿಲ್ಲ.. ವಿಶ್ವಕಪ್ ಗೆ ವೇಗದ ಬೌಲರ್ ಗಳು ಯಾರೆಲ್ಲಾ?
ನರಗುಂದ: ಸಮಾಜದಲ್ಲಿ ದೇವಸ್ಥಾನಗಳು ಭಕ್ತಿಯ ಸಂಗಮ- ಶಾಂತಲಿಂಗ ಸ್ವಾಮೀಜಿ
ಸಿನಿಮಾದಲ್ಲಿ ಖ್ಯಾತಿ, ಭಾರತೀಯರ ಪ್ರೀತಿಗಳಿಸಿದರೂ ಈ ಸೆಲೆಬ್ರಿಟಿಗಳು ಮತದಾನ ಹಕ್ಕು ಹೊಂದಿಲ್ಲ