ಅಗ್ರಸ್ಥಾನಕ್ಕೆ ಚೆನ್ನೈ ಸೂಪರ್ ಕಿಂಗ್ಸ್-ಡೆಲ್ಲಿ ಕ್ಯಾಪಿಟಲ್ಸ್ ಫೈಟ್
Team Udayavani, Oct 4, 2021, 6:57 AM IST
ದುಬಾೖ: ಈಗಾಗಲೇ ಪ್ಲೇ ಆಫ್ ಸುತ್ತು ಪ್ರವೇಶಿಸಿರುವ ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ತಂಡಗಳು ಸೋಮವಾರ ಮುಖಾಮುಖಿಯಾಗಲಿವೆ.
ಇದು ಮೊದಲೆರಡು ಸ್ಥಾನ ದಲ್ಲಿರುವ ತಂಡಗಳ ನಡುವಿನ ಸ್ಪರ್ಧೆ. ಸದ್ಯ ಎರಡೂ ತಂಡಗಳು 12 ಪಂದ್ಯಗಳಲ್ಲಿ 9 ಜಯ ಸಾಧಿಸಿ 18 ಅಂಕ ಹೊಂದಿವೆ. ಆದರೆ ರನ್ರೇಟ್ನಲ್ಲಿ ಚೆನ್ನೈ ಮುಂದಿದೆ. ಹೀಗಾಗಿ ಈ ಪಂದ್ಯದಲ್ಲಿ ಯಾರೇ ಗೆದ್ದರೂ ಅಗ್ರಸ್ಥಾನವನ್ನು ಗಟ್ಟಿಗೊಳಿಸಿ ಎಲಿಮಿನೇಟರ್ ಸುತ್ತಿನ ಲಾಭವನ್ನು ಪಡೆಯಲಿದ್ದಾರೆ.
ಇದನ್ನೂ ಓದಿ:ಜಮ್ಮು – ಕಾಶ್ಮೀರ ಉರಿಯಲ್ಲಿ ಡ್ರಗ್ಸ್ ಸಾಗಾಟ?
ಗುರು ಶಿಷ್ಯರ ಕಾದಾಟ
ಗುರು ಶಿಷ್ಯರೆಂದೇ ಗುರುತಿ ಸಲ್ಪಡುವ ಧೋನಿ ಮತ್ತು ಪಂತ್ ತಂಡಗಳ ನಡುವಿನ ಈ ಕಾದಾಟ ಅಭಿಮಾನಿಗಳಲ್ಲಿ ತೀವ್ರ ಕುತೂಹಲ ಮೂಡಿಸಿದೆ. ವಾಂಖೇಡೆಯಲ್ಲಿ ನಡೆದ ಮೊದಲ ಮುಖಾಮುಖೀಯಲ್ಲಿ ಡೆಲ್ಲಿ 7 ವಿಕೆಟ್ ಗೆಲುವು ಸಾಧಿಸಿತ್ತು. ಧೋನಿ ಪಡೆ ಈ ಸೋಲಿನ ಸೇಡು ತೀರಿಸುವ ತವಕದಲ್ಲಿದೆ.