Udayavni Special

ನಿವೃತ್ತಿ ವಿಚಾರ‌: ಧೋನಿ ನಡೆ ಇನ್ನಷ್ಟು ನಿಗೂಢ!

ಏನನ್ನೂ ಹೇಳದೆ ಒಗಟಾಗಿಯೇ ಉಳಿದಿರುವ ಮಾಜಿ ನಾಯಕ ಬಿಸಿಸಿಐ ಸೇರಿ ಎಲ್ಲರಿಗೂ ಗೊಂದಲ!

Team Udayavani, Oct 27, 2019, 5:26 AM IST

MS-d

ಹೊಸದಿಲ್ಲಿ: ಧೋನಿ ಎಂಬ ಹೆಸರು ಭಾರತ ಕ್ರೀಡಾವಲಯದಲ್ಲಿ ಒಂದು ಮಾಂತ್ರಿಕ ಶಕ್ತಿ. ಅವರನ್ನು ದಾಖಲೆಗಳಿಂದ ಅಳೆಯಲು ಸಾಧ್ಯವಿಲ್ಲ. ದಾಖಲೆಗಳನ್ನೇ ನೋಡಿದರೆ ಆಡಿರುವ ಪಂದ್ಯಗಳು, ಗಳಿಸಿರುವ ರನ್‌, ಬಾರಿಸಿರುವ ಶತಕ ಬಹಳ ಜಾಸ್ತಿಯೇನಿಲ್ಲ. ಆದರೆ ನಾಯಕನಾಗಿ ಅವರು ಮೂಡಿಸಿರುವ ಸಂಚಲನ, ಅವರು ನೀಡಿದ ಫ‌ಲಿತಾಂಶ ಅಗಾಧ.

ಸತತ 15 ವರ್ಷಗಳ ಕಾಲ ನಿರಂತರವಾಗಿ ಭಾರತ ಕ್ರಿಕೆಟ್‌ ತಂಡದ ಪರ ಆಡಿರುವ ಅವರೀಗ ನಿವೃತ್ತಿಯ ಸನಿಹದಲ್ಲಿದ್ದಾರೆ. ಅದಕ್ಕೆ ಒಂದೋ ಎರಡೋ ಹೆಜ್ಜೆಯಷ್ಟೇ ಬಾಕಿ. ಆದರೆ ಈ ನಿವೃತ್ತಿ ಈಗ ವಿವಾದದ ಸ್ವರೂಪ ಪಡೆದಿದೆ.

ತಂಡದ ಮುಂದೆ ಕಷ್ಟದ ನಿರ್ಧಾರ
ಅವರು ಯಾವಾಗ ನಿವೃತ್ತಿಯಾಗುತ್ತಾರೆ ಎನ್ನುವುದು ಯಾರಿಗೂ ಗೊತ್ತಿಲ್ಲ. ಆ ಬಗ್ಗೆ ಧೋನಿಯೂ ಖಚಿತವಾಗಿ ಮಾತನಾಡದೆ ಎಲ್ಲರನ್ನೂ ಗೊಂದಲದಲ್ಲಿಟ್ಟಿದ್ದಾರೆ. ಒಂದು ವೇಳೆ ತಂಡಕ್ಕೆ ಮರಳುತ್ತೇನೆಂದು ಧೋನಿ ಅಧಿಕೃತವಾಗಿ ಹೇಳಿದರೆ ಅವರಿಗೆ ಮತ್ತೆ ಅವಕಾಶ ಸಿಗಲಿದೆಯೇ? ಅಥವಾ ಅವರನ್ನು ಮುಂದುವರಿಸದಿರುವ ಗಟ್ಟಿ ನಿರ್ಧಾರವನ್ನು ಆಯ್ಕೆ ಸಮಿತಿ ಮಾಡುವುದೇ? ಅವರಿಗೆ ಮುಂದಿನ ಟಿ20 ವಿಶ್ವಕಪ್‌ನಲ್ಲಿ ಆಡುವ ಅವಕಾಶ ಲಭಿಸೀತೇ? ಇವೆಲ್ಲ ಸದ್ಯದ ಪ್ರಶ್ನೆಗಳು. ಈ ಪ್ರಶ್ನೆಗಳೇ ಈಗ ವಿವಾದಕ್ಕೆ ಕಾರಣವಾಗಿರುವುದು.

ಅಭಿಪ್ರಾಯ ಖಚಿತಪಡಿಸದ ಧೋನಿ
ಧೋನಿ ಏನನ್ನೂ ಖಚಿತಪಡಿಸದಿರುವು ದರಿಂದ ಅವರ ಬಗ್ಗೆ ಯಾವುದೇ ನಿರ್ಧಾರಕ್ಕೆ ಬರಲು ಬಿಸಿಸಿಐಗೆ ಸಾಧ್ಯವಾಗುತ್ತಿಲ್ಲ. ಅವರ ಅಭಿಪ್ರಾಯ ಖಚಿತಪಡಿಸಿದರೆ, ಉಳಿಸಿಕೊಳ್ಳು ವುದೋ, ಬಿಡುವುದೋ ಎಂದು ಎರಡರಲ್ಲಿ ಒಂದು ನಿರ್ಧಾರ ತೆಗೆದುಕೊಳ್ಳಬಹುದು. ಆ ರೀತಿ ನಡೆದಿಲ್ಲ, ಆದ್ದರಿಂದ ಪ್ರತೀ ಬಾರಿ ತಂಡದ ಆಯ್ಕೆಯಾದಾಗ ಧೋನಿ ಕತೆ ಏನು ಎಂಬ ಪ್ರಶ್ನೆ ಉದ್ಭವಿಸುತ್ತದೆ.

ಧೋನಿ ನಾಯಕರಾಗಿದ್ದಾಗ ಹಿರಿಯ ಕ್ರಿಕೆಟಿ ಗರನ್ನು ಲಯದ ಕೊರತೆಯ ಕಾರಣ ಹೇಳಿ, ಮುಲಾಜಿಲ್ಲದೇ ತಂಡದಿಂದ ದೂರವಿಡ ಲಾಗಿತ್ತು. ಈಗ ಅದೇ ನಿಯಮ ಧೋನಿಗೆ ಯಾಕೆ ಅನ್ವಯವಾಗುವುದಿಲ್ಲ? ಸ್ವತಃ ಧೋನಿ ಯಾಕೆ ತಮ್ಮದೇ ಆದರ್ಶ ಪಾಲಿಸುತ್ತಿಲ್ಲ? 38 ವರ್ಷವಾದ ಮೇಲೂ ಧೋನಿ ಯಾಕೆ ನಿವೃತ್ತಿ ಹೇಳುತ್ತಿಲ್ಲ ಎಂದು ಒಂದು ವರ್ಗ ಬಲವಾಗಿ ಪ್ರಶ್ನಿಸುತ್ತಿದೆ.

ವೇತನ ಸಹಿತ ರಜೆ
ಆದರೆ ಆಯ್ಕೆ ಸಮಿತಿ ಸಂದಿಗ್ಧದಲ್ಲಿದೆ. ಇದಕ್ಕೆ ಕಾರಣವೂ ವಿಚಿತ್ರ. ಧೋನಿ ನಿವೃತ್ತಿ ಹೇಳಿಲ್ಲ, ಹಾಗಂತ ತಂಡದಲ್ಲೂ ಇಲ್ಲ. ಬದಲಿಗೆ ವೇತನಸಹಿತ ರಜೆ ಪಡೆದುಕೊಂಡಿದ್ದಾರೆ. ತಾನು ಆಯ್ಕೆಗೆ ಲಭ್ಯವಿಲ್ಲ ಎಂದು ಅವರೇ ಘೋಷಿಸಿದ್ದಾರೆ. ಅಲ್ಲಿಗೆ ಅವರನ್ನು ಆಯ್ಕೆ ಮಾಡುವುದೋ, ಬಿಡುವುದೋ ಎಂಬ ಪ್ರಶ್ನೆ ಮಂಡಳಿಗಿಲ್ಲ. ಒಂದು ವೇಳೆ ಅವರು ತಂಡಕ್ಕೆ ಮರಳುತ್ತೇನೆಂದು ಹೇಳಿದರೆ ಯಾರನ್ನು ಕೈಬಿಡುವುದು? ಆಯ್ಕೆ ಸಮಿತಿ ಅಧ್ಯಕ್ಷ ಪ್ರಸಾದ್‌, “ಧೋನಿ ನಮ್ಮ ಆದ್ಯತೆಯಲ್ಲ’ ನೇರವಾಗಿ ಹೇಳಿದ್ದಾರೆ. ಎಂದಿದ್ದಾರೆ. ತಂಡದ ನಾಯಕ ಕೊಹ್ಲಿ, ತರಬೇತುದಾರ ರವಿಶಾಸಿŒ ಮಾತ್ರ ಧೋನಿಯ ಬೆಂಬಲಕ್ಕಿದ್ದಾರೆ!

ನಿವೃತ್ತಿ ನಿರ್ಧಾರ ಸುಲಭವಲ್ಲ
ಧೋನಿ ನಿವೃತ್ತಿ ನಿರ್ಧಾರಕ್ಕೆ ಬರುವುದು ಹೇಳಿದಷ್ಟು ಸುಲಭವಿಲ್ಲ. ಇದಕ್ಕೆ ಕಾರಣ ಕೋಟ್ಯಂತರ ರೂ. ಜಾಹೀರಾತು ಒಪ್ಪಂದ. ಒಮ್ಮೆ ಅವರು ಆಡುವುದು ನಿಲ್ಲಿಸಿದರೆ, ಕೂಡಲೇ ಅವರ ಜನಪ್ರಿಯತೆ ತಗ್ಗುತ್ತದೆ. ಆಗ ಅವರ ಜಾಹೀರಾತು ನೀಡುವ ಉತ್ಪನ್ನಗಳಿಗೆ ಹೇಳಿಕೊಂಡಷ್ಟು ಪ್ರಚಾರ ಸಿಗುವುದಿಲ್ಲ. ಆದ್ದರಿಂದ ನಿವೃತ್ತಿಯನ್ನು ಸಾಧ್ಯವಾದಷ್ಟು ಕಾಲ ಮುಂದೂಡಬೇಕಾದ ಒತ್ತಡವೂ ಅವರ ಮೇಲಿರುತ್ತದೆ.

ಧೋನಿ ಭವಿಷ್ಯ ಗಂಗೂಲಿ ಕೈಯಲ್ಲಿ!
ವಿಡಂಬನೆ, ವಿಪರ್ಯಾಸ… ಏನು ಬೇಕಾದರೂ ಹೇಳಬಹುದು. ಗಂಗೂಲಿ ಭಾರತ ಕ್ರಿಕೆಟ್‌ ತಂಡದಿಂದ ಹೊರಬೀಳಲು ಧೋನಿಯೇ ಕಾರಣ. ಈ ಬಗ್ಗೆ ಧೋನಿಯ ಸಿನಿಮಾದಲ್ಲೂ ಪರೋಕ್ಷ ಉಲ್ಲೇಖವಿದೆ. ಗಂಗೂಲಿ ಒಂದು ಹಂತದಲ್ಲಿ, ಕೆಲವರಿಗೆ ಕ್ರಿಕೆಟ್‌ಗಿಂತ ತಮ್ಮ ಕೂದಲಿನ ಬಗ್ಗೆಯೇ ಕಾಳಜಿ ಎಂದು ಧೋನಿಯನ್ನು ಟೀಕಿಸಿದ್ದನ್ನು ಇಲ್ಲಿ ನೆನಪಿಸಿಕೊಳ್ಳಬಹುದು.

ಈಗ ಧೋನಿ ನಿವೃತ್ತಿ ಹೇಳುವ ಹಂತದಲ್ಲಿ ಬಿಸಿಸಿಐಗೆ ಗಂಗೂಲಿ ಅಧ್ಯಕ್ಷರಾಗಿದ್ದಾರೆ. ಧೋನಿಯ ಭವಿಷ್ಯ ನಿರ್ಧರಿಸುವ ನೇರ ಅಧಿಕಾರ ಗಂಗೂಲಿ ಕೈಯಲ್ಲಿದೆ. ಒಂದುವೇಳೆ ಧೋನಿಯ ಆಟ ಇನ್ನು ಸಾಕು ಎಂದು ಗಂಗೂಲಿ ನಿರ್ಧರಿಸಿದರೆ, ಮರುಮಾತಿಲ್ಲದೇ ಧೋನಿ ವಿದಾಯ ಹೇಳಬೇಕಾಗುತ್ತದೆ!

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಕೋವಿಡ್ ಅಸ್ಪೃಶ್ಯತೆ ವಿರುದ್ಧ ಪ್ರತಿಜ್ಞೆ ; ಸೋಂಕು ಪೀಡಿತರ ಅವಗಣನೆ ಮಾಡದಿರಲು ಹೊಸ ಯತ್ನ

ಕೋವಿಡ್ ಅಸ್ಪೃಶ್ಯತೆ ವಿರುದ್ಧ ಪ್ರತಿಜ್ಞೆ ; ಸೋಂಕು ಪೀಡಿತರ ಅವಗಣನೆ ಮಾಡದಿರಲು ಹೊಸ ಯತ್ನ

ನಗರ ಆಸ್ತಿ ತೆರಿಗೆ ಸಲ್ಲಿಕೆಗೆ ಜುಲೈ 31ರವರೆಗೂ ಅವಕಾಶ

ನಗರ ಆಸ್ತಿ ತೆರಿಗೆ ಸಲ್ಲಿಕೆಗೆ ಜುಲೈ 31ರವರೆಗೂ ಅವಕಾಶ

ಕಾಂಗ್ರೆಸ್ ಮನಸ್ಥಿತಿ ದಾಸ್ಯದ್ದು: ಎಸ್.ಆರ್. ವಿಶ್ವನಾಥ್ ಲೇವಡಿ

ಕಾಂಗ್ರೆಸ್ ಮನಸ್ಥಿತಿ ದಾಸ್ಯದ್ದು: ಎಸ್.ಆರ್. ವಿಶ್ವನಾಥ್ ಲೇವಡಿ

ಎಲ್ಲಾ ಯೋಜನೆಗಳಿಗೆ ನೆಹರೂ, ಗಾಂಧಿ ಹೆಸರನ್ನೇ ಇಡೋಕಾಗುತ್ತಾ?: ಸಚಿವ ಅಶೋಕ್ ತಿರುಗೇಟು

ಎಲ್ಲಾ ಯೋಜನೆಗಳಿಗೆ ನೆಹರೂ, ಗಾಂಧಿ ಹೆಸರನ್ನೇ ಇಡೋಕಾಗುತ್ತಾ?: ಸಚಿವ ಅಶೋಕ್ ತಿರುಗೇಟು

ಸಂಬಳ ಇಲ್ಲ, ಕೆಲಸವೂ ಇಲ್ಲ…ಈಗ ಕಾರು ಮಾರಾಟ ಅನಿವಾರ್ಯ: ನಟ ಮಾನಸ್ ಶಾ!

ಸಂಬಳ ಇಲ್ಲ, ಕೆಲಸವೂ ಇಲ್ಲ…ಈಗ ಕಾರು ಮಾರಾಟ ಅನಿವಾರ್ಯ: ನಟ ಮಾನಸ್ ಶಾ!

ಹಾವೇರಿ ಜಿಲ್ಲೆಯಲ್ಲಿ ಮತ್ತೆ ನಾಲ್ವರಿಗೆ ಕೋವಿಡ್-19 ಸೋಂಕು ಪತ್ತೆ

ಹಾವೇರಿ ಜಿಲ್ಲೆ: 2 ವರ್ಷದ ಮಗು ಸೇರಿದಂತೆ ನಾಲ್ವರಿಗೆ ಕೋವಿಡ್-19 ಸೋಂಕು ಪತ್ತೆ

ಶುಂಠಿಯ ಸವಿರುಚಿ

ರುಚಿಕರವಾದ ಅಡುಗೆ…ಶುಂಠಿ ತಂಬುಳಿ, ಶುಂಠಿ ಬರ್ಫಿ ಮಾಡೋದು ಹೇಗೆ?

ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಆಲ್‌ಟೈಮ್‌ ಆರ್‌ಸಿಬಿ ಇಲೆವೆನ್‌: ವಿರಾಟ್‌ ಕೊಹ್ಲಿ ನಾಯಕ

ಆಲ್‌ಟೈಮ್‌ ಆರ್‌ಸಿಬಿ ಇಲೆವೆನ್‌: ವಿರಾಟ್‌ ಕೊಹ್ಲಿ ನಾಯಕ

ಧ್ಯಾನ್‌ ಚಂದ್‌ ಭಾರತೀಯ ಹಾಕಿಯ ಪಿತಾಮಹ ; ಬಲ್ಬೀರ್ ಸಿಂಗ್‌ ಭಾರತೀಯ ಹಾಕಿಯ ಅಂಕಲ್‌

ಧ್ಯಾನ್‌ ಚಂದ್‌ ಭಾರತೀಯ ಹಾಕಿಯ ಪಿತಾಮಹ ; ಬಲ್ಬೀರ್ ಸಿಂಗ್‌ ಭಾರತೀಯ ಹಾಕಿಯ ಅಂಕಲ್‌

ಮುರಳಿ ಅಕಾಡೆಮಿಯಲ್ಲಿ ಮಾಯಾಂಕ್ ಅಗರ್ವಾಲ್‌ ಅಭ್ಯಾಸ

ಮುರಳಿ ಅಕಾಡೆಮಿಯಲ್ಲಿ ಮಾಯಾಂಕ್ ಅಗರ್ವಾಲ್‌ ಅಭ್ಯಾಸ

ಆಸೀಸ್ ಸರಣಿಯ ಮೊದಲ ಪಂದ್ಯವನ್ನು ಬ್ರಿಸ್ಬೇನ್ ನಲ್ಲಿ ಆಡಲಿದೆ ಟೀಂ ಇಂಡಿಯಾ

ಆಸೀಸ್ ಸರಣಿಯ ಮೊದಲ ಪಂದ್ಯವನ್ನು ಬ್ರಿಸ್ಬೇನ್ ನಲ್ಲಿ ಆಡಲಿದೆ ಟೀಂ ಇಂಡಿಯಾ

ನನ್ನಲ್ಲಿ ಹಾಸ್ಯ ಪ್ರಜ್ಞೆಯಿದೆ.. ಹಾಗಾಗಿ ನಿವೃತ್ತಿಯ ನಂತರ ಈ ಉದ್ಯೋಗ ಮಾಡುತ್ತೇನೆ: ಧವನ್

ನನ್ನಲ್ಲಿ ಹಾಸ್ಯ ಪ್ರಜ್ಞೆಯಿದೆ.. ಹಾಗಾಗಿ ನಿವೃತ್ತಿಯ ನಂತರ ಈ ಉದ್ಯೋಗ ಮಾಡುತ್ತೇನೆ: ಧವನ್

MUST WATCH

udayavani youtube

Preserving the heritage -World Famous Udupi Mattugulla Documentary by Udayavani

udayavani youtube

Mattu ಗದ್ದೆಯಲ್ಲಿ ಕೃಷಿಯ ಆಟಕ್ಕಿಳಿದ Football ಆಟಗಾರ Yashodara

udayavani youtube

ಪಶುಸಂಗೋಪನೆಯಲ್ಲಿ ಯಶಸ್ವಿಯಾದ Uttam Agro Industries Poultry Farming Success Story

udayavani youtube

ಈ ಮನೆಯಲ್ಲಿದೆ ಬೀದಿನಾಯಿಗಳಿಗೆ ಪ್ರೀತಿಯ ಆಸರೆ | Udayvani

udayavani youtube

Karnataka : A Farmer who quits Private Job & became Successful in Agriculture

ಹೊಸ ಸೇರ್ಪಡೆ

dubbing-yuva

ಡಬ್ಬಿಂಗ್‌ನಲ್ಲಿ ಯುವರತ್ನ

yella-pilege

ಎಲ್ಲಾ ಪೀಳಿಗೆಯ ದೊಡ್ಡ ಸ್ಫೂರ್ತಿ: ಹಿರಿಯ ನಟ ಅಶ್ವತ್ಥ್‌

digant-banagaa

ದಿಗಂತ್‌ ಕಂಡ ಬಂಗಾರದ ಕನಸು!

rag ravi

ಹೊಸ ಧ್ವನಿಯ ಸ್ಪರ್ಶ

shigrave-nata

ಶೀಘ್ರವೇ ನಿಮ್ಮ ಜೊತೆ ಇರ್ತೀವಿ: ನಟ ಅನಿರುದ್ಧ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.