ಐಪಿಎಲ್ ಫೈನಲ್: ಯಾವ ತಂಡಕ್ಕೆ ಎಷ್ಟು ಹಣ ಸಿಗಲಿದೆ? ಆರ್ ಸಿಬಿಗೆ ಸಿಗುವ ಮೊತ್ತವೆಷ್ಟು?

Team Udayavani, May 29, 2022, 4:23 PM IST

ಅಹಮದಾಬಾದ್: ಸುಮಾರು ಎರಡು ತಿಂಗಳ ವರ್ಣರಂಜಿತ ಕೂಟದ ಬಳಿಕ 2022ರ ಸಾಲಿನ ಐಪಿಎಲ್ ಕೂಟ ತನ್ನ ಅಂತಿಮ ಘಟ್ಟ ತಲುಪಿದೆ. ಇಂದು ಅಹಮದಾಬಾದ್ ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ಗುಜರಾತ್ ಟೈಟಾನ್ಸ್ ಮತ್ತು ರಾಜಸ್ಥಾನ ರಾಯಲ್ಸ್ ತಂಡಗಳು ಸೆಣಸಲಿದೆ.

ವಿಶ್ವದ ಅತ್ಯಂತ ಶ್ರೀಮಂತ ಟಿ 20 ಲೀಗ್ ಐಪಿಎಲ್ ನ ಫೈನಲ್‌ನ ಬಳಿಕ ಆರೆಂಜ್ ಕ್ಯಾಪ್, ಪರ್ಪಲ್ ಕ್ಯಾಪ್, ಎಮರ್ಜಿಂಗ್ ಪ್ಲೇಯರ್ ಮತ್ತು ಫೇರ್ ಪ್ಲೇಯರ್ ಸೇರಿದಂತೆ ಹಲವು ಪ್ರಶಸ್ತಿಗಳನ್ನು ನೀಡಲಾಗುವುದು. ಇದಲ್ಲದೆ, ವಿಜೇತ ಮತ್ತು ರನ್ನರ್ ಅಪ್ ತಂಡಗಳು ದೊಡ್ಡ ನಗದು ಬಹುಮಾನಗಳನ್ನು ಪಡೆಯುತ್ತವೆ.

ವಿಜೇತರು: ವಿಜೇತ ತಂಡವು ಐಪಿಎಲ್ ಚಾಂಪಿಯನ್ ಟ್ರೋಫಿಯೊಂದಿಗೆ ಬಿಸಿಸಿಐನಿಂದ  20 ಕೋಟಿ ರೂ. ನಗದು ಬಹುಮಾನವನ್ನು ಪಡೆಯುತ್ತದೆ.

ರನ್ನರ್ಸ್-ಅಪ್: ಎರಡನೇ ಸ್ಥಾನ ಪಡೆಯುವ ತಂಡವು 13 ಕೋಟಿ ರೂ ಪಡೆಯುತ್ತದೆ. ಕಳೆದ ವರ್ಷ ರನ್ನರ್ಸ್ ಅಪ್ ತಂಡಕ್ಕೆ 12.5 ಕೋಟಿ ರೂ ನೀಡಲಾಗುತ್ತು.

ಮೂರನೇ ಸ್ಥಾನ: ಕ್ವಾಲಿಫೈಯರ್ 2 ಸೋತ ತಂಡಕ್ಕೆ (ಆರ್‌ಸಿಬಿ) ಬಿಸಿಸಿಐ 7 ಕೋಟಿ ರೂ. ನಗದು ಬಹುಮಾನ ನೀಡಲಿದೆ.

ನಾಲ್ಕನೇ ಸ್ಥಾನ: ಎಲಿಮಿನೇಟರ್ ಸೋತ ತಂಡಕ್ಕೆ (ಎಲ್‌ಎಸ್‌ಜಿ) ಬಿಸಿಸಿಐ 6.5 ಕೋಟಿ ರೂ. ನಗದು ಬಹುಮಾನ ನೀಡಲಿದೆ.

ಆರೆಂಜ್ ಕ್ಯಾಪ್: ಹೆಚ್ಚು ರನ್ ಗಳಿಸಿದ ಬ್ಯಾಟ್ಸ್‌ಮನ್‌ಗೆ ಐಪಿಎಲ್ ಆರೆಂಜ್ ಕ್ಯಾಪ್ ಮತ್ತು ₹15 ಲಕ್ಷ ನಗದು ಬಹುಮಾನ ನೀಡಲಾಗುತ್ತದೆ.

ಪರ್ಪಲ್ ಕ್ಯಾಪ್: ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಗೆ ಪರ್ಪಲ್ ಕ್ಯಾಪ್ ಮತ್ತು 15 ಲಕ್ಷ ರೂ. ನಗದು ಬಹುಮಾನ ನೀಡಲಾಗುತ್ತದೆ.

ಉದಯೋನ್ಮುಖ ಆಟಗಾರ: ಈ ಪ್ರಶಸ್ತಿ ಪಡೆಯುವ ಆಟಗಾರನಿಗೆ 20 ಲಕ್ಷ ರೂ. ನಗದು ಬಹುಮಾನ ಸಿಗಲಿದೆ.

ಐಪಿಎಲ್ 2022 ರಲ್ಲಿ ಗರಿಷ್ಠ ಸಿಕ್ಸ್ ಪ್ರಶಸ್ತಿ: ವಿಜೇತರು 12 ಲಕ್ಷ ರೂ. ನಗದು ಬಹುಮಾನ ಪಡೆಯುತ್ತಾರೆ

ಸೀಸನ್‌ನ ಗೇಮ್ ಚೇಂಜರ್: ಸೀಸನ್‌ನ ಗೇಮ್ ಚೇಂಜರ್ ವಿಜೇತರು 12 ಲಕ್ಷ ರೂ. ನಗದು ಬಹುಮಾನವನ್ನು ಪಡೆಯುತ್ತಾರೆ.

ಋತುವಿನ ಸೂಪರ್ ಸ್ಟ್ರೈಕರ್: ಐಪಿಎಲ್ 2022 ರ ಋತುವಿನ ಸೂಪರ್ ಸ್ಟ್ರೈಕರ್ ವಿಜೇತರು 15 ಲಕ್ಷ ರೂ. ನಗದು ಬಹುಮಾನವನ್ನು ಪಡೆಯುತ್ತಾರೆ.

ಋತುವಿನ ಅತ್ಯಂತ ಮೌಲ್ಯಯುತ ಆಟಗಾರ: ವಿಜೇತರು 12 ಲಕ್ಷ ರೂ. ಬಹುಮಾನವನ್ನು ಪಡೆಯುತ್ತಾರೆ.

ಫೇರ್ ಪ್ಲೇ ಪ್ರಶಸ್ತಿ: ಋತುವಿನ ಉದ್ದಕ್ಕೂ ಫೇರ್ ಪ್ಲೇನಲ್ಲಿ ಗರಿಷ್ಠ ಅಂಕಗಳನ್ನು ಗಳಿಸಿದ ತಂಡವು ನಗದು ಬಹುಮಾನವನ್ನು ಸಹ ಪಡೆಯುತ್ತದೆ.