ಧನಂಜಯ ಡಿ’ ಸಿಲ್ವ,ಟಾಮ್‌ ಲ್ಯಾಥಂ ಶತಕದಾಟ

Team Udayavani, Aug 25, 2019, 5:09 AM IST

ಕೊಲಂಬೊ: ತೀವ್ರ ಮಳೆಯಿಂದ ಅಡಚಣೆಗೊಳಗಾಗಿರುವ ಕೊಲಂಬೊ ಟೆಸ್ಟ್‌ ಪಂದ್ಯದ 3ನೇ ದಿನದಾಟದಲ್ಲಿ ಅವಳಿ ಶತಕ ದಾಖಲಾಗಿದೆ. ಲಂಕೆಯ ಧನಂಜಯ ಡಿ’ಸಿಲ್ವ ಮತ್ತು ನ್ಯೂಜಿಲ್ಯಾಂಡಿನ ಟಾಮ್‌ ಲ್ಯಾಥಂ ಸೆಂಚುರಿ ಬಾರಿಸಿ ಮೆರೆದರು.

ಶ್ರೀಲಂಕಾದ 244 ರನ್ನುಗಳ ಮೊದಲ ಇನ್ನಿಂಗ್ಸಿಗೆ ಜವಾಬು ನೀಡುತ್ತಿರುವ ನ್ಯೂಜಿಲ್ಯಾಂಡ್‌, ಶನಿವಾರದ ಆಟದ ಅಂತ್ಯಕ್ಕೆ 4 ವಿಕೆಟ್‌ ಕಳೆದುಕೊಂಡು 196 ರನ್‌ ಪೇರಿಸಿದೆ. ಆರಂಭಕಾರ ಲ್ಯಾಥಂ 111 ರನ್‌ ಬಾರಿಸಿ ಬ್ಯಾಟಿಂಗ್‌ ಕಾಯ್ದುಕೊಂಡಿದ್ದಾರೆ. ಇದು ಅವರ 10ನೇ ಟೆಸ್ಟ್‌ ಸೆಂಚುರಿ. 184 ಎಸೆತ ಎದುರಿಸಿರುವ ಲ್ಯಾಥಂ, 10 ಬೌಂಡರಿ ಹೊಡೆದಿದ್ದಾರೆ. ಇವರೊಂದಿಗೆ ಕ್ರೀಸಿನಲ್ಲಿರು ವವರು 25 ರನ್‌ ಮಾಡಿರುವ ಬ್ರಾಡ್ಲಿ ವಾಟಿÉಂಗ್‌.

ಶ್ರೀಲಂಕಾ 6ಕ್ಕೆ 144 ರನ್‌ ಮಾಡಿದಲ್ಲಿಂದ ದಿನದಾಟ ಮುಂದುವರಿಸಿತ್ತು. 32 ರನ್‌ ಮಾಡಿ ಬ್ಯಾಟಿಂಗ್‌ ಕಾಯ್ದುಕೊಂಡಿದ್ದ ಧನಂಜಯ ಡಿ’ಸಿಲ್ವ ಅತ್ಯಂತ ಜವಾಬ್ದಾರಿಯುತವಾಗಿ ಆಡಿ 5ನೇ ಶತಕ ಸಂಭ್ರಮವನ್ನಾಚರಿಸಿದರು. ಅವರ ಕೊಡುಗೆ 109 ರನ್‌. 148 ಎಸೆತಗಳ ಈ ಇನ್ನಿಂಗ್ಸ್‌ನಲ್ಲಿ 16 ಬೌಂಡರಿ, 2 ಸಿಕ್ಸರ್‌ ಸೇರಿತ್ತು. ಅವರು ಅಂತಿಮ ವಿಕೆಟ್‌ ರೂಪದಲ್ಲಿ ಬೌಲ್ಟ್ ಗೆ ಬೌಲ್ಡ್‌ ಆದರು.

ಸಂಕ್ಷಿಪ್ತ ಸ್ಕೋರ್‌: ಶ್ರೀಲಂಕಾ-244 (ಧನಂಜಯ 109, ಕರುಣರತ್ನೆ 65, ಮೆಂಡಿಸ್‌ 32, ಸೌಥಿ 63ಕ್ಕೆ 4, ಬೌಲ್ಟ್ 75ಕ್ಕೆ 3). ನ್ಯೂಜಿಲ್ಯಾಂಡ್‌-4 ವಿಕೆಟಿಗೆ 196 (ಲ್ಯಾಥಂ ಬ್ಯಾಟಿಂಗ್‌ 111, ವಾಟಿÉಂಗ್‌ ಬ್ಯಾಟಿಂಗ್‌ 25, ಟೇಲರ್‌ 23, ಡಿ. ಪೆರೆರ 76ಕ್ಕೆ 2).

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ