ಮೊದಲ ಡೇ ನೈಟ್ ಪಂದ್ಯಕ್ಕೆ ಮಹೇಂದ್ರ ಸಿಂಗ್ ಧೋನಿ ಕಮೆಂಟೇಟರ್ ?
Team Udayavani, Nov 5, 2019, 3:13 PM IST
ಕೋಲ್ಕತ್ತಾ: ಟೀಂ ಇಂಡಿಯಾ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರು ಕಮೆಂಟೇಟರ್ ಆಗಲಿದ್ದಾರೆಯೇ? ಅದೂ ಕೂಡಾ ಇದೇ ತಿಂಗಳ ಅಂತ್ಯದಲ್ಲಿ ಬಾಂಗ್ಲಾ ವಿರುದ್ಧ ನಡೆಯಲಿರುವ ಡೇ ನೈಟ್ ಪಂದ್ಯಕ್ಕೆ ? ಹೌದು ಎನ್ನುತ್ತಿದೆ ವರದಿ.
ಈಡನ್ ಗಾರ್ಡನ್ ನಲ್ಲಿ ಭಾರತದ ಮೊದಲ ಹಗಲು ರಾತ್ರಿ ಪಂದ್ಯ ನವೆಂಬರ್ 22ರಿಂದ ಆರಂಭವಾಗಲಿದೆ. ಈ ಪಂದ್ಯಕ್ಕೆ ಮಹೇಂದ್ರ ಸಿಂಗ್ ಧೋನಿ ಅವರನ್ನು ಅತಿಥಿ ವೀಕ್ಷಕ ವಿವರಣೆಗಾರರನ್ನಾಗಿ ಕರೆತರಲು ಯೋಜನೆ ಹಾಕಲಾಗಿದೆ ಎಂದು ವರದಿಯಾಗಿದೆ.
ನೇರ ಪ್ರಸಾರದ ಹಕ್ಕು ಪಡೆದಿರುವ ಖಾಸಗಿ ವಾಹಿನಿಯು ಈ ಬಗ್ಗೆ ಬಿಸಿಸಿಐ ಜೊತೆ ಮಾತುಕತೆ ನಡೆಸಿದ್ದು, ಪಂದ್ಯದ ಮೊದಲ ಎರಡು ದಿನ ಧೋನಿಯವರನ್ನು ಕಮೇಂಟೇಟರ್ ಆಗಿ ಮಾಡಲು ಯೋಚಿಸಿದೆ.
ಎಲ್ಲಾ ಅಂದುಕೊಂಡಂತೆ ಆದರೆ ಇದೇ ಮೊದಲ ಬಾರಿಗೆ ಧೋನಿಯ ಕಮೆಂಟ್ರಿ ಜೊತೆಗೆ ಟೆಸ್ಟ್ ಅನುಭವಗಳನ್ನು ಕೇಳುವ ಭಾಗ್ಯ ಅಭಿಮಾನಿಗಳಿಗೆ ಸಿಗಲಿದೆ.