ವಿಪರೀತ ಒತ್ತಡದಿಂದ ಬಿಲ್ಗಾರಿಕೆಯನ್ನೇ ತ್ಯಜಿಸಲು ಚಿಂತಿಸಿದ್ದೆ

ಕೆಲವೊಮ್ಮೆ ಅತ್ತಿದ್ದೆ, ಬಿಲ್ಗಾರಿಕೆ ಬದಲು ಬೇರೆ ಕ್ರೀಡೆಗೆ ಬದಲಾಯಿಸಿಕೊಳ್ಳಲೂ ಚಿಂತಿಸಿದ್ದೆ

Team Udayavani, Jan 23, 2020, 8:28 PM IST

ಪುಣೆ: ಮಾನಸಿಕ ಸ್ತಿಮಿತ ಸಾಧಿಸುವುದು ಬಹಳ ಕಷ್ಟದ ಸಂಗತಿ. ಇತ್ತೀಚೆಗೆ ಕ್ರೀಡಾಪಟುಗಳು ಮಾನಸಿಕ ಕಾರಣ ನೀಡಿ, ವಿಶ್ರಾಂತಿ ಪಡೆಯುವ ಬೆಳವಣಿಗೆ ಶುರುವಾಗಿದೆ. ಇಂತಹ ಪ್ರಕರಣಗಳು ನಡೆಯುತ್ತಿರುವಾಗಲೇ ಭಾರತದ ವಿಶ್ವವಿಖ್ಯಾತ ಬಿಲ್ಗಾರ್ತಿ ದೀಪಿಕಾ ಕುಮಾರಿ, ಮಹತ್ವದ ಸಂಗತಿಯೊಂದನ್ನು ಬಾಯ್ಬಿಟ್ಟಿದ್ದಾರೆ. ಬಿಲ್ಗಾರಿಕೆಯಲ್ಲಿ ಉಂಟಾದ ನಿರಂತರ ಒತ್ತಡದಿಂದ ಒಂದುಹಂತದಲ್ಲಿ ಕ್ರೀಡೆಯನ್ನೇ ಬದಲಿಸುವ ಬಗ್ಗೆ ಚಿಂತಿಸಿದ್ದೆ, ಕೆಲವು ಬಾರಿ ಒತ್ತಡ ತಡೆಯಲಾರದೆ ಅತ್ತಿದ್ದೆ ಎಂದು ದೀಪಿಕಾ ಹೇಳಿಕೊಂಡಿದ್ದಾರೆ.

ಬಿಲ್ಗಾರಿಕೆ ಸಂಪೂರ್ಣವಾಗಿ ಮನೋಬಲವನ್ನು ಆಧರಿಸಿರುವಂತಹ ಕ್ರೀಡೆ. ಸ್ವಲ್ಪ ವ್ಯತ್ಯಾಸವಾದರೂ ಪಂದ್ಯ ಕೈಬಿಟ್ಟಂತೆಯೇ ಸರಿ. ಈ ಹಿಂದೆಲ್ಲ ನಿರಂತರವಾಗಿ ಎದುರಾದ ಒತ್ತಡದಿಂದ ಒಬ್ಬಳೆ ಕುಳಿತು ಅತ್ತಿದ್ದೆ. ಕಡೆಗೊಮ್ಮೆ ಈ ಕ್ರೀಡೆಯನ್ನೇ ಬದಲಿಸಿ ಬೇರೆ ಕ್ರೀಡೆ ಆಯ್ದುಕೊಳ್ಳೋಣ ಎಂದೂ ಯೋಚಿಸಿದ್ದೆ ಎಂದು ದೀಪಿಕಾ ಹೇಳಿದ್ದಾರೆ.

ರಾಷ್ಟ್ರೀಯಮಟ್ಟದಲ್ಲಿ ನಡೆಯುವ ಅರ್ಹತಾಸುತ್ತು ಬಹಳ ಒತ್ತಡ ಮೂಡಿಸುತ್ತವೆ. ಹೊಸಬರು ಬಂದಿರುತ್ತಾರೆ. ಅವರಿಗೆ ಸೋತರೂ ಕಳೆದುಕೊಳ್ಳುವುದು ಏನಿರುವುದಿಲ್ಲ. ಆದ್ದರಿಂದ ತಲೆ ಕೆಡಿಸಿಕೊಳ್ಳದೇ ಬಾಣ ಬಿಡುತ್ತಾರೆ. ಅದೇ ರೀತಿ ನಾವು ಮಾಡಲು ಸಾಧ್ಯವಿಲ್ಲ. ನಮ್ಮ ಮೇಲೆ ನಾವು ಗಳಿಸಿದ ಅರ್ಹತೆಯನ್ನು ಉಳಿಸಿಕೊಳ್ಳುವ ಒತ್ತಡವಿರುತ್ತದೆ.

ಅಂತಹಸ್ಥಿತಿಯಲ್ಲಿ ಯುವಕರ ಸ್ಪರ್ಧೆಯನ್ನು ನೋಡಿದಾಗ ಬಹಳ ಒತ್ತಡದ ಅನುಭವವಾಗುತ್ತದೆ ಎಂದು ದೀಪಿಕಾ ಹೇಳಿದ್ದಾರೆ.

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ