“ವಿದಾಯ ಪಂದ್ಯ’ದಲ್ಲಿ ಗೇಲ್‌ ಸ್ಫೋಟ

Team Udayavani, Aug 14, 2019, 10:47 PM IST

ಪೋರ್ಟ್‌ ಆಫ್ ಸ್ಪೇನ್‌: ಜಾಗತಿಕ ಕ್ರಿಕೆಟಿನ ಸಿಡಿಲಬ್ಬರದ ಬ್ಯಾಟ್ಸ್‌ಮನ್‌ ಕ್ರಿಸ್‌ ಗೇಲ್‌ ವಿಸ್ಫೋಟಕ ಇನ್ನಿಂಗ್ಸ್‌ ಮೂಲಕ ತಮ್ಮ ಕೊನೆಯ ಇನ್ನಿಂಗÕನ್ನು ಸ್ಮರಣೀಯಗೊಳಿಸಿದ್ದಾರೆ. ಭಾರತದೆದುರಿನ ಬುಧವಾರದ ಅಂತಿಮ ಏಕದಿನ ಪಂದ್ಯದಲ್ಲಿ ಗೇಲ್‌ 41 ಎಸೆತಗಳಿಂದ 72 ರನ್‌ ಬಾರಿಸಿ ವೆಸ್ಟ್‌ ಇಂಡೀಸಿಗೆ ಭರ್ಜರಿ ಆರಂಭ ಒದಗಿಸಿದರು.

ಆದರೆ ಇದು ತಮ್ಮ ಅಂತಿಮ ಪಂದ್ಯವೆಂದು ಗೇಲ್‌ ಅಧಿಕೃತವಾಗಿ ಘೋಷಿಸಿಲ್ಲ. ಪಂದ್ಯದ ಬಳಿಕ ನಿವೃತ್ತಿ ಘೋಷಣೆ ಮಾಡುವ ಸಾಧ್ಯತೆ ಇದೆ.

ಟಾಸ್‌ ಗೆದ್ದು ಮೊದಲು ಬ್ಯಾಟಿಂಗ್‌ ನಡೆಸುತ್ತಿರುವ ವಿಂಡೀಸ್‌ 22ನೇ ಓವರ್‌ ವೇಳೆ ಮಳೆ ಬಂದು ಪಂದ್ಯ ನಿಂತಾಗ 2 ವಿಕೆಟಿಗೆ 158 ರನ್‌ ಪೇರಿಸಿತ್ತು. ಶೈ ಹೋಪ್‌ 19, ಶಿಮ್ರನ್‌ ಹೆಟ್‌ಮೈರ್‌ 18 ರನ್‌ ಗಳಿಸಿ ಬ್ಯಾಟಿಂಗ್‌ ಕಾಯ್ದುಕೊಂಡಿದ್ದಾರೆ. ಸರಣಿಯನ್ನು ಸಮಬಲಕ್ಕೆ ತರಬೇಕಾದರೆ ಹೋಲ್ಡರ್‌ ಪಡೆ ಈ ಪಂದ್ಯವನ್ನು ಗೆಲ್ಲಲೇಬೇಕಿದೆ.

10.5 ಓವರ್‌ಗಳಲ್ಲಿ 115 ರನ್‌
ಎಡಗೈ ಆರಂಭಿಕರಾದ ಕ್ರಿಸ್‌ ಗೇಲ್‌-ಎವಿನ್‌ ಲೆವಿಸ್‌ ಸ್ಫೋಟಕ ಆಟದ ಮೂಲಕ ಭಾರತದ ಬೌಲಿಂಗ್‌ ಮೇಲೆ ಸವಾರಿ ಮಾಡಿದರು. ಭುವನೇಶ್ವರ್‌ ಅವರ ಮೊದಲ ಓವರನ್ನು ಗೇಲ್‌ ಮೇಡನ್‌ ಮಾಡಿದರೂ ಅನಂತರ ನೈಜ ಆಟಕ್ಕೆ ಕುದುರಿದರು. 8 ಬೌಂಡರಿ, 5 ಸಿಕ್ಸರ್‌ ಸಿಡಿಸಿ ಅಬ್ಬರಿಸಿದ್ರು. ಲೆವಿಸ್‌ ಗಳಿಕೆ 29 ಎಸೆತಗಳಿಂದ 43 ರನ್‌ (5 ಬೌಂಡರಿ, 3 ಸಿಕ್ಸರ್‌). ಚಹಲ್‌ ಮತ್ತು ಖಲೀಲ್‌ ಅಹ್ಮದ್‌ ಈ ವಿಕೆಟ್‌ ಉರುಳಿಸಿದರು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ