ಡೇವಿಸ್: ಆಸ್ಟ್ರೇಲಿಯ 2-1 ಮುನ್ನಡೆ
Team Udayavani, Sep 18, 2017, 6:20 AM IST
ಬ್ರುಸೆಲ್ಸ್: ಬೆಲ್ಜಿಯಂ ವಿರುದ್ಧ ನಡೆಯುತ್ತಿರುವ ಡೇವಿಸ್ ಕಪ್ ಸೆಮಿಫೈನಲ್ ಹೋರಾಟದಲ್ಲಿ 2-1 ಮುನ್ನಡೆ ಸಾಧಿಸಿರುವ ಆಸ್ಟ್ರೇಲಿಯ ತಂಡವು 14 ವರ್ಷಗಳ ಬಳಿಕ ಇದೇ ಮೊದಲ ಬಾರಿಗೆ ಫೈನಲಿಗೇರುವ ನಿರೀಕ್ಷೆಯಲ್ಲಿದೆ.
28 ಬಾರಿಯ ಚಾಂಪಿಯನ್ ಆಸ್ಟ್ರೇಲಿಯ ತಂಡವು ಫೈನಲ್ನಲ್ಲಿ 9 ಬಾರಿಯ ವಿಜೇತ ಫ್ರಾನ್ಸ್ ತಂಡವನ್ನು ಎದುರಿಸುವ ಸಾಧ್ಯತೆಯಿದೆ. ಫ್ರಾನ್ಸ್ ಇನ್ನೊಂದು ಸೆಮಿಫೈನಲ್ ಹೋರಾಟದಲ್ಲಿ ಸರ್ಬಿಯಾ ವಿರುದ್ಧ 2-1 ಮುನ್ನಡೆ ಸಾಧಿಸಿದೆ. ನಿಕೋಲಾಸ್ ಮಾಹುಟ್ ಮತ್ತು ಫೀರ್ರ ಹ್ಯೂಗ್ಸ್ ಹೆರ್ಬರ್ಟ್ ಅವರು ಸರ್ಬಿಯಾದ ನೆನಾದ್ ಜಿಮೊಂಜಿಕ್ ಮತ್ತು ಫಿಲಿಪ್ ಕ್ರ್ಯಾಜಿನೋವಿಕ್ ಅವರನ್ನು 6-1, 6-2, 7-6 (7-3) ನೇರ ಸೆಟ್ಗಳಿಂದ ಸೋಲಿಸಿದ್ದರಿಂದ ಫ್ರಾನ್ಸ್ 2-1 ಮುನ್ನಡೆ ಸಾಧಿಸುವಂತಾಯಿತು.
ಆಸ್ಟ್ರೇಲಿಯದ ಜೋರ್ಡಾನ್ ಥಾಮ್ಸನ್ ಮತ್ತು ಜಾನ್ ಪೀರ್ ಅವರು ಆರ್ಥರ್ ಡಿ ಗ್ರೀಫ್ ಮತ್ತು ರುಬೆನ್ ಬೆಮೆಲ್ಮಾÂನ್ಸ್ ಅವರನ್ನು 6-3, 6-4, 6-0 ನೇರ ಸೆಟ್ಗಳಿಂದ ಸೋಲಿಸಿದ್ದರಿಂದ ಆಸ್ಟ್ರೇಲಿಯ 2-1 ಮುನ್ನಡೆ ಸಾಧಿಸಿತಲ್ಲದೇ ಫೈನಲಿಗೇರುವ ಆಸೆಯನ್ನು ಜೀವಂತವಿರಿಸಿಕೊಂಡಿತು. ಆಸ್ಟ್ರೇಲಿಯ ಈ ಹಿಂದೆ 2003ರಲ್ಲಿ ಡೇವಿಸ್ ಕಪ್ ಜಯಿಸಿತ್ತು. ಲೇಟನ್ ಹೆವಿಟ್ ನೇತೃತ್ವದ ಆಸ್ಟ್ರೇಲಿಯ ತಂಡವು ಫೈನಲ್ನಲ್ಲಿ ಸ್ಪೇನ್ ತಂಡವನ್ನು ಸೋಲಿಸಿತ್ತು.
ಮೊದಲ ಮರು ಸಿಂಗಲ್ಸ್ನಲ್ಲಿ ನಿಕ್ ಕಿರ್ಗಿಯೋಸ್ ಅವರು ಡೇವಿಡ್ ಗೊಫಿನ್ ವಿರುದ್ಧ ಗೆದ್ದರೆ ಆಸ್ಟ್ರೇಲಿಯ ಫೈನಲಿಗೇರಲಿದೆ.
ಕಿರ್ಗಿಯೋಸ್ ಶುಕ್ರವಾರ ನಡೆದ ಮೊದಲ ಸಿಂಗಲ್ಸ್ನಲ್ಲಿ ಸ್ಟೀವ್ ಡಾರ್ಸಿಸ್ ಅವರನ್ನು 6-3, 3-6, 6-7 (5-7), 6-1, 6-2 ಸೆಟ್ಗಳಿಂದ ಸೋಲಿಸಿ ಆಸ್ಟ್ರೇಲಿಯಕ್ಕೆ 1-0 ಮುನ್ನಡೆ ಒದಗಿಸಿದ್ದರು. ಆದರೆ ಎರಡನೇ ಸಿಂಗಲ್ಸ್ನಲ್ಲಿ ಗೊಫಿನ್ ಅವರು ಜಾನ್ ಮಿಲ್ಮನ್ ಅವರನ್ನು 6-7 (4-7), 6-4, 6-3, 7-5 ಸೆಟ್ಗಳಿಂದ ಸೋಲಿಸಿದ್ದರಿಂದ ಹೋರಾಟ 1-1 ಸಮಬಲಗೊಂಡಿತ್ತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Kaup: ಎ.25ರಿಂದ ಕಳತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದಲ್ಲಿ ಬ್ರಹ್ಮಕಲಶೋತ್ಸವ, ನಾಗಮಂಡಲ
Malicious Calls; ಜ್ಞಾನವ್ಯಾಪಿ ಮಸೀದಿ ಸರ್ವೆ ತೀರ್ಪು ನೀಡಿದ್ದ ಜಡ್ಜ್ ಗೆ ಬೆದರಿಕೆ ಕರೆ
ಬಂಟರು ಹಾಗೂ ಬಿಲ್ಲವರು ಮೊಗವೀರರ ಎರಡು ಕಣ್ಣುಗಳಿದ್ದಂತೆ: ಕಿರಣ್ ಕುಮಾರ್ ಉದ್ಯಾವರ
Vote: ಬನ್ನಿ ಉತ್ತಮ ನಾಯಕನನ್ನು ಆಯ್ಕೆ ಮಾಡೋಣ
ಜ.26ರಂದು 2ನೇ ಹಂತದ ಚುನಾವಣೆ;ರಾಹುಲ್, ತರೂರ್, ಹೇಮಾ ಮಾಲಿನಿ ಹಲವು ಘಟಾನುಘಟಿಗಳು ಕಣದಲ್ಲಿ